| | | |**1. 2203422 - Aðalskipulag Garðabæjar 2016-2030. Breyting 10. Stígakerfi í þéttbýli og þjónustukerfi** |Lögð fram tillaga að breytingu Aðalskipulags Garðabæjar 2016-2030 sem nær til ákvæða og umfjöllunar um stígakerfi í 4. kafla greinargerðar aðalskipulagsins sem fjallar um samgöngu- og þjónustukerfi. Þráinn Hauksson landslagsarkitekt hjá Landslagi ehf gerði grein fyrir tillögunni. Viðfangsefni breytingartillögunnar er heildarendurskoðun á stígakerfi Garðabæjar og er áætluninni ætlað að vera til leiðbeiningar fyrir deiliskipulagsgerð, verkhönnun og uppbyggingu stíga í Garðabæ til framtíðar. Markmiðið er að til verði stefna um vistvænar samgöngur og uppbyggingu stígakerfisins í þágu útivistar og lýðheilsu og umhverfisverndar, með öryggi að leiðarljósi. | Tillagan er sett fram í greinargerð í A4 formi með skýringarmyndum og uppdráttum. Tillagan hefur verið í mótun á umhverfissviði og hjá skipulagsráðgjafa. Verkefnisstjóri er Hrönn Hafliðadóttir fyrir hönd umhverfissviðs og Anna Kristín Guðmundsdóttir fyrir hönd Landslags ehf. Leitað hefur verið til almennings, félagasamtaka og stjórnkerfis bæjarins og kallað eftir hugmyndum og ábendingum. Skipulagsnefnd vísar tillögunni til forkynningar í samræmi við 2. mgr. 30. gr. skipulagslaga nr. 123/2010. Halda skal almennan kynningarfund á meðan á forkynningu stendur og stefnt er að því að hann verði haldinn 2. apríl nk. | | | | | | | |**2. 2202488 - Deiliskipulag Vetrarmýrar og Smalaholts. Golfvöllur og útivistarskógur.** |Lögð fram öðru sinni að lokinni forkynningu tillaga að deiliskipulagi Vetrarmýrar og Smalaholts sem nær til golfvallar, útivistarskógar og íþróttavalla. Lagðar fram þær ábendingar og umsagnir sem borist hafa ásamt greiningu skipulagsráðgjafa á innihaldi þeirra. Halldóra Narfadóttir hjá Landslagi ehf gerði grein fyrir þeim. | Skipulagsnefnd beinir því til umhverfissviðs og ráðgjafa að unnin verði greinargerð sem metur áhrif umferðar á Vorbraut. Sérstakalega skal horft til áhrifa á hljóðvist. Tillögu og framlögðum gögnum vísað til úrvinnslu hjá umhverfissviði og skipulagsráðgjöfum. | | | | | | | |**3. 2503226 - Hnoðraholt Norður, dsk breyting, austurhluti Vorbrautar.** |Umhverfissviði falið að láta vinna tillögu að breytingu deiliskipulags Hnoðraholts norður sem nær til austasta hluta Vorbrautar og tengingar við Öldusali. | Skipulagsnefnd beinir því til umhverfissviðs og ráðgjafa að unnin verði greinargerð sem metur áhrif umferðar á Vorbraut. Sérstakalega skal horft til áhrifa á hljóðvist. | | | | | | | |**4. 2403271 - Aðalskipulag Garðabæjar 2016-2030, breyting á rammahluta Vífilsstaðalands. Tilfærslur á íbúðafjölda.** |Lögð fram tillaga að breytingu Aðalskipulags Garðabæjar 2016-2030 sem nær til rammahluta Vífilsstaðalands. Tillagan hefur verið samþykkt í bæjarstjórn en Skipulagsstofnun bendir á í erindi sínu dags. 10. mars að skýra þurfi betur afstöðu bæjarstjórnar til athugasemda Kópavogsbæjar sem borist hafa. Athugasemd Kópavogsbæjar laut að því að fjölgun íbúða í Hnoðraholti hafi ekki neikvæð umhverfisáhrif á lóðir í landi Kópavogsbæjar og að ákvörðun um fyrirkomulag Vorbrautar sunnan Þorrasala liggi fyrir áður en