[s. 433 1000](tel:4331000) [Vefir Akraneskaupstaðar](#) = Skipulags- og umhverfisráð = Dagskrá === 1.Aðgerðaáætlun vegna innleiðingar barnasáttmálans === 2411005 Akraneskaupstaður hefur unnið markvisst að innleiðingu verkefnisins Barnvænt Sveitarfélag í samstarfi við UNICEF síðan 2021. Nú liggja fyrir 17 aðgerðir sem stýrihópur verkefnisins hefur forgangsraðað og myndar aðgerðaáætlun Akraneskaupstaðar vegna innleiðingar Barnasáttmálans 2023-2025. Aðgerðaáætlun þessi byggir á niðurstöðum stöðumats sem var framkvæmt frá 2021-2023 ásamt helstu niðurstöðum kortlagningar á velferð og réttindum barna á Akranesi. Tilgangurinn verkefnisins er m.a. að innleiða verklag í stjórnsýslu Akraneskaupstaðar sem miðar að því að tryggja réttindi barna og að starfsfólk taki mið að Barnasáttmálanum með hagnýtum hætti. Sólveig Sigurðardóttir, deildarstjóri, mætir á fundinn Sólveig Sigurðardóttir, deildarstjóri, mætir á fundinn Skipulags- og umhverfisráð fagnar þessum góða áfanga og styður fyrirliggjandi aðgerðaráætlun sem tryggir réttindi barna í allri stjórnsýslu Akraneskaupstaðar. Framkvæmd aðgerðaráætlunar er þegar hafin og leggur ráðið áherslu á áframhaldandi framvindu aðgerða með það að markmiði að sveitarfélagið öðlist viðurkenningu sem barnvænt sveitarfélag á árinu 2025. === 2.Vesturgata 62 - gamla íþróttahúsið === 2301246 Ástandskoðun Verkís á Vesturgötu 62 lögð fram. Skipulags- og umhverfisráð felur sviðstjóra að kynna ástand húsnæðisins fyrir Ríkiseignum samanber minnisblað frá Verkís um ástand þess. === 3.Golfklúbburinn Leynir - viðhaldsverkefni húsnæðis vegna lekavandamála === 2309071 Ástandsskoðun Verkís á kjallara á Garðavöllum. Skipulags- og umhverfisráð felur sviðstjóra að bregðast við ábendingum í skýrslunni og gera áætlun um framhaldsaðgerðir í samráði við forsvarsmenn golfklúbbsins. Þegar áætlunin liggur fyrir verður hún lögð fram til ráðsins. === 4.Jaðarsbakkar skipulagsbreytingar - fyrirspurn til bæjarstjórnar === 2411032 Fyrirspurn um skipulagsbreytingar á Jaðarsbökkum. Skipulags- og umhverfisráð samþykkir drög að svörum er lúta að skipulagi og uppbyggingu á Jaðarsbökkum og vísar málinu til bæjarráðs til frekari úrvinnslu. === 5.Deiliskipulag Dalbrautarreitur norðurhluta === 2207011 Deiliskipulag Dalbraut norður var auglýst skv. 1. mgr. 41. gr. skipulagslaga nr. 123/2010 frá 9. október til 27. nóvember 2024. Tvær athugasemdir bárust. Skipulags- og umhverfisráð felur skipulagsfulltrúa að leggja fram drög að svörum við athugasemdum sem bárust á auglýsingatíma. === 6.Deiliskipulag Sementsreit- breyting reitum R og I === 2407069 Tillaga að breytingu deiliskipulags á Sementsreit kynnt. Skipulagsfulltrúa falið að vinna málið áfram. === 7.Breyting á aðalskipulagi vegna Innnesvegar 1 - Umsókn til skipulagsfulltrúa === 2406240 Umsókn Löðurs ehf. um breytingu á Aðalskipulagi Akraness 2021-2033 vegna Innnesvegar 1. Sett verður sérákvæði í fyrir landnotkunarflokk VÞ-212 sem heimilar starfsemi bílaþvottastöðvar. Skipulags- og umhverfisráð leggur til við bæjarstjórn