**1. 2406005 - Íþróttamannvirki í Búðardal 2024** **2. 2211012 - Uppbygging íbúðarhúsnæðis** |Byggðarráð samþykkir að úthluta Eykt ehf. lóð við Bakkahvamm 10 fyrir allt að 4 íbúðir í raðhúsi. | **3. 2301027 - Skólaakstur 2024-2027** **4. 2406017 - Tónlistarnám á Akureyri** |Samþykkt samhljóða.| **5. 2406018 - Fjallskil 2024** **6. 2406020 - Málefni bænda vegna kuldatíðar í byrjun júní** |Byggðarráð tekur undir bókun atvinnumálanefndar frá því á síðasta fundi nefndarinnar um málefnið og felur sveitarstjóra að koma þeirri ályktun á framfæri við hlutaðeigandi aðila.| Bókun atvinnumálanefndar er svohljóðandi: "Áföll sem þessi minna okkur á mikilvægi sjálfbærrar matvælaframleiðslu á Íslandi. Innlend og sjálfbær matvælaframleiðsla er hluti af þjóðaröryggi okkar. Afföll sem af þessu leiða geta haft verulegar og langvarandi afleiðingar á landsvísu, þar má bæði horfa til framleiðslunnar sjálfrar sem og stöðu og starfsumhverfi bænda. Hætta er á brottfalli úr greininni, hvort sem bændur fækka í bústofni eða hætta alfarið þegar áföll á borð við þetta bætast við brothætta stöðu atvinnugreinarinnar. Víða voru heybirgðir í vor með minnsta móti, eftir hretið eru allar líkur á að heyfengur verði með minna móti og því gæti reynst erfitt að koma þeim til aðstoðar sem hafa orðið hvað verst úti. Nauðsynlegt er að bíða ekki boðanna hvað varðar úrræði og aðstoð, því full áhrif munu ekki verða ljós fyrr en í haust/vetur þegar bændur hafa hirt fóður og tekið gripi á hús. Atvinnumálanefnd Dalabyggðar lýsir yfir samstöðu með bændum bæði innan héraðs og utan. Nefndin beinir því til stjórnvalda að vinna að gerð viðbragðsáætlunar vegna áfalla í landbúnaði ásamt því að tryggja bændum fjármagn til að bæta tjón sem af þeim hlýst. Hér skiptir forysta ráðherra landbúnaðarmála miklu máli." **7. 2406024 - Íbúakönnun landshlutanna 2023** |Byggðarráð lýsir ánægju með góða þátttöku íbúa Dalabyggðar í könnuninni og þeim stíganda sem orðið hefur í viðhorfi íbúa til þjónustu í Dölum á milli kannanna. Ljóst er að hægt að nýta könnun sem þessa til að bæta í varðandi þá þætti sem koma síður út en aðrir.| Jafnframt hvetur byggðarráð íbúa til að mæta á kynningu á útkomu könnunarinnar sem fram fer í Nýsköpunarsetrinu föstudaginn 28. júní n.k. kl. 12:00. [Ibuakonnun-landshlutanna-2023-nidurstodur.pdf]( displaydocument.aspx? itemid=uIoSnj3W30W9J6MmksF2TQ&meetingid=dXRuSOh2REajlvST8hifMw1) **8. 2406027 - Gjaldfrjálsar skólamáltíðir í grunnskólum** |Byggðarráð samþykkir þátttöku Dalabyggðar í því verkefni sem um ræðir en vekur athygli á því að enn á eftir að skýra hvernig verkefnið verði útfært af hálfu ríkisvaldsins varðandi aðkomu jöfnunarsjóðs.| **10. 2404006F - Atvinnumálanefnd Dalabyggðar - 47** **10.1. 