umrætt svæði er tekið í notkun. | Skipulagsnefnd leggur til að eftirfarandi ákvæði verði bætt við í umfjöllun breytingartillögunnar í kaflanum Áhrif á umhverfi: "Í kafla 4.2.5 Göturými í greinargerð Rammahluta Vífilsstaðalands er á bls. 36 sett fram stefna um legu og útfærslu Vorbrautar framan við Þorrasali í Kópavogi. Áfram er stefnt að því að lega og útfærsla Vorbrautar til austurs verði eins og rammahluti aðalskipulagsins kveður á um. Tillaga að deiliskipulagi Vetrarmýrar og Hnoðraholts sem forkynnt var í febrúar 2025 gerir ráð fyrir því að sú leið verði farin að Vorbraut færist fjær íbúðarbyggð við Þorrasali auk þess að vera talsvert neðar í landi. Skipulagsnefnd samþykkir tillöguna með ofangreindri breytingu sem breytingu á Aðalskipulagi Garðarbæjar 2016-2030 í samræmi við 32. gr. skipulagslaga nr. 123/2010. | | | | | | | |**5. 2406282 - Hnoðraholt norður-deiliskipulagsbreyting - raðhús - fjölbýlishús íbúðareiningar** |Lögð fram tillaga að breytingu Hnoðraholts norður sem gerir ráð fyrir fjölgun íbúðareininga í raðhúsum og fjölbýlishúsum. Tillagan hefur verið samþykkt í bæjarstjórn en Skipulagsstofnun bendir á í erindi sínu dags. 10. mars að skýra þurfi betur astöðu bæjarstjórnar til athugasemda Kópavogsbæjar sem borist hafa. Athugasemd Kópavogsbæjar laut að því að fjölgun íbúða í Hnoðraholti hafi ekki neikvæð áhrif á lóðir í landi Kópavogsbæjar og að ákvörðun um fyrirkomulag Vorbrautar sunnan Þorrasala liggi fyrir áður en umrætt svæði er tekið í notkun. | Skipulagsnefnd leggur til að eftirfarandi ákvæði verði bætt við í greinargerð tillögunnar sem sett fram á uppdrætti: Í kafla 2.7.1 Gatnakerfi í greinargerð deiliskipulags Hnoðraholts norður er sett fram stefna um legu og útfærslu Vorbrautar sunnan við Þorrasali í Kópavogi. Áfram er stefnt að því að lega og útfærsla Vorbrautar til austurs verði eins og rammahluti aðalskipulagsins kveður á um. Tillaga að deiliskipulagi Vetrarmýrar og Hnoðraholts sem forkynnt var í febrúar 2025 gerir ráð fyrir því að sú leið verði farin að Vorbraut færist fjær íbúðarbyggð við Þorrasali, auk þess að vera talsvert neðar í landi. Skipulagsnefnd bendir einnig á bókun skipulagsnefndar varðandi tillögu að deiliskipulagi Vetrarmýrar og Smalaholts þar sem þeim tilmælum er beint til umhverfissviðs og ráðgjafa að unnin verði greinargerð sem metur áhrif umferðar á Vorbraut. Sérstakalega skuli þar horft til áhrifa á hljóðvist. Nefndin bendir einnig á að endanlegur fjöldi íbúðareininga í Hnoðraholti hefur enn ekki verið ákvarðaður enda liggur deiliskipulag suðurhluta ekki fyrir. Skipulagsnefnd samþykkir tillöguna með ofangreindri breytingu sem breytingu deiliskipulags Hnoðraholts norður skv. 41. gr. skipulagslaga nr. 123/2010. | | | | | | | |**6. 