**1667. fundur bæjarráðs Grindavíkur haldinn í bæjarstjórnarsal, þriðjudaginn 8. október 2024 og hófst hann kl. 14:00.** Fundinn sátu: Hjálmar Hallgrímsson, formaður, Helga Dís Jakobsdóttir var fjarverandi en í staðinn sat fundinn Sævar Þór Birgisson, varamaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi. Einnig sátu fundinn: Jón Þórisson, sviðsstjóri fjármála- og stjórnsýslusviðs, Fannar Jónasson, bæjarstjóri og Guðjón Bragason, lögfræðingur. Fundargerð ritaði: Jón Þórisson, sviðsstjóri fjármála- og stjórnsýslusviðs. Dagskrá: **1. Varðveisla minja og aðgengi ferðamanna - Rammaskipulag - 2410007** Gestir fundarins undir þessum dagskrárlið: Hafnarstjóri, sviðsstjóri félagsþjónustu- og fræðslusviðs, sviðsstjóri frístunda- og menningarsviðs og Skarphéðinn Berg Steinarsson. Frá Batteríinu: Davíð Ingi Bustion (Teams) og Sigurður Einarsson (Teams). Lögð fram verkefnislýsing og áætlun um hönnun og ráðgjöf frá Batteríinu arkitektum. Bæjarráð felur sviðsstjóra frístunda- og menningarsviðs að vinna málið áfram með fyrirvara um fjármögnun verkefnisins. **2. Aðstaða UMFG til æfinga og keppni - 2404147** Gestir fundarins undir þessum dagskrárlið: Hafnarstjóri, sviðsstjóri félagsþjónustu- og fræðslusviðs, sviðsstjóri frístunda- og menningarsviðs og Skarphéðinn Berg Steinarsson. Lagður fram leigusamningur við Breiðablik vegna aðstöðu í Smáranum með gildistíma 1. okt. 2024 til 31. maí 2025. Bæjarráð felur bæjarstjóra að undirrita samninginn. **3. Málefni fatlaðs fólks - Samningar um þjónustuúrræði - 2410001** Gestir fundarins undir þessum dagskrárlið: Hafnarstjóri, sviðsstjóri félagsþjónustu- og fræðslusviðs, sviðsstjóri frístunda- og menningarsviðs og Skarphéðinn Berg Steinarsson. Lagt fram minnisblað frá sviðsstjóra félagsþjónustu- og fræðslusviðs, dags. 1. október 2024. Bæjarráð felur bæjarstjóra og sviðsstjóra félagsþjónustu- og fræðslusviðs að ræða við sveitarfélögin á Suðurnesjum um aðkomu Grindavíkurbæjar að þessum þjónustuúrræðum á árinu 2025. **4. Hafnasambandsþing 2024 - 2409032** Gestur fundarins undir þessum dagskrárlið: Hafnarstjóri. Hafnasamband Íslands boðar til 44. hafnasambandsþings sem haldið verður í Hofi á Akureyri, dagana 24. og 25. október 2024. Grindavík á skv. reglum Hafnasambandsins 5 fulltrúa. Bæjarráð samþykkir að fari 3 fulltrúar frá Grindavíkurbæ á hafnarsambandsþingið. **5. Hafnasambandsþing 2026 - 2409036** Gestur fundarins undir þessum dagskrárlið: Hafnarstjóri. Lögð fram fyrirspurn um hvort Grindavíkurbær haldi hafnasambandsþing haustið 2026 ásamt Suðurnesjabæ og Reykjaneshöfn. Bæjarráð tekur jákvætt í erindið. **6. Fjárhagsáætlun 2025-2028 - Grindavíkurbær og stofnanir - 2409018** Lagt fram umræðuskjal um tekjustofna Grindavíkurbæjar