== == [Stafrænt ráð - Fundur nr. 49 ](/fundargerdir/stafraent-rad-fundur-nr-49) **Stafrænt ráð** Ár 2025, miðvikudaginn 22. janúar, var haldinn 49. fundur stafræns ráðs. Fundurinn var haldinn á Höfðatorgi og hófst kl. 13:30. Eftirtalin voru komin til fundar í fundarherberginu Hofi: Alexandra Briem, Aðalsteinn Haukur Sverrisson, Andrea Jóhanna Helgadóttir, Björn Gíslason, Friðjón R. Friðjónsson, Oktavía Hrund Guðrúnar Jóns og Skúli Helgason. Eftirtaldir embættismenn og aðrir starfsmenn sátu fundinn: Eva Pandora Baldursdóttir, Óskar J. Sandholt og Sæþór Fannberg Sæþórsson. Fundarritari var Edda Jónsdóttir **Þetta gerðist:** Fram fer kynning á stafrænu veski frá Osló. ÞON25010020. Håkon Rotvold, Jon Ramvi og Thea Pope taka sæti á fundinum undir þessum lið með rafrænum hætti. Stafrænt ráð leggur fram svohljóðandi bókun: Þakkað er fyrir áhugaverða kynningu fulltrúa Oslóborgar á stafrænu veski sem meðal annars bætir til mikilla muna inngildingu innflytjenda til borgarinnar sem hafa þurft að bíða í 37 vikur eftir að fá stafrænt aðgengi að umsóknarferlum um þjónustu borgarinnar en sá tími styttist í aðeins 3 daga með þessu verkefni. Verkefnið er hluti af stefnumótun ESB en öll aðildarlönd sambandsins eiga að vera tilbúin með stafræn veski í þessum dúr árið 2026 og EES ríkin Noregur, Liechtenstein og Ísland ári síðar. Við teljum að í þessari innleiðingu felist gullið tækifæri til að samræma opinbera upplýsingainnviði, gagnaskil og afgreiðslutíma milli ríkis, sveitarfélaga, stofnana og annarra lögaðila og stytta þannig biðtíma og bæta þjónustu við almenning. Við hvetjum nýja ríkisstjórn til að taka þetta verkefni föstum tökum og lýsum okkur tilbúin til samstarfs um það. Fram fer umræða um stafrænt borgarkort. ÞON24100032. Fram fer kynning á öryggisbresti hjá Wise lausnum. ÞON25010021. Ársól Þóra Sigurðardóttir, Jón Kristinn Ragnarsson og Ólafur Sólimann Helgason taka sæti á fundinum undir þessum lið. Fylgigögn Lögð er fram fyrirspurn áheyrnarfulltrúa Flokks fólksins um innkaup þjónustu- og nýsköpunarsviðs. MSS24110185. Vísað til umsagnar fjármála- og áhættustýringarsviðs. Fylgigögn Lögð er fram fyrirspurn áheyrnarfulltrúa Flokks fólksins um vottun þjónustu- og nýsköpunarsviðs. MSS24110184. Vísað til umsagnar þjónustu- og nýsköpunarsviðs. Fylgigögn Fram fer umræða um starfið milli funda. ÞON23090021 **Fundi slitið kl. 14:56** Alexandra Briem Aðalsteinn Haukur Sverrisson Andrea Helgadóttir Björn Gíslason Friðjón R. Friðjónsson Oktavía Hrund Jóns Skúli Helgason **PDF útgáfa fundargerðar Fundargerð stafræns ráðs frá 22. janúar 2025**