2409396 - Arnarnesvegur - Deiliskipulag** |Lögð fram tillaga að lýsingu vinnu við gerð deiliskipulags fyrir tvo vegkafla Arnarnesvegar, annars vegar fyrir um 1,6 km kafla milli Hafnarfjarðarvegar og Reykjanesbrautar, innan Garðabæjar og Kópavogs (A), og hins vegar fyrir um 1,1 km kafla, milli Fífuhvammsvegar að Rjúpnavegi innan Kópavogs (B). Deiliskipulagsáætlanirnar tvær munu ná yfir veghelgunarsvæðin, stíga og gatnamót að nálægum íbúðarsvæðum. Unnið er að veghönnun beggja vegkaflanna með breytingum sem eru til þess ætlaðar að auka umferðaröryggi og um leið eru hljóðvarnir, stígatengingar og innviðir almenningssamgangna yfirfarin. Bæði deiliskipulögin eru áfangar í þeirri vegferð að í gildi verði deiliskipulög fyrir Arnarnesveg innan Kópavogs og Garðabæjar. | Skipulagsnefnd samþykkir framlagða lýsingu í samræmi við 1. mgr. 40. gr. skipulagslaga nr. 123/2010 og skal hún kynnt almenningi og umsagnaraðilum. | | | | | | | |**7. 2502444 - Urriðaholt Norð.- 4.áf. Urriðaholtsstr.1-7** |Lögð fram tillaga að breytingu deiliskipulags Urriðaholts Norðurhluta 4. áfanga sem nær til lóðanna Urriðaholtsstræti 1, Urriðaholtsstræti 3-5 og Urriðaholtsstræti 7. | Í breytingartillögunni felst eftirfarandi: Urriðaholtsstræti 1: - Byggingarreitur bílgeymslu stækkar. - Fjöldi hæða verður 2 hæðir í stað 1-2 hæðir. - Gerður er meiri sveigjanleiki í útfærslu þaks. Flatt þak skal ekki vera hærra en 9 metrar yfir aðkomuhæð. Sé bygging með mænisþaki eða einhalla hækkar hámarkshæð byggingar úr 9 m í 12 m. Við slíka útfærslu skal hámarksvegghæð ekki vera meiri en 8 metrar upp að þakbrún mænisþaks. Meðalhæð slíks þaks skal þó ekki vera hærri en 9,5 m. - Heimilað er að byggja kalt óupphitað garðsvæði(A eða B rými) á lóð. - Byggingamagn á lóð eykst um 500 m² vegna óupphitaðs garðrýmis á lóð. Urriðaholtsstræti 3-5: - Byggingarreitur á lóð breytist. - Lóðamörk milli lóða Urriðaholtsstrætis 3-5 og 7 breytast og kvöð um gegnumakstur milli lóða 3-5 og 7 er felld niður. - Heimilt verður að koma fyrir gróðurhúsi á þaki 1. hæðar. - Byggingamagn atvinnuhúsnæðis á lóð minnkar um 500 m² en eykst í bílgeymslu um 732 m². - Hæð húss breytist innbyrðis en hámarkshæð er óbreytt. - Bílastæðakrafa er aukin úr 1 stæði fyrir hverja 30 m² í eitt stæði fyrir hverja 25 m². Urriðaholtsstræti 7: - Notkun breytist úr verslun- og þjónustu í íbúðir fyrir 50 ára og eldri. - Almennir skilmálar fyrir íbúðir í norðurhluta 4 gilda fyrir lóðina eftir breytingu. - Salarhæðir og hæðafjöldi byggingar breytist en hámarkshæð húss helst óbreytt. - Heimilað byggingarmagn eykst úr 4.000 m² í 5.000 m² vegna íbúða neðan aðkomuhæðar og skilgreint er byggingamagn fyrir B rými svala. Byggingamagn bílgeymslu minnkar sem því nemur. - Byggingarreitur breytist. Byggingarreitur er brotinn upp og myndaðar sjónlínur milli byggingahluta. - Lóðamörk milli Urriðaholtsstrætis 3-5 og 7 breytast og kvöð um gegnumakstur milli lóða er felld niður. - Bílastæðum á lóð fækkar til samræmis við breytta notkun. - Aðkoma að bílakjallara breytist. Samhliða deiliskipulagsbreytingunni er gerð númerabreyting á lóðum þannig að lóð nr. 3-5 verður eftir breytingu lóð nr. 3 og lóð nr. 7 verður eftir breytingu lóð nr. 5-7. Urriðaholt ehf hefur kynnt rekstraraðilum í nágrenninu drög að tillögunni. Tillagan er í samræmi við ákvæði Aðalskipulags Garðabæjar 2016-2030. Skipulagsnefnd vísar tillögunni til auglýsingar í samræmi við 41. gr. skipulagslaga nr. 123/2010. Boða skal til almenns kynningarfundar á auglýsingartíma. | | | | | | | |**8. 