== Fundur nr. 29 == Kjörtímabilið 2018—2022 Kjörtímabilið 2018—2022 Skrifstofa Vopnafjarðarhrepps kl. 08:06 Signý Björk Kristjánsdóttir ritaði fundargerð SB Sigríður BragadóttirNefndarmaður TH Teitur HelgasonNefndarmaður BHS Björn Heiðar SigurbjörnssonNefndarmaður SBK Signý Björk KristjánsdóttirSkrifstofustjóri Fundur haldinn í hreppsráði Vopnafjarðarhrepps 10. maí 2021 á skrifstofu Vopnafjarðarhrepps kl. 08:06. Lagt fram til kynningar. Lagt fram til kynningar. Sveitarstjóra falið að vinna áfram með ábendingar undir liðnum önnur mál varðandi viðhald gangstétta og lagfæringar á lýsingu við skólalóð. Lagt fram til kynningar. Lögð fram til kynningar fundargerð fræðslunefndar frá 20.4 síðastliðinum. Hreppsráð tekur undir tillögu fræðslunefndar varðandi um sumarlokun leikskóla og felur sveitarstjóra og leikskólastjóra að vinna að tillögum sumarlokunar 2022 strax í haust. Samþykkt samhljóða. Lögð fram drög að samningi vegna húsvörslu og þrifa í vallarhúsi sumarið 2021. Hreppsráð leggur til að felldur verði út liður 1.2 í samningnum en samþykkir samningsdrögin að öðru leyti. Sveitarstjóra falið að ganga frá samningi. Samþykkt samhljóða. Lagt fram til kynningar minnisblað um sumarlokun skrifstofu Vopnafjarðarhrepps. Sumarlokun skrifstofu Vopnafjarðarhrepps verður frá og með mánudeginum 12. júlí til og með miðvikudagsins 4. ágúst. Mikil umræða fór fram um sumarlokun skrifstofu. Lagt fram til kynningar. Lögð fram fyrirspurn um kaup á gamla snjóbíl Vopnafjarðarhrepps til uppgerðar. Sveitarstjóra falið að vinna málið nánar og málinu vísað til næsta hreppsráðsfundar. Samþykkt samhljóða. Lagt fram til kynningar minnisblað um öldungaráð sveitarfélaga. Í hverju sveitarfélagi skal starfa formlegur samráðsvettvangur er nefnist öldungaráð þar sem fjallað er um þjónustu við aldraða og framvæmd og þróun öldrunarmála. Hreppsráð leggur til við sveitarstjórn að skipað verði í öldrunarráð. Málinu vísað til sveitarstjórnarfundar þann 24. júní 2021. Samþykkt samhljóða. Lögð fram til kynningar drög að uppfærðum reglum um refa- og minkaveiði í Vopnafjarðarhreppi. Hreppsráð felur sveitarstjóra að vinna áfram breytingar á reglum um refa- og minkaveiði og leggur til að uppfærð drög að reglum verði lögð fyrir fund sveitarstjórnar 24. júní 2021. Samþykkt samhljóða. Lagt fram til kynningar minnisblað um leiguverð íbúða hjá Vopnafjarðarhreppi. Sveitarstjóra falið að yfirfara leiguverð íbúða sveitarfélagins og leggja fyrir næsta fund hreppsráðs. Samhljóða samþykkt. Ein umsókn barst vegna rekstrar í Kaupvangi. Sveitarstjóra falið að vinna málið áfram. Samþykkt samhljóða. Bréf frá forsvarsfólki Austfjarðatröllsins 2021 lagt fram þar sem óskað er eftir styrk frá sveitarfélaginu til að halda Austfjarðartröllið 2021 á Vopnafirði. Sveitarfélagið mun ekki styrkja verkefnið í ár en óskar skipuleggjendum alls hins besta. Samþykkt samhljóða. Fleira var ekki tekið fyrir og fundi slitið kl. 11:14.