| | | |**1. 1405080 - Móar, endurskoðað deiliskipulag** |Jóhanna Helgadóttir hjá Nordic arkitektum gerði grein fyrir valkostum varðandi umferðarskipulag í Móum og fyrirkomulag bílageymsla í Kjarrmóum. | Skipulagsráðgjafa falið að fullvinna tillögu sem stefnt verði að að forkynna samhliða tillögum að breytingum á deiliskipulagi Miðbæjar sem eru í mótun. | | | | | | | |**2. 2502449 - Vetrarmýri, tillaga að breytingu á deiliskipulagi, leikvangur ofl.** |Lögð fram tillaga að breytingu deiliskipulags Vetrarmýrar. Sigurður Einarsson arkitekt og skipulagsráðgjafi hjá Batteríinu gerði grein fyrir tillögunni sem gerir ráð fyrir eftirfarandi breytingum: | A. Vetrarbraut 11 og 13 er gert að einni lóð Vetrarbraut 11-13. Byggingarreitum er breytt og starfsemin verður þannig að á 1. hæð verður verslun og þjónusta, 2.-5. hæð verður verslun og þjónusta í þeim hluta sem liggur meðfram Reykjanesbraut, vesturbyggingu, þó með möguleika á íbúðum á 5. hæð. Í þremur álmum austan vesturbyggingar verða íbúðir á 2.-5. hæð. B. Lóð Vetrarbrautar 15 er stækkuð að lóðarmörkum Vetrarbrautar 17 og byggingarreitir kjallara beggja lóða eru stækkaðir þannig að þeir mætast og gefa möguleika á samtengingu í kjallara. C. Byggingarreitum er breytt og lóðin stækkuð á Vetrarbraut 19. Starfseminni er breytt í atvinnu þ.e. að horft er til að byggja á lóðinni þjónustumiðstöð fyrir aldraða auk hjúkrunarheimilis. D. Knattspyrnuleikvangur er færður austar og stúkubyggingar sameinaðar í eina byggingu að vestanverðu. Byggingin verður fyrst og fremst fyrir verslun og þjónustu. Gerð er heimild fyrir bílakjallara undir stúkubyggingu. E. Byggingarreitir eru víkkaðir að garði en á móti er sett bundin byggingarlína að götu á lóðunum Vetrarbraut 6-12, 16-28 og 32-34. Hámarksstærðir breytast ekki. Ennfremur lagt fram minnisblað skipulagsráðgjafa um bílastæðakröfur deiliskipulags Vetrarmýrar. Skipulagsnefnd felur skipulagsráðgjafa og umhverfissviði að skoða hvort fjölga mætti bílastæðum ofanjarðar í eða í kringum syðsta hluta deiliskipulagssvæðisins. Skipulagsnefnd leggur til að tillagan verði kynnt fyrir Ungmennafélaginu Stjörnunni. Skipulagsnefnd vísar tillögunni að breytingu deiliskipulags Vetrarmýrar til auglýsingar í samræmi við 41.gr.skipulagslaga nr.123/2010. | | | | | | | |**3. 2410080 - Hnoðraholt - Háholt - Aðalskipulagsbreyting** |Lögð fram tillaga að breytingu Aðalskipulags Garðabæjar sem nær til rammhluta Vífilsstaðalands. | Tillagan gerir ráð fyrir eftirfarandi breytingum: Tákn fyrir svæði fyrir samfélagsþjónustu (4.05 S leikskóli) á háholti Hnoðraholt er fellt út. Iðnaðarsvæði (4.22 I, hitaveitutankar) á háholti Hnoðraholts er fellt út. Gert verður ráð fyrir svæði fyrir samfélagsþjónustur (4.22 S) þar sem núgildandi skipulag gerir ráð fyrir hitaveitutönkum) Þar sem að fyrir liggur að Veitur telja ekki þörf á að gera ráð fyrir svæði efst á holtinu fyrir hitaveitutanka gefst færi á að staðsetja leikskóla á stað sem hefur kosti umfram þann stað sem núgildandi deiliskipulag gerir ráð fyrir. Lögun og stærð landnotkunarreitanna (4.04.