2404001 - DalaAuður - staða mála** Farið yfir stöðu starfsmarkmiða DalaAuðs, framhald verkefnisins og komandi viðburði. Vífill Karlsson verður með erindi föstudaginn 28. júní kl. 12 í Nýsköpunarsetrinu þar sem hann fer yfir niðurstöður Íbúakönnunar landshlutanna. Á bæjarhátíðinni verður örsýning í Nýsköpunarsetrinu, "Frumkvöðlar fortíðarinnar". Á sýningunni verða upplýsingar, myndir og munir frá horfnu atvinnulífi og starfsemi fyrri tíma í Dölunum til sýnis. Nefndin þakkar Lindu fyrir komuna og samtalið. **10.2. 2406020 - Málefni bænda vegna kuldatíðar í byrjun júní** Áföll sem þessi minna okkur á mikilvægi sjálfbærrar matvælaframleiðslu á Íslandi. Innlend og sjálfbær matvælaframleiðsla er hluti af þjóðaröryggi okkar. Afföll sem af þessu leiða geta haft verulegar og langvarandi afleiðingar á landsvísu, þar má bæði horfa til framleiðslunnar sjálfrar sem og stöðu og starfsumhverfi bænda. Hætta er á brottfalli úr greininni, hvort sem bændur fækka í bústofni eða hætta alfarið þegar áföll á borð við þetta bætast við brothætta stöðu atvinnugreinarinnar. Víða voru heybirgðir í vor með minnsta móti, eftir hretið eru allar líkur á að heyfengur verði með minna móti og því gæti reynst erfitt að koma þeim til aðstoðar sem hafa orðið hvað verst úti. Nauðsynlegt er að bíða ekki boðanna hvað varðar úrræði og aðstoð, því full áhrif munu ekki verða ljós fyrr en í haust/vetur þegar bændur hafa hirt fóður og tekið gripi á hús. Atvinnumálanefnd Dalabyggðar lýsir yfir samstöðu með bændum bæði innan héraðs og utan. Nefndin beinir því til stjórnvalda að vinna að gerð viðbragðsáætlunar vegna áfalla í landbúnaði ásamt því að tryggja bændum fjármagn til að bæta tjón sem af þeim hlýst. Hér skiptir forysta ráðherra landbúnaðarmála miklu máli. **10.3. 2404009 - Forgangsröðun fjarskiptamála í Dalabyggð** Nefndin samþykkir framkomin drög og mun vinna prófarkalestur á næstu dögum með það að markmiði að skýrslan fari fyrir fyrsta fund sveitarstjórnar að loknu sumarleyfi. **10.4. 2404014 - Forgangsröðun vegaframkvæmda í Dalabyggð** Nefndin samþykkir framkomna uppfærslu og mun vinna prófarkalestur á næstu dögum með það að markmiði að skýrslan fari fyrir fyrsta fund sveitarstjórnar að loknu sumarleyfi. **10.5. 2406024 - Íbúakönnun landshlutanna 2023** Nefndin fagnar jákvæðu viðhorfi ungs fólks í Dölunum sem fram kemur í íbúakönnuninni sem og hækkun Dalanna á milli kannana. **11. 2405005F - Fræðslunefnd Dalabyggðar - 132** **11.1. 2308003 - Auðarskóli málefni grunnskóla 2023-2024** Fræðslunefnd samþykkir framkomið skóladagatal grunnskóla. Skólastjóri kynnti stundatöflu fyrir komandi skólaár, fræðslunefnd gerir ekki athugasemd við stundatöfluna. Skólastjóri upplýsti fræðslunefnd um vinnu við fyrirhugaða stefnu um námsmat í grunnskóla. Jafnframt var kynnt mat á starfsáætlun Auðarskóla 2023-2024 sem verður gerð aðgengileg á heimasíðu skólans á næstu dögum. Búið er að ganga frá ráðningum starfsfólks fyrir komandi starfsár. Rætt um kostnaðarskiptingu á milli skóla og nemenda/foreldra hvað varðar skíðaferðir, skólabúðir og annað tilfallandi. Fræðslunefnd samþykkir að jöfn kostnaðarskipting á milli skóla og nemenda/foreldra verði viðhöfð en mikilvægt að upphæð liggi fyrir í upphafi skólárs sé því við komið. **11.2. 