[s. 433 1000](tel:4331000) [Vefir Akraneskaupstaðar](#) = Skóla- og frístundaráð = Dagskrá === 1.Akrasel - ábendingar frá foreldrafélaginu === 2412079 Erindi frá foreldrafélagi leikskólans Akrasels. Anney Ágústsdóttir leikskólastjóri fylgir málinu eftir. Áheyrnarfulltrúar leikskólanna sitja fundinn undir dagskrárliðum 1-3. Áheyrnarfulltrúar leikskólanna sitja fundinn undir dagskrárliðum 1-3. Foreldrafélag leikskólans Akrasels vekur athygli á atriðum er snúa að auknu öryggi og vellíðan barna í leikskólanum. Lagt er til að sett verði upp lágt grindverk á útisvæði til að aðgreina yngstu börnin frá þeim elstu. Að gerðar verði úrbætur vegna loftskipta í fataherbergjum og að útbúinn verði fótboltavöllur fyrir börnin. Skóla- og frístundaráð þakkar fyrir erindið og vísar því til umfjöllunar hjá skipulags- og umhverfisráði. === 2.Skólapúls leikskóla 2024 === 2501075 Ingunn Sveinsdóttir leikskólastjóri í Garðaseli og Íris G. Sigurðardóttir leikskólastjóri í Teigaseli kynna niðurstöður Skólapúlsins 2024 fyrir sína skóla. Skóla- og frístundaráð þakkar fyrir góða og gagnlega yfirferð á niðurstöðum Skólapúlsins sem varpa ljósi á og styðja við það gæðastarf sem unnið er í leikskólunum. === 3.Starfsáætlun leikskóla 2024-2025 === 2501076 Íris G. Sigurðardóttir leikskólastjóri í Teigaseli kynnir starfsáætlun skólans fyrir skólaárið 2024-2025. Skóla- og frístundaráð þakkar fyrir kynninguna og staðfestir starfsáætlun Teigasels fyrir skólaárið 2024-2025. Áheyrnarfulltrúar leikskóla víkja af fundi. === 4.Reiðhöll á Æðarodda - húsaleigusamningur === 2312091 Umræða um húsaleigusamning milli Akraneskaupstaðar og Hestamannafélagsins Dreyra um reiðhöll við Blautós 1 á Æðarodda. Daníel S. Glad og Guðmunda Ólafsdóttir sitja fundinn undir þessum dagskrárlið. Daníel S. Glad og Guðmunda Ólafsdóttir sitja fundinn undir þessum dagskrárlið. Skóla- og frístundaráð áréttar að í samræmi við Reglur Akraneskaupstaðar um æfinga- og keppnisaðstöðustyrki gengur barna- og unglingastarf fyrir öðrum við niðurröðun æfingatíma í tímatöflu íþróttamannvirkja Akraneskaupstaðar, þ.m.t. í reiðhöll. Ráðið felur sviðsstjóra og forstöðumanni íþróttamála- og íþróttamannvirkja að fylgja eftir ákvæðum húsaleigumsamnings milli Akraneskaupstaðar og Dreyra með reglubundnu samtali við stjórn Dreyra. Daníel S. Glad og Guðmunda Ólafsdóttir víkja af fundi. === 5.Námsvist utan lögheimilissveitarfélags - verklagsreglur === 2406254 Sviðsstjóri leggur til við skóla- og frístundaráð að unnar verði reglur um málsmeðferð vegna beiðna um námsvist utan lögheimilissveitarfélags. Skóla- og frístundaráð tekur undir mikilvægi þess að unnar verði verklagsreglur vegna námsvistar utan lögheimilissveitarfélags. Sviðsstjóra og verkefnastjóra falið að vinna málið áfram. === 6.Afnot af húsnæði Akraneskaupstaðar fyrir myndlistarnámskeið 2025 === 2501082 Skóla- og frístundaráð tekur jákvætt í erindið og leggur til við bæjarráð að heimila endurgjaldslaus afnot af húsnæði Akraneskaupstaðar vegna myndlistanámskeiðs 2025. Námskeiðið verður í 10 vikur og skráningar mun fara fram í gegnum Abler. Fundi slitið - kl. 10:00.