2502521 - Skerpluholt 6, 8, 10 - Umsókn um deiliskipulagsbreytingu** |Lögð fram umsókn um breytingu deiliskipulags sem nær til lóðanna Skerpluholt 6, 8 og 10. | Umsókn vísað til umsagnar deiliskipulagshöfundar. | | | | | | | |**9. 2502524 - Urriðaholtsstræti 16 - Fyrirspurn til umhverfissviðs** |Lögð fram fyrirspurn eiganda um hugsanlega stækkun íbúðar á efstu hæð. | Vísað til frekari skoðunar hjá Umhverfissviði. | | | | | | | |**10. 2503095 - Lyngás 13 - Deiliskipulag** |Vísað til vinnu við gerð tillögu að breytingu aðalskipulags Garðabæjar 2016-2030 sem sett verður fram sem rammahluti. | | | | | | | | |**11. 2503096 - Lyngás 15 - Deiliskipulag** |Vísað til vinnu við gerð tillögu að breytingu aðalskipulags Garðabæjar 2016-2030 sem sett verður fram sem rammahluti. | | | | | | | | |**12. 2502154 - Framkvæmdarheimild - Sjóvarnir Hliðsnes** |Lögð fram umsókn um framkvæmdaleyfi fyrir gerð sjóvarna við Hliðsnesveg. | Að stórum hluta er um að ræða endurgerð og lagfæringar á núverandi sjóvörnum. Skipulagsnefnd vísar umsókninni til grenndarkynningar í samræmi við 5.mgr.13. gr. skipulagslaga nr. 123/2010. Grenndarkynna skal eigendum húsa í Hliðsnesi og Umhverfisstofnun þar sem að friðlýst svæði liggur að svæðinu og hluti framkvæmdarsvæðis nær inn í friðlýst svæði Skerjafjarðar. | | | | | | | |**13. 2411159 - Hleinar að Langeyrarmölum - Umsókn um deiliskipulagsbreytingu.** |Lögð fram beiðni Hafnarfjarðarbæjar um umsögn um tillögu að deiliskipulagi Hleina að Langeyrarmölum sem nær til svæðis umhverfis Hrafnistu. Skipulagsnefnd Garðabæjar gerir ekki athugasemd við tillöguna. | | | | | | | | |**14. 2502106 - Hafnarfjörður - Ask.br. AT1 - Umsagnarbeiðni** |Lögð fram tillaga að breytingu á Aðalskipulagi Hafnarfjarðar 2013-2025 sem gerir ráð fyrir landnotkunarreit fyrir íbúðarbyggð sem gerir ráð fyrir 6 smáhýsum sem eru ætluð einstaklingum sem þurfa á sérstakri aðstoð að halda. Reiturinn er á núverandi athafnasvæði við sveitarfélagsmörk að Garðabæ, rétt austan við Fjarðarkaup. | Skipulagsnefnd Garðabæjar sýnir því skilning að finna þurfi viðeigandi stað fyrir úrræði sem tillagan gerir ráð fyrir. Hér er lögð til staðsetning sem er fjarri íbúðarbyggð í Hafnarfirði en nefndin bendir á að íbúðarbyggð Garðabæjarmegin er innan seilingar. Nefndin tekur undir umsögn Vegagerðarinnar um fyrirhugaðan Álftanesveg en staðsetningin sem tillagan gerir ráð fyrir liggur að vegstæði hans. Skipulagnefnd telur því staðsetninguna óheppilega. Sigþrúður Ármann vék af fundi undir þessum lið. | | | | | | | |**15. 2502038F - Afgreiðslufundir skipulagsstjóra - 3** |Fundargerð lögð fram. | | | |2412384 - Grásteinsmýri 3 - Umsókn um byggingarleyfi | | | | | | | | | |2501038 - Hestamýri 3 - Umsókn um byggingaleyfi | | | | | | | | | |2501269 - Lyngás 10a - Leyfi fyrir gám | | | | | | | | | |2408131 - Hlíðarbyggð 15 - Fyrirspurn til tækni- og umhverfissviðs | | | | | | | | | |2502148 - Vorbraut 7 - Umsókn um byggingarleyfi | | | | | | | | | |2501238 - Vorbraut 53 - Umsókn um byggingarleyfi | | | | | | | | | |2501234 - Vorbraut 61 - Umsókn um byggingarleyfi | | | | | | | | | |2407365 - Kinnargata 41 - Umsókn um byggingarleyfi | | | | | | | | | |2501239 - Kauptún 1 - Umsókn um byggingarleyfi | | | | | | | | | | |