2308004 - Auðarskóli, málefni leikskóla 2023-2024** Fræðslunefnd samþykkir framkomið skóladagatal leikskóla. Búið er að ganga frá ráðningu aðstoðarleikskólastjóra við leikskólann. Enn vantar hálft til eitt stöðugildi í leikskólann f.o.m. hausti. **11.3. 2404022 - Tónlistarskóli 2024** **11.4. 2301027 - Skólaakstur 2024-2027** Unnið er að frágangi samninga við bjóðendur. **11.5. 2406005 - Íþróttamannvirki í Búðardal** Rætt um mikilvægi þess að fyllsta öryggis verði gætt við alla umferð nemenda, starfsmanna leik- og grunnskóla og annarra hlutaðeigandi á framkvæmdatíma sem og akstursleiðir til og frá framkvæmdasvæðinu. Jafnframt rætt um skipulag skólalóðar. **11.6. 2208010 - Tómstundir í Dalabyggð** Mjög góð þátttaka hefur verið í sumarstarfi undanfarnar vikur og ástæða til þess að þakka öllum sem að hafa komið. Formaður Íþróttafélagsins Undra fór yfir horfur fyrir komandi haust varðandi þjálfaramál og hvaða íþróttagreinar verður mögulega boðið upp á sem og hvaða mögulegu tímasetningar verði á æfingum sem verða í boði. Jafnframt rætt um mikilvægi þess að tímasetningar félagsmiðstöðvar henti í samanburði við aðrar tímasetningar tómstundastarfs. Samtal við Skátafélagið, Glímufélagið og Björgunarsveit um áframhaldandi starf í haust er hafið og til fyrirmyndar allt það sjálfboðaliðastarf sem í boði hefur verið og vonandi verður svo áfram. Íþrótta- og tómstundafulltrúi fór yfir starfið hjá eldri borgurum. **11.7. 2401041 - Ungmennaráð 2024** Rætt um þá liði sem um var rætt af hálfu ungmennanna á fundi með sveitarstjórn. Fræðslunefnd vill koma á framfæri þakklæti til ungmennaráðs fyrir góð erindi og málefnalega framsetningu þeirra mála sem rædd voru á fundinum. Mikilvægt er að halda umræddum málefnum á lofti og útfæra hvernig Dalabyggð getur staðið að því að styrkja umrædd málefni og verkefni á komandi vikum og mánuðum. Verkefnastjóra fjölskyldumála og íþrótta- og tómstundafulltrúa, í samstarfi við sveitarstjóra og skólastjóra þar sem við á, falið að taka saman yfirlit yfir áherslur Dalabyggðar í einstaka verkefnum og það hvar mögulegt er að sækja um styrki til einstakra verkefna í þeim þáttum sem um ræðir. **11.8. 2010009 - Akstur framhaldsskólanema úr Búðardal í MB** Fræðslunefnd leggur áherslu á að leitast verði við að viðhalda ferðum á mánudagsmorgnum úr Búðardal og að nemendum verði gert kleift að nota ferð strætó á föstudagseftirmiðdegi vestur í Dali. **11.9. 2403007 - Starfshópur um skipulag íþrótta-, æskulýðs- og tómstundastarfs í Dalabyggð 2024** Fræðslunefnd lýsir stuðningi við þá nálgun sem formaður kynnti á fundinum og styður að verkefnið fái framgang. **13. 2401003 - Fundargerðir Samband Íslenskra sveitarfélaga 2024** [stjórn Sambands íslenskra sveitarfélaga - 948..pdf]( displaydocument.aspx? itemid=0j0RcIrdUkKbsiFuSPjZg&meetingid=dXRuSOh2REajlvST8hifMw1)