[s. 433 1000](tel:4331000) [Vefir Akraneskaupstaðar](#) = Skóla- og frístundaráð = Dagskrá === 1.Fjárhagsáætlun 2025 og þriggja ára áætlun vegna tímabilsins 2026-2028 === 2406142 Umfjöllun um fjárhagsáætlun fyrir árið 2025 með áherslu á þá málaflokka sem heyra undir skóla- og frístundaráð. Kristjana H. Ólafsdóttir fjármálastjóri fylgir málinu eftir. Kristjana H. Ólafsdóttir fjármálastjóri fylgir málinu eftir. Skóla- frístundaráð þakkar Kristjönu fyrir gagnlegar upplýsingar um stöðu fjárhagáætlunarvinnu fyrir árið 2025. Kristjana víkur af fundi. === 2.Tómstundaframlag - vinnumhópur um endurskoðun === 2312220 Tillögur að fyrirkomulagi tómstundaframlags lagðar fram til kynningar og umræðu. Lagt fram til kynningar. Skóla- og frístundaráð mun fjalla áfram um málið á næsta fundi ráðsins. === 3.KFÍA - Vallarhús === 2410228 KFÍA óskar eftir samtali við Akraneskaupstað um nýtingu á Vallarhúsi. Daníel S. Glad forstöðumaður íþróttamannvirkja situr fundinn undir dagskrárliðum 3-5 og Guðmunda Ólafsdóttir framkvæmdarstjóri ÍA undir dagskrárliðum 3 og 4. Daníel S. Glad forstöðumaður íþróttamannvirkja situr fundinn undir dagskrárliðum 3-5 og Guðmunda Ólafsdóttir framkvæmdarstjóri ÍA undir dagskrárliðum 3 og 4. Skóla- og frístundaráð tekur jákvætt í erindið og felur sviðsstjóra og framkvæmdarstjóra ÍA frekara samtal við KFÍA um hugmyndir þeirra um framtíð Vallarhússins. === 4.FIMÍA - beiðni um búnaðarkaup === 2410229 Beiðni til skóla og frístundaráðs um búnaðarkaup fyrir Fimleikafélag Akraness. Fram kemur í erindi FIMÍA að mikill ágangur hefur verið á tækjabúnað félagsins, sérstaklega dansgólf, vegna aukinnar og óvæntrar nýtingar á fimleikahúsinu vegna lokunar á íþróttahúsinu á Vesturgötu. Um er að ræða nemendur skóla og leikskóla auk annarrar íþróttastarfsemi. Jafnframt bendir félagið á að ekki hafi verið lokið við að fullbúa húsið eftir byggingu þess. Skóla- og frístundaráð leggur til við bæjarráð að dansgólf verði endurnýjað ásamt því að fjárfest verði í lendingarbúnaði til að mæta kröfum Fimleikasambands Íslands svo hægt verði að halda Íslandsmót í fimleikahúsinu. Ráðið leggur til að útgjöldum verði mætt með viðauka við fjárhagsáætlun 2024 að fjárhæð 7.069.748 vegna búnaðarkaupa við fimleikahúsið 4660-06520 og að kostnaði vegna þessa verði mætt með ónýttu fjármagni á launaliðum íþróttahússins á Vesturgötu. Skóla- og frístundaráð vísar málinu til umfjöllunar í bæjarráði. === 5.Fjárhagsáætlun 2025 og þriggja ára áætlun vegna tímabilsins 2026-2028 === 2406142 Umfjöllun um gjaldskrár framhaldið frá síðasta fundi ráðsins. Skóla- og frístundaráð vísar tillögum ráðsins að breytingum á gjaldskrám málaflokksins til umfjöllunar í bæjarráð. === 6.Tónberg- endurnýjun á búnaði === 2309310 Skóla- og frístundaráð óskaði eftir frekari gögnum um útfærslu og áfangaskiptingu varðandi endurnýjun á ljósabúnaði í Tónbergi sem hér eru lögð fram. Sviðsstjóra er falið að vinna málið áfram. Fundi slitið - kl. 19:30.