= Fundargerð - stjórn SSNE - 31. fundur - 10. nóvember 2021 = **Fundur haldinn miðvikudaginn 10. nóvember 2021 í fjarfundi og hófst fundurinn kl. 10:00. Fundi slitið kl. 12:25** Fundinn sátu: Hilda Jana Gísladóttir formaður, Eva Hrund Einarsdóttir, Þröstur Friðfinnsson, Anna Karen Úlfarsdóttir fyrir Jón Stefánsson, Sigurður Þór Guðmundsson (fór af fundi kl 11:30), Helga Helgadóttir (fór af fundi kl 12:11) og Eyþór Björnsson sem ritaði fundargerð. Fjarverandi var Kristján Þór Magnússon. Formaður setti fund og gengið var til dagskrár. **Dagskrá:** **1. SAMNOR ** Fulltrúar SAMNOR, Ingunn Helga Bjarnadóttir, Jón Már Héðinsson, Lára Stefánsdóttir, Sigríður Huld Jónsdóttir, Sigurbjörn Árni Arngrímsson og Valgerður Gunnarsdóttir komu á fundinn, kynntu samstarf sín á milli og ræddu samstarf við SSNE. Elva Gunnlaugsdóttir, verkefnastjóri SSNE, sat fundinn undir þessum lið. *Stjórn þakkar fulltrúum SAMNOR fyrir kynningu og samtal á fundinum og felur formanni og starfsfólki SSNE að vinna að áframhaldandi samstarfi. Jafnframt samþykkir stjórn að ónotaðir fjármunir úr Uppbyggingarsjóði verði nýttir í að framleiða markaðsverkefni framhaldsskóla svæðisins, að undangengnu samþykki úthlutunarnefndar.* **2. Áhersluverkefni SSNE** Elva Gunnlaugsdóttir sat fundinn undir þessum lið og kynnti, ásamt framkvæmdastjóra, framkomnar hugmyndir um áhersluverkefni SSNE 2022. Lagt fram til kynningar. **** **3. Formlegt erindi til Vegagerðarinnar varðandi uppgjör vegna strætó** Þórður Stefánsson, bókari SSNE, sat fundinn undir þessum lið. Framkvæmdastjóri kynnti drög að erindi til Vegagerðarinnar. Fylgiskjal: [Vegagerðin vegna uppgjörs almenningssamgangna](/static/files/Fundargerdir/31/erindi-ssne-uppgjor-skuldar-vegna-almenningssamgangna-10.11.2021.pdf) *Stjórn SSNE felur framkvæmdastjóra að knýja á um að loforð Vegagerðarinnar um niðurfellingu skuldar vegna almenningssamgangna verði efnd. * **4. Staðfesting stjórnar á breytingum á verklagsreglum úthlutunarnefndar uppbyggingarsjóðs** *Stjórn SSNE samþykkir framkomnar tillögur um breytingar á verklagsreglum og starfsreglum Uppbyggingarsjóðs. * **5. Hraðið, erindi frá Þekkingarneti Þingeyinga.** *Stjórn SSNE telur verkefnið vera uppbyggilegt og spennandi og styður framgang þess.* **6. Húsnæði SSNE á Húsavík** Framkvæmdastjóri lagði fram til kynningar áætlun um kostnað við að leigja húsnæði að Hafnarstétt 3 á Húsavík og samanburð við núverandi kostnað sem og áætlun um upphafskostnað vegna endurnýjunar á húsgögnum og kaupa á öðrum búnaði. *Stjórn felur framkvæmdastjóra að segja upp núverandi húsnæði að Garðarsbraut 5 á Húsavík og ganga til samninga um leigu á húsnæði í Hafnarstétt 3. Með því verður öll vinnuaðstaða starfsfólks bætt til muna en einnig er það mjög til hagsbóta fyrir starfsemi SSNE að vera í rými þekkingarsamfélags og frumkvöðla þar sem nýsköpun og atvinnuþróun er í forgrunni. Stjórn gerir þá kröfu að aðgengi fyrir alla í hinu nýja húsnæði SSNE verði tryggt. * ** **7. Framvinda fjárhagsáætlunar fyrir desember þingið** Framkvæmdastjóri fór yfir framvindu fjárhagsáætlunar 2021 og 2022. **8. Efni til kynningar. ** a) Skipting framlaga til [sóknaráætlana 2022](/static/files/Fundargerdir/31/re-skipting-framlaga-til-soknaraaetlana-2022.msg) b) 2022 Skipting grunnframlaga - [töflur](/static/files/Fundargerdir/31/8-b-2022_skipting-grunnframlaga_toflur.docx) c) Skipting grunnframlaga ríkisins til sóknaráætlana [landshluta 2020](/static/files/Fundargerdir/31/8-c-skipting-grunnframlaga-rikisins-til-soknaraaetlana-landshluta-2020-m-toflum-10.09.pdf) d) Starfs- og fjárhagsáætlun [úthlutunarnefndar](/static/files/Fundargerdir/31/8-d-starfs-og-fjarhagsaaetlun-uthlutunarnefndar.docx) e) [Fundargerð 70. fundar SSNV](/static/files/Fundargerdir/31/8-e-fundargerd-70.-fundar-stjornar-ssnv-2.-november-2021.pdf) f) [Flugklasinn - staða okt 2021](/static/files/Fundargerdir/31/8-f-flugklasinn-stada-okt-2021.pdf) g) [Fundargerð 573. fundar SASS](/static/files/Fundargerdir/31/8-g-573.-fundur-stj.-sass.pdf) h) Fundargerð 902. fundar stjórnar [Sambands íslenskra sveitarfélaga](/static/files/Fundargerdir/31/8-h-stjorn-sambands-islenskra-sveitarfelaga-902.pdf) **9. Önnur mál** Engin mál voru rædd undir þessum lið.