= Fjölskyldu- og frístundanefnd = Dagskrá === 1.Trúnaðarmál === 2010017 Trúnaðarmál tekin fyrir í Fjölskyldu- og frístundanefnd. Trúnaðarmál tekin fyrir í Fjölskyldu- og frístundanefnd. === 2.Frumkvæðisathugun á upplýsingagjöf á vefsíðum sveitarfélaga um þjónustu við fatlað fólk === 2404052 Kynning á niðurstöðum frumkvæðisathugunar Gæða- og eftirlitsstofnunar á upplýsingum um þjónustu við fatlað fólk á vefsíðu sveitarfélaga. Farið yfir niðurstöður frumkvæðisathugunar Gæða- og eftirlitsstofnunar á upplýsingum um þjónustu við fatlað fólk á vefsíðu sveitarfélaga. Félagsmálastjóra falið að vinna áfram með niðurstöðurnar. === 3.Reglur um heimagreiðslur === 2002003 Endurskoðun á reglum Hvalfjarðarsveitar um heimagreiðslur. Fjölskyldu- og frístundanefnd fór yfir reglur um heimagreiðslur og felur félagsmálastjóra að vinna málið áfram. === 4.Lög um breytingu á lögum um húsnæðisbætur nr. 752016 === 2409006 Alþingi samþykkti i maí síðastliðnum lög um breytingar á lögum um húsnæðisbætur með það að markmiði að styðja við nýgerða kjarasamninga með því að hækka húsnæðisbætur og auka þannig ráðstöfunartekjur heimilanna og draga úr íþyngjandi húsnæðiskostnaði leigjanda. Helstu breytingar á húsnæðisbótum fela í sér að grunnfjárhæðir og frítekjumörk verða aðlöguð að allt að sex heimilismönnum, í stað fjögurra áður. Grunnfjárhæðir hækka, m.a. um 25% fyrir einstaklinga, og skerðingarmörk vegna eigna hækka í 12,5 milljónir króna. Húsnæðisbætur falla ekki niður fyrr en heildareignir heimilis ná 20 milljónum króna. Helstu breytingar á húsnæðisbótum fela í sér að grunnfjárhæðir og frítekjumörk verða aðlöguð að allt að sex heimilismönnum, í stað fjögurra áður. Grunnfjárhæðir hækka, m.a. um 25% fyrir einstaklinga, og skerðingarmörk vegna eigna hækka í 12,5 milljónir króna. Húsnæðisbætur falla ekki niður fyrr en heildareignir heimilis ná 20 milljónum króna. Farið yfir lög um breytingar á lögum um húsnæðisbætur. Félagsmálastjóri falið að skoða reglur um sérstakan húsnæðisbætur með tilliti til laga um breytinga á lögum um húsnæðisbætur nr. 75/2016. === 5.Vinnuskóli Hvalfjarðarsveitar 2024 === 2401027 Fara yfir starfsemi Vinnuskólans sumarið 2024. Frístunda- og menningarfulltrúi fór yfir starfssemi og skýrslu Vinnuskólans fyrir sumarið 2024. Yfirfara þarf búnað fyrir vinnuskólann. Nefndin felur frístunda- og menningarfulltrúa að fylgja því eftir. Nefndin þakkar starfsmönnum Vinnuskólans fyrir vel unnin störf í sumar. Nefndin þakkar starfsmönnum Vinnuskólans fyrir vel unnin störf í sumar. === 6.Íþróttamiðstöðin Heiðarborg === 2404102 Skipulag í Heiðarborg. Starfsemi Heiðarborgar er komin af stað en ekki hefur tekist að opna sundlaug fyrir almenning en opið er í íþrótta- og þreksal. Stefnt er að opnun sundlaugarinnar um miðjan september. === 7.Félagsmiðstöðin 301 === 2402003 Skipulag og starfsmannamál í félagsmiðstöðinni 301 haustið 2024. Frístunda- og menningarfulltrúi fór yfir starfsmannamál og skipulag Félagsmiðstöðvarinnar 301. Fyrsta opnun vetrarsins verður 12. september næstkomandi. Fundi slitið - kl. 18:30.