= Velferðarnefnd = Dagskrá Jóhanna Gréta Hafsteinsdóttir ráðgjafi á velferðarsviði sat fundinn. === 1.Endurskoðun reglna um ferliþjónustu 2024 - 2024020101 === Lögð fram drög að reglum Ísafjarðarbæjar um akstursþjónustu ásamt minnisblaði deildarstjóra um breytingar á reglum um akstursþjónustu. Velferðarnefnd leggur til við bæjarstjórn Ísafjarðarbæjar að samþykkja nýjar reglur um akstursþjónustu. === 2.Endurskoðun - Reglur um fjárhagsaðstoð í Ísafjarðarbæ. - 2024030106 === Lögð fram drög að reglum Ísafjarðarbæjar um fjárhagsaðstoð. Ásamt minnisblaði um reglur um fjárhagsaðstoð. Samþykkt að halda áfram vinnu við gerð reglna Ísafjarðarbæjar um fjárhagsaðstoð. === 3.Beiðni um framlag til starfsemi Stígamóta árið 2025 - 2024110020 === Lagt fram bréf til sveitarfélaganna frá Stígamótum dagsett 30. október 2024, þar sem samtökin óska eftir framlagi til starfsemi Stígamóta árið 2025. Velferðarnefnd vísar málinu til fjárhagsáætlunargerðar fyrir árið 2025. === 4.Sóknaráætlun Vestfjarða 2025-2029 - 2024100046 === Á 1299. fundi bæjarráðs, þann 14. október 2024, var lagður fram til kynningar tölvupóstur Magneu Garðarsdóttir fyrir hönd Vestfjarðarstofu, dags. 9. október 2024, þar sem bent er á að drög að Sóknaráætlun Vestfjarða 2025-2029 hefur verið sett inn á samráðsgátt til umsagnar. Umsagnarfrestur er til og með 24. október 2024. Bæjarráð vísaði málinu til umsagnar í menningarmálanefnd, umhverfis- og framkvæmdanefnd, skipulags- og mannvirkjanefnd, velferðarnefnd og skóla-, íþrótta- og tómstundanefnd. Bæjarráð áréttar að Sóknaráætlun Vestfjarða 2025-2029 verður til umræðu á Fjórðungsþingi Vestfirðinga 18.-19. október 2024. Bæjarráð vísaði málinu til umsagnar í menningarmálanefnd, umhverfis- og framkvæmdanefnd, skipulags- og mannvirkjanefnd, velferðarnefnd og skóla-, íþrótta- og tómstundanefnd. Bæjarráð áréttar að Sóknaráætlun Vestfjarða 2025-2029 verður til umræðu á Fjórðungsþingi Vestfirðinga 18.-19. október 2024. Velferðarnefnd mun ekki skila áliti þar sem frestur til þess er liðinn. === 5.Mál til umsagnar frá nefnda- og greiningarsviði Alþingis - 2024110027 === Lögð fram til kynningar tillaga til þingsályktunar um búsetuöryggi í dvalar og hjúkrunarrýmum. Velferðarnefnd mun ekki skila umsögn um málið. === 6.Mál til umsagnar frá nefnda- og greiningarsviði Alþingis - 2024110027 === Lagt fram til kynningar frumvarp til laga um breytingu á lögum um málefni aldraðra nr. 125/1999. Velferðarnefnd mun ekki skila umsögn um málið. Fundi slitið - kl. 16:25. Er hægt að bæta efnið á síðunni?