Íb) og (4.18 Op) breytist lítillega. Tillaga að deiliskipulagi háholts Hnoðraholts gerir ráð fyrir staðsetningu á leikskóla á þeim stað sem að tillaga að breytingu aðalskipulag gerir ráð fyrir. Í samræmi við 2.mgr.30.gr.skipulagslaga nr.123/2010 vísar skipulagsnefnd tillögunni til forkynningar.Tillaga að deiliskipulags háholts Hnoðraholts skal forkynnt samhliða breytingartillögu aðalskipulags. | | | | | | | |**4. 2409103 - Hnoðraholt-háholt, deiliskipulag** |Lögð fram tillaga að deiliskipulagi háholts Hnoðraholts. Sigurður Einarsson arkitekt og skipulagsráðgjafi hjá Batteríinu gerði grein fyrir tillögunni. | Tillagan gerir ráð fyrir 15 lóðum fyrir einbýlishús á 1 hæð, 11 lóðum fyrir einbýlishús á 2 hæðum, 18 lóðum fyrir raðhús á 1 hæð og 21 lóð fyrir raðhús á 2 hæðum. Einnig er gert ráð fyrir lóðum fyrir leikskóla og búsetukjarna fyrir fatlað fólk með stuðningsþarfir. Skipulagsnefnd vísar tillögunni til forkynningar í samræmi við 3.mgr.40.gr.skipulagslaga nr.123/2010. Tillagan skal forkynnt samhliða með tillögu að breytingu aðalskipulags sem nær til sama svæðis. | | | | | | | |**5. 2111064 - Breyting á vaxtarmörkum svæðisskipulags í landi Garðabæjar. Aðal- og svæðisskipulagsbreyting.** |Lagðar fram verkefnislýsingar fyrir tillögu að breytingu svæðisskipulags höfuðborgarsvæðisins, Höfuðborgarsvæðið 2040, annarsvegar og tillögu að breytingu Aðalskipulags Garðabæjar 2016-2030 hinsvegar. | Svæðisskipulagstillagan gerir ráð fyrir breytingu á vaxtarmörkum byggðar í Vífilsstaðalandi þannig að þau verði dregin um Elliðavatnsveg frá Vífilsstöðum að hesthúsabyggðinni á Kjóavöllum þannig að hesthúsabyggðin lendi öll innan vaxtarmarka. Aðalskipulagstillagan gerir ráð fyrir athafnasvæði í Rjúpnahlíð og Rjúpnadal austan við fyrirhugaðan kirkjugarð í Rjúpnadal. Gerðar hafa verið breytingar á lýsingarskýrslum m.a. lögð ríkari áhersla á að við mótun tillagna verði tekið sérstakt tillit til nálægðar fyrirhugaðs athafnasvæðis við íbúðarbyggð. Skipulagsnefnd samþykkir framlagðar verkefnislýsingar í samræmi við 1.mgr.23.gr.skipulagslaga nr.123/2010. Skal hún send svæðisskipulagsnefnd og þeim sveitarfélögum sem aðild eiga að svæðisskipulaginu til samþykktar. | | | | | | | |**6. 2202488 - Deiliskipulag Vetrarmýrar og Smalaholts. Golfvöllur og útivistarskógur.** |Lögð fram tillaga að deiliskipulagi Vetrarmýrar og Smalaholts sem gerir m.a. ráð fyrir golfvelli og útivistarskógi. | Ábendingar og umsagnir sem borist hafa í forkynningu hafa kallað á ýmsar lagfæringar á tillögunni. Lagt fram minnisblað frá verkfræðistofunni Eflu sem inniheldur mat á áhrifum tillögunnar á aðliggjandi byggð af völdum áætlaðrar umferðar á austurhluta Vorbrautar. Unnin hefur verið umferðarspá og hljóðvistargreining og tillit hefur verið tekið til nýjustu breytinga á fjölda íbúða í Hnoðraholti norður. Í niðurstöðu minnisblaðsins segir m.a.: "Samgöngulíkan höfuðborgarsvæðisins sýnir að umferð vegna breyttrar uppbyggingarforsenda í rammahluta aðalskipulags Vífilsstaðalands er almennt séð minni en gert var ráð fyrir í fyrri greiningum. Þá má gera ráð fyrir að hljóðvist íbúa í Hnoðraholti N séu óbreyttar, ef ekki betri, en áður var gert ráð fyrir. Þ.e.a.s. ef að farið hefur verið í þær mótvægisaðgerðir sem áður voru lagðar til í Hnoðraholti N. Þá sýna greiningarnar einnig að bílaumferð sem mun leita um Vorbraut geti verið á bilinu 2.500-3.000 ökutæki á sólarhring (ÁDU). Með breyttri legu Vorbrautar og án mótvægisaðgerða er hægt að ná