að skipulagsbreyting verði auglýst í samræmi við 31 gr. skipulagslaga nr. 123/2010. Samþykkt 2:0, Valgarð Lyngdal Jónsson sat hjá við atkvæðagreiðslu undir þessum dagskrárlið. Samþykkt 2:0, Valgarð Lyngdal Jónsson sat hjá við atkvæðagreiðslu undir þessum dagskrárlið. === 8.Deiliskipulag Flatarhverfi klasi 5 og 6 Innnesvegur 1 Breyting - umsókn til Skipulagsfulltúra === 2308168 Umsókn Löðurs ehf. um breytingu á deiliskipulagi Flatahverfis klasi 5 og klasi 6 vegna Innnesvegar 1. Breyting felst í að heimilt verði að hafa starfsemi bílaþvottastöð í húsnæðinu. Skipulags- og umhverfisráð leggur til við bæjarstjórn að skipulagsbreyting verði auglýst í samræmi við 1.mgr. 43 gr. skipulagslaga nr. 123/2010. Samþykkt 2:0, Valgarð Lyngdal Jónsson sat hjá við atkvæðagreiðslu undir þessum dagskrárlið. Samþykkt 2:0, Valgarð Lyngdal Jónsson sat hjá við atkvæðagreiðslu undir þessum dagskrárlið. === 9.Kirkjubraut, Kalmannsbraut endurgerð === 2210065 Kynntar hugmyndir og áætlun frá Stúdíó Jæja í verkið. Skipulags- og umhverfisráð felur sviðstjóra að ganga frá samningi við Stúdíó Jæja um verkið. Ráðið óskar eftir að fá hönnuði á næsta fund ráðsins. === 10.Útboð Miðbæjarreitur - Suðurgata 57, Suðurgata 47, Skólabraut 24 === 2411193 Bæjarráð vísar málinu til skipulags- og umhverfisráðs til frekari úrvinnslu. Málið komi svo að nýju fyrir bæjarráð. Skipulags- og umhverfisráð felur sviðstjóra að breyta gögnum til samræmis við umræðu á fundinum. Ráðið vísar málinu til bæjarráðs til frekari úrvinnslu. === 11.Dreifing sorptunna og merking === 2411226 Björgunarfélag Akraness hefur lagt fram umtalsverða vinnu við upptöku nýrrar úrgangsflokkunar hjá heimilum í sveitarfélaginu. Skipulags- og umhverfisráð samþykkir að veita Björgunarfélagi Akraness styrk vegna framlags þeirra við upptöku nýrrar úrgangsflokkunar hjá heimilum í sveitarfélaginu. Styrkurinn er að upphæð 7.700.000 kr. og rúmast innan fjárhagsáætlunar ársins. === 12.Úrgangsþjónusta á Akranesi 2024-2030 samningur === 2406121 Tillaga frá Terru um að losun heimila í Gámu verði eftir gjaldskrá byggt á rúmmetragjaldi, en ekki þyngd. Gjaldskrá verði sambærileg við gjaldskrá sem gildir í endurvinnslustöðvum Sorpu. Skipulags- og umhverfisráð samþykkir tillögu Terru um að gjaldskrá á úrgangi heimila í Gámu verði byggð á rúmmetragjaldi en ekki þyngd. Gjaldskrá verði sambærileg gildandi gjaldskrá í endurvinnslustöðvum Sorpu. Ráðið leggur áherslu á góða kynningu til íbúa og fyrirtækja um breytingu á gjöldum varðandi úrgang til losunar hjá Gámu. Umhverfisstjóra er falið að útfæra það nánar og leggja fyrir ráðið á ný. Ráðið leggur áherslu á góða kynningu til íbúa og fyrirtækja um breytingu á gjöldum varðandi úrgang til losunar hjá Gámu. Umhverfisstjóra er falið að útfæra það nánar og leggja fyrir ráðið á ný. === 13.Samþykkt um meðhöndlun úrgangs === 2410062 Breytt tillaga um gjaldskrá fyrir meðhöndlun úrgangs lögð fram. Skipulags- og umhverfisráð samþykkir tillögu um gjaldskrá fyrir meðhöndlun úrgangs. Fundi slitið - kl. 21:45.