[s. 433 1000](tel:4331000) [Vefir Akraneskaupstaðar](#) = Skipulags- og umhverfisráð = Dagskrá === 1.Grænir iðngarðar í Flóahverfi - Staða verkefnis === 2406072 Staða verkefnisins Grænir iðngarðar í Flóahverfi. Valdís Eyjólfsdóttir verkefnastjóri situr fundinn undir þessum dagskrárlið. Skipulags- og umhverfissvið þakkar fyrir skýra og greinargóða kynningu. Valdís Eyjólfsdóttir verkefnastjóri víkur af fundi. === 2.Framkvæmdir og viðhald fasteigna Akraneskaupstaðar 2024 === 2408249 Farið yfir framkvæmdir og viðhald fasteigna Akraneskaupstaðar á árinu 2024. Skipulags- og umhverfisráð þakkar góða yfirferð á stöðu framkvæmda og viðhalds á fasteignum Akraneskaupstaðar. Ráðið stefnir að vettvangsskoðun í Brekkubæjarskóla og í íþróttahúsið á Vesturgötu á næsta fundi ráðsins og verður bæjarfulltrúum boðið með. === 3.Deiliskipulag Smiðjuvellir 12-22 - samkomulag um uppbyggingu og breytta nýtingu === 2210185 Umsókn Smiðjuvalla ehf. um breytingu á deiliskipulagi Smiðjuvalla 12-22. Breyting á deiliskipulagi Smiðjuvalla var auglýst skv. 1 mgr. 41. gr skipulagslaga nr. 123/2010 frá 10. júlí sl. til og með 26. ágúst sl. Fimm umsagnir bárust en engin athugasemd. Umsagnir lagðar fram. Skipulags- og umhverfisráð leggur til við bæjarstjórn að deiliskipulagsbreytingin verði samþykkt, send Skipulagsstofnun og auglýst í B-deild Stjórnartíðinda. === 4.Aðalskipulag breyting - Þróunarsvæði Smiðjuvellir === 2301057 Breyting á aðalskipulagi vegna þróunarsvæðis C samkvæmt Aðalskipulagi Akraness 2021-2033. Samhliða aðalskipulagsbreytingu þessari var deiliskipulagsrammi auglýstur. Aðalskipulagsbreytingin ásamt deiliskipulagsramma var auglýst skv. 31. gr. skipulagslaga nr. 123/2010 frá 10. júlí 2024 til og með 26. ágúst 2024. Fjórar umsagnir bárust en engin athugasemd. Umsagnir lagðar fram. Skipulags- og umhverfisráð leggur til við bæjarstjórn að aðalskipulagsbreytingin verði samþykkt, send Skipulagsstofnun og auglýst í B-deild Stjórnartíðinda. === 5.Deiliskipulag Flatarhverfi klasi 5 og 6 Innnesvegur 1 Breyting - umsókn til Skipulagsfulltúra === 2308168 Umsókn Löðurs ehf. um breytingu á Aðalskipulagi Akraness 2021-2033 og deiliskipulagi Flatahverfis klasi 5 og klasi 6 vegna Innnesvegar 1. Tillaga að breytingu á deiliskipulagi Flatahverfis klasa 5 og 6 vegna Innnesvegar 1 var lögð fram fyrir Skipulags- og umhverfisráð þann 24. júní sl. Þá lýsti ráðið yfir áhyggjum sínum yfir starfsemi að næturlagi og biður um endurskoðun á opnunartíma. Einnig var óskað eftir ítarlegri gögnum um ytri áhrif frá starfseminni er varðar hljóðvist, lykt og ljósmengun. Ný gögn vegna málsins lögð fram. Skipulags- og umhverfisráð felur skipulagsfulltrúa að halda kynningarfund um væntanlega deiliskipulagsbreytingu. === 6.Breyting á aðalskipulagi vegna Innnesvegar 1 - Umsókn til skipulagsfulltrúa === 2406240 Umsókn