2403003 Lagður fram viðauki númer 5 2024 vegna reksturs. Tekjuauking: Útsvar fyrstu níu mánuði ársins er 30 m.kr. hærra en áætlað var, greiðsla vegna gjaldfrjálsra skólamáltíða nemur 6,6 m.kr á árinu sbr. mál nr. 2407022, auk þess sem innheimtar hafa verið leigutekjur og endurgreiðsla rafmagns á tjaldsvæði vegna áranna 2020-2023 að fjárhæð 9,6 m.kr. sem ekki hafði verið áætlað fyrir sbr. málsnúmer 2303001. Eftirfarandi mál hafa verið samþykkt í bæjarráði og er áætlaður kostnaður eftirfarandi: Sérfræðikostnaður á bæjarskrifstofu -2,5 m.kr. (mál 2410011), stöðugildi bygggingarfulltrúa og verkefnastjóra reikningshalds og umbóta á bæjarskrifstofu -7 m.kr. (mál 2407026), þráðlausir punktar í skóla -2,25 m.kr.(mál 2410017) og tímabundið hlutastöðugildi í leikskóla 0,5 m.kr. (mál 2411001). Auk þess hafa eftirfarandi deildir félagsþjónustu verið umfram áætlaðan kostnað fyrstu níu mánuði ársins vegna fjölgunar þjónustuþega og aukningar þjónustuþarfar: Barnavernd fóstur utan heimilis -2 m.kr, barnavernd úrræði á heimili -0,5 m.kr., barnavernd annað -0,6 m.kr., ferðaþjónusta fatlaðra -4 m.kr., Selið-dagdvöl -1,3 m.kr. og heimaþjónusta aldraðra -1,9 m.kr. Lagt er til að tekjum umfram kostnaðarauka hér að ofan að fjárhæð 23,7 m.kr. sé bætt við handbært fé sveitarfélagsins. Ásta Friðriksdóttir, verkefnastjóri reikningshalds og umbóta situr undir þessum dagkrárlið. Vísað til vinnu við gerð fjárhagsáætlunar.