ásættanlegu hljóðstigi fyrir íbúa í Þorrasölum. Þá sýna niðurstöður að ekki er þörf á hljóðvörnum við lóðamörk, samkvæmt deiliskipulagi Þorrasala, né við Vorbraut." Skipulagsnefnd vísar tillögunni til auglýsingar í samræmi við 41.gr.skipulagslaga nr.123/2010. Skipulagsnefnd beinir því til umhverfissviðs að sjá til þess að staðssetningar fyrirhugaðra stíga og golfbrauta í Smalaholti verði merktar með áberandi hælum á auglýsingartíma tillögunnar þannig að hlutaðeigandi aðilar geti betur áttað sig á áhrifum þeirra. Eins breytt lega Elliðavatnsvegar norðan Vífilsstaðavatns. | | | | | | | |**7. 2502521 - Skerpluholt 6, 8, 10 - Umsókn um deiliskipulagsbreytingu** |Lögð fram umsókn um deiliskipulagsbreytingu fyrir einbýlishúsalóðirnar Skerpluholt 6, 8 og 10. Tillagan gerir ráð fyrir því að hámarks byggingarmagn lóðanna aukist úr 240 m2 í 260,5 m2 og að byggingarreitir stækki um hálfan metra til norðurs og hálfan metra til suðurs. | Lögð fram umsögn deiliskipulagshöfundar. Með vísan í umsögnina er umsókninni hafnað. | | | | | | | |**8. 2411312 - Hrísholt 1 - Deiliskipulag** |Lögð fram tillaga að óverulegri breytingu deiliskipulags Hnoðraholts norðru sem nær til lóðarinnar Hrísholt 1 að lokinni grenndarkynningu. | Eitt erindi með athugasemd við tillöguna hefur borist. Vísað til úrvinnslu hjá umhverfissviði. | | | | | | | |**9. 2503383 - Holtsbúð 57 - Fyrirspurn til umhverfissviðs** |Lögð fram fyrirspurn um útfærslu girðingar á mörkum einbýlishúslóðarinnar og göngustígs Garðabæjar að austanverðu. Teikning fylgir fyrirspurn en þar kemur fram að hæsti hluti girðingar yrði 1,8 m yfir landi. Skipulagsnefnd bendir á að í samþykkt Garðabæjar um veggi og girðingar sem aðgengileg er á vef Garðabæjar segir: Garðabær sem landeigandi samþykir almennt ekki veggi eða girðingar á lóðarmörkum sem snúa að opnum svæðum, stígum og safngötum hærri en 1,50 m. | Þar sem að girðingin er uppbrotin og rými fyrir gróður við stíginn fellst skipulagsnefnd á útfærsluna þó að hluti girðingar sé allt að 1,8 m. Þess skal þó gætt við staðsetningu sorpíláta að þau byrgi ekki sýn gangandi og hjólandi vegfarenda og dragi þar með úr umferðaröryggi. | | | | | | | |**10. 2109102 - Suðurhraun 2a - stækkun - Fyrirspurn til tækni- og umhverfissviðs** |Lögð fram tillaga að óverulegri breytingu deiliskipulags Molduhrauns að lokinni grenndarkynningu. | Engar athugasemdir bárust. Tillagan skoðast því samþykkt sem óveruleg breyting deiliskipulags Molduhrauns í samræmi við 2.mgr.43.gr. og 41.gr.skipulagslaga nr.123/2010. | | | | | | | |**11. 2501296 - Kumlamýri 25-27 - Fyrirspurn til tækni- og umhverfissviðs** |Lögð fram tillaga að óverulegri breytingu deiliskipulags Kumlamýrar að lokinni grenndarkynningu. Tillagan nær til parhúslóðarinnar Kumlamýri 25 og 27. Engar athugasemdir hafa borist við tillöguna. | Skipulagsnefnd samþykkir breytinguna sem óverulega breytingu deiliskipulags Kumlamýrar í samræmi við 2.mgr.43.gr. og 41.gr.skipulagslaga nr.123/2010. | | | | | | | |**12. 2411232 - Breyting á aðalskipulagi Hafnarfjarðar 2013-2025, vegna varúðarsvæðis** |Lögð fram tillaga að breytingu Aðalkipulags Hafnarfjarðar 2013-2025 vegna varúðarsvæðis umhverfis álverið í Straumsvík. | Skipulagsnefnd Garðabæjar gerir ekki athugasemd við tillöguna. | | | |