á árinu 2025. Farið yfir samskipti við framkvæmdanefnd um fasteignagjöld á árinu 2025 og fleiri tekjuforsendur fjárhagsáætlunar fyrir árið 2025. **7. Tryggingar á vélum og verkfærum innan Grindavíkur - 2409030** Lagður fram tölvupóstur frá Grindinni trésmiðju vegna tryggingamála, dags. 16.09.2024. Bæjarráð lýsir undrun sinni yfir afstöðu tryggingafélaga sem lýst er í erindinu og telur þetta ástand óviðunandi við þá uppbyggingu sem þegar er hafin í Grindavík og takmarkar möguleika fyrirtækja til reksturs í bæjarfélaginu. Bæjarráð felur bæjarstjóra að ræða við framkvæmdanefndina um tryggingamál í Grindavík. **8. Leit á vettvangi vinnuslyss - 2410005** Borist hefur erindi frá lögreglustjóranum á Suðurnesjum vegna vettvangs vinnuslyss við Vesturhóp 26. Bæjarráð felur bæjarstjóra að ræða við framkvæmdanefndina um framhald málsins. **9. Aðstaða fyrir lögreglu í Grindavík - 2410006** Borist hefur erindi frá embætti lögreglustjórans á Suðurnesjum vegna aðstöðu fyrir lögregluna næstu mánuði. Horft er til þess að fá húsnæði Bókasafns Grindavíkur til afnota. Bæjarráð samþykkir erindið. Fleira ekki gert. Fundi slitið kl. 16:20. Bæjarráð / 8. október 2024 [Fundur 1667](/v/27370) Bæjarráð / 17. september 2024 [Fundur 1666](/v/27369) Bæjarstjórn / 24. september 2024 [Fundur 577](/v/27354) Bæjarráð / 10. september 2024 [Fundur 1665](/v/27342) Bæjarráð / 3. september 2024 [Fundur 1664](/v/27335) Bæjarstjórn / 27. ágúst 2024 [Fundur 576](/v/27327) Bæjarstjórn / 21. ágúst 2024 [Fundur 575](/v/27316) Bæjarráð / 14. ágúst 2024 [Fundur 1663](/v/27305) Bæjarstjórn / 23. júlí 2024 [Fundur 574](/v/27293) Bæjarstjórn / 2. júlí 2024 [Bæjarstjórn nr. 573](/v/27284) Bæjarstjórn / 25. júní 2024 [Fundur 572](/v/27283) Bæjarstjórn / 11. júní 2024 [Fundur 571](/v/27265) Bæjarstjórn / 3. júní 2024 [Fundur 570](/v/27264) Bæjarstjórn / 30. maí 2024 [Fundur 569](/v/27263) Bæjarstjórn / 21. maí 2024 [Fundur 568](/v/27262) Bæjarstjórn / 7. maí 2024 [Fundur 567](/v/27261) Skipulagsnefnd / 3. júní 2024 [Fundur 133](/v/27259) Skipulagsnefnd / 8. maí 2024 [Fundur 132](/v/27249) Skipulagsnefnd / 6. nóvember 2023 [Fundur 128](/v/27248) Bæjarstjórn / 30. apríl 2024 [Fundur 566](/v/27205) Bæjarstjórn / 23. apríl 2024 [Fundur 565](/v/27194) Bæjarstjórn / 17. apríl 2024 [Fundur 564](/v/27184) Skipulagsnefnd / 10. apríl 2024 [Fundur 131](/v/27169) Bæjarstjórn / 4. apríl 2024 [Fundur 562](/v/27168) Bæjarstjórn / 10. apríl 2024 [Fundur 563](/v/27163) Bæjarstjórn / 26. mars 2024 [Fundur 561](/v/27138) Skipulagsnefnd / 25. mars 2024 [Fundur 130](/v/27133) Skipulagsnefnd / 25. mars 2024 [Fundur 130](/v/27131) Bæjarstjórn / 19. mars 2024 [Fundur 560 ](/v/27114) Bæjarstjórn / 12. mars 2024 [Fundur 559](/v/27096)