Löðurs ehf. um breytingu á Aðalskipulagi Akraness 2021-2033 og deiliskipulagi Flatahverfis klasi 5 og klasi 6 vegna Innnesvegar 1. Á lóðinni verður auk núverandi bakarís gert ráð fyrir bílaþvottastöð og smur- og dekkjaþjónustu í núverandi húsnæði í stað bílasölu. Landnotkun verður ekki breytt en sett sérákvæði um VÞ-212 með heimild fyrir verkstæði og bílaþjónustu umfram núverandi ákvæði um verslun og þjónustu. Engin breyting verður gerð á aðalskipulagsuppdrætti. Skipulags- og umhverfisráð felur skipulagsfulltrúa að halda kynningarfund um væntanlega aðalskipulagsbreytingu. === 7.Deiliskipulag Akraneshöfn === 2306198 Fyrirhuguð breyting á deiliskipulagi Akraneshafnar skv. 1 mgr. 43 gr. skipulagslaga nr. 123/2010 og tekur til H-102 sem er samkvæmt Aðalskipulagi Akraness 2021-2033. Gert er ráð fyrir landfyllingu. Landfyllingin er ætluð undir hafsækna starfsemi, fiskiðnað og aðra athafnastarfsemi. Vinnslutillaga að deiliskipulagi lögð fram. Skipulagsfulltrúi lagði fram vinnslutillögu að deiliskipulagi. Skipulags- og umhverfisráð felur skipulagsfulltrúa að vinna málið áfram. === 8.Sólmundarhöfði 5 djúpgámar - umsókn til skipulagsfulltrúa === 2407142 Umsókn lóðarhafa um breytingu á deiliskipulagi Sólmundarhöfða, vegna Sólmundarhöfða 5. Gert er ráð fyrir djúpgámum innan byggingarreits vestanverðu á lóð. Byggingarreitur er stækkaður þar sem gert er ráð fyrir staðsetningu djúpgáma. Skipulags- og umhverfisráð leggur til við bæjarstjórn að deiliskipulagsbreytingin verði samþykkt samkvæmt 2 og 3. mgr. 44. gr. skipulagslaga nr. 123/2010, send Skipulagsstofnun og auglýst í B-deild. === 9.Fjárfestinga- og framkvæmdaáætlun 2024-2033 === 2406017 Umfjöllun um fjárfestinga- og framkvæmdaáætlun 2024-2033. Sviðsstjóri fór yfir stöðu fjárfestinga- og framkvæmdaráætlun 2024-2033. === 10.Suðurgata 57 - gamla Landsbankahúsið === 2301247 Drög að útboðsgögnum vegna sölu á fasteign við Suðurgötu 57 lögð fram. Skipulagsfulltrúi fór yfir drög að útboðsgögnum. Skipulagsfulltrúa falið að vinna málið áfram. === 11.Umhverfisviðurkenningar 2024 - tilnefningar === 2408036 Jón Arnar Sverrisson, garðyrkjustjóri, kynnir tilnefningar til Umhverfisviðurkenningar Akraneskaupstaðar 2024. Skipulags- og umhverfisráð fór yfir tilnefningar til umhverfisviðurkenninga 2024. Skipulags-og umhverfisráð samþykkir fyrirliggjandi tillögur að viðurkenningum í eftirfarandi flokkum: Falleg einbýlishúsalóð, hvatningarverðlaun, endurgerð eldri húsa, samfélagsverðlaun og tré ársins. Garðyrkjustjóra falið að undirbúa afhendingu viðurkenninga. Skipulags-og umhverfisráð samþykkir fyrirliggjandi tillögur að viðurkenningum í eftirfarandi flokkum: Falleg einbýlishúsalóð, hvatningarverðlaun, endurgerð eldri húsa, samfélagsverðlaun og tré ársins. Garðyrkjustjóra falið að undirbúa afhendingu viðurkenninga. Fundi slitið - kl. 20:30.