== Fundur nr. 27 == Kjörtímabilið 2022—2026 Kjörtímabilið 2022—2026 Félagsheimilinu Miklagarði kl. 08:00 Þórhildur Sigurðardóttir ritaði fundargerð BS Berglind SteindórsdóttirNefndarmaður JHH Jenný Heiða HallgrímsdóttirNefndarmaður ÞH Þráinn HjálmarssonNefndarmaður HD Hjörtur DavíðssonNefndarmaður AÓS Aðalbjörg Ósk SigmundsdóttirNefndarmaður ÞS Þórhildur SigurðardóttirStarfsmaður Fundur nr. 27 haldinn í fjölskylduráði kjörtímabilið 2022-2026, 5. nóvember kl. 8:15 í Félagsheimilinu Miklagarði. **a. Fyrirkomulag gjaldfrjálsra daga** Fyrirkomulag gjaldfrjálsra daga í leikskólanum Brekkubæ er svona núna: Hægt er að sækja einu sinni á skólaárinu um niðurfellingu á leikskólagjöldum allt að 6 vikum eða 30 virkum dögum fyrir utan sumarlokun. Þessir dagar eru til viðbótar við gjaldfrjálsa daga í vetrarfríum og á milli jóla og nýárs. Sækja þarf um gjaldfrjálsa daga með tveggja vikna fyrirvara. Eftirfarandi er fyrirkomulag gjaldfrjálsra daga í Múlaþingi: Múlaþing: Sumarfrí má vera 30 virkir dagar á ári, ef eingöngu eru teknir t.d. 25 dagar yfir sumarið má taka það sem uppá vantar síðar um veturinn. Það má þó bara skipta dögunum tvisvar sinnum, þ.e. sumarfrí og eitt frí til. Lagt er til að gjaldfrjálsir dagar verði áfram 30 virkir dagar en hægt verði að skipta þessu niður í tvö tímabil. Ef frí er tekið tímabilið 1. júní - 31. ágúst þá þarf að sækja um fyrir 1. maí. Yfir vetrarmánuðina þarf að sækja um fyrir 20. hvers mánaðar. Samþykkt samhljóða. Þorláksmessu bætt við sem skráningardegi. Í framhaldi af fjölskylduráðsfundi í október, þar sem samþykkt var að hafa skráningardaga á milli jóla- og nýárs, óskaði leikskólastjóri eftir því að bæta Þorláksmessu við sem skráningardegi. Var samþykkis nefndarmanna leitað í tölvupósti og var það samþykkt. Er því komið á framfæri í fundargerð hér með. Hugmynd um sveigjanlega viðveru barna: Á vinnufundi með leikskólastjóra og aðstoðarleikskólastjóra var rætt um að mörg börn eru skráð með fulla viðveru, þ.e. frá 7:45 til 16:15. Hins vegar er nýtingin á þessum tíma ekki alltaf í samræmi við skráningu. Í dag er hægt að sækja um sveigjanlega viðveru 1x á ári, t.d. að vera styttra ákveðinn dag. Hins vegar er ekki hægt að sækja um sveiganlega viðveru með styttri fyrirvara og þá daga sem eru ekki alltaf þeir sömu. Barst það í tal hvort hægt væri að útfæra einhverskonar sveigjanlega viðveru þar sem fólk gæti sagt með ákveðnum fyrirvara hvaða daga það kæmi með börnin t.d. 7:45 eða þau væru til 16:15. Þá væri e.t.v. hægt að skipuleggja vinnustyttingu eitthvað út frá því, minnka viðveru barna eitthvað og gjöld foreldra fyrir tíma sem þeir ekki nýta. Ákveðið var að viðra þessa hugmynd á fjölskylduráðsfundi og sjá hvort áhugi væri fyrir því að skoða þetta nánar. Lagt til að leikskólastjóri og aðstoðarleikskólastjóri komi með hugmynd að útfærslu. Margrét Gunnarsdóttir bókasafnsvörður mætti á fund. Viðburður var á bókasafni á dögum myrkurs sem gekk vel. Var búið að nefna við Margréti að það væri hægt að hafa sögustund fyrir yngstu börnin, segir að væri gaman að skoða það t.d. 1x í mánuði. Elstu börnin á leikskólanum hafa komið í heimsókn. Rætt um fjölmenningarmál. Einhver bókasöfn farin að panta inn bækur á fleiri tungumálum. Börn í 5. bekk í Vopnafjarðarskóla hafa talað um að þau myndu vilja fá lánaðar bækur á sínu tungumáli. Margrét hefur fengið pólskar bækur í millisafnaláni. Á Reyðarfirði eru pantaðar margar erlendar bækur. Spurning hvort hægt sé að hafa samband við sendiráðin. Margrét ætlar að skoða þetta. Starfsmanni fjölskylduráðs falið að senda póst á fjölmenninguna á Vopnafirði. Margrét segist vera dugleg að panta íslenskar barnabækur en segir börnin ekki nýta sér að taka bækur heim mjög mikið. Fólk á öllum aldri sem kemur á bókasafnið. Alltaf opið inná bókasafnið fyrir skólann. V antar orðið hillur á bókasafnið. Kominn tími á að laga ýmislegt. Fleira var ekki tekið fyrir og fundi slitið kl. 08.54.