= Hafna- og atvinnumálaráð #40 = Fundur haldinn í Svörtuloftum, fundarsal í ráðhúsi Vesturbyggðar, 12. júlí 2022 og hófst hann kl. 16:00 ====== Nefndarmenn ====== - Gísli Ægir Ágústsson (GÆÁ) aðalmaður - Guðrún A. Finnbogadóttir (GAF) formaður - Jörundur Garðarsson (JG) aðalmaður - Magnús Jónsson (MJ) aðalmaður - Valgerður Ingvadóttir (VI) aðalmaður ====== Starfsmenn ====== - Elfar Steinn Karlsson (ESK) hafnarstjóri ====== Fundargerð ritaði ====== - Elfar Steinn Karlsson hafnarstjóri == Almenn mál == === 1. Deiliskipulag Hafnarsvæðis á Bíldudal === Tekin fyrir tillaga að deiliskipulagi hafnarsvæðis á Bíldudal eftir auglýsingu. Tillagan var auglýst með athugasemdafresti til 28. júní 2022. Ein athugasemd barst frá Rækjuveri á auglýsingatíma og fyrir liggja umsagnir frá Minjastofnun Íslands og Vegagerðinni en tillagan var send til umsagnar til Vegagerðarinnar, Minjastofnunar Íslands, Heilbrigðiseftirlits Vestfjarða og Veðurstofu Íslands. Skipulags- og umhverfisráð vísaði málinu áfram til hafna- og atvinnumálaráðs á 96. fundi sínum og bókaði eftirfarandi um málið: Í athugasemd Rækjuvers ehf. er farið fram á að Vesturbyggð felli niður tillögu um lóðirnar Strandgötu 14A og 14B, og ennfremur tillögu um stækkun lóðarinnar Strandgötu 10-12 í átt að verksmiðjuhúsi Rækjuvers og að lóðarmörkum Strandgötu 14A. Ennfremur verði fallið frá götulagningu nánast upp að vegg verksmiðjuhúss Rækjuvers sjávarmegin. Farið er fram á, að sjávarmegin við verksmiðjuhúsið verði a.m.k. 15-20 m. breitt athafnasvæði. Í skipulaginu er ekki verið að stækka lóðina að Strandgötu 10-12 í átt að Rækjuver heldur er verið að minnka lóðina í átt að Rækjuveri og stofna tvær nýjar lóðir, Strandgötu 14A og 14B á því svæði sem áður tilheyrði Strandgötu 10-12. Lóðarmörk húss Rækjuvers ehf. sjávarmegin að Strandgötu eru við vegg hússins. Ráðið getur ekki fallist á að útbúa plan á svæðinu í stað byggingalóða en á landfyllingunni skapast hinsvegar tæplega 2200m2 plan/geymslusvæði. Skipulags- og umhverfisráð lagði til við hafna- og atvinnumálaráð að tillagan yrði samþykkt. Hafna- og atvinnumálaráð tekur undir bókun skipulags- og umhverfisráðs. Hafna- og atvinnumálaráð getur ekki séð að skipulagning nýrra iðnaðarlóða í grennd við Rækjuver ehf. hafi nokkur áhrif á starfsemi Rækjuvers ehf. Ekki eru áformaðar breytingar á vegi sem liggur neðan við Rækjuver. Hafna- og atvinnumálaráð samþykkir tillöguna og að hún verði afgreidd skv. 42. gr. skipulagslaga nr. 123/2010. === 2. Breyting á deiliskipulagi hafnarsvæðis á Patreksfirði === Erindi vísað til ráðsins frá 96. fundi skipulags- og umhverfisráðs. Tekin fyrir tillaga að deiliskipulagi hafnarsvæðis á Patreksfirði eftir auglýsingu. Tillagan var auglýst með athugasemdafresti til 28. júní 2022. Engar athugasemdir bárust á auglýsingatíma en fyrir liggur umsögn frá Minjastofnun Íslands en tillagan var send til umsagnar til Minjastofnunar Íslands, Heilbrigðiseftirlits Vestfjarða og Veðurstofu Íslands. Skipulags- og umhverfisráð lagði til við hafna- og atvinnumálaráð að lóðin að Bjarkargötu 9 yrði felld út af skipulaginu, með það í huga að sú lóð verði nýtt undir lítið fjölbýli, að öðru leyti lagði ráðið til að tillagan yrði samþykkt. Hafna- og atvinnumálaráð samþykkir tillögu skipulags- og umhverfisráðs og að hún verði afgreidd skv. 42. gr. skipulagslaga nr. 123/2010. === 3. Strandsvæðaskipulag Vestfjarða === Tekið fyrir erindi frá Skipulagsstofnun með tölvupósti dagsettum 15. júní 2022 þar sem tilkynnt er um að hafin er kynning á Strandsvæðaskipulagi Vestfjarða. Kynningin og umsagnartímabil mun standa til 15. september nk. Málinu var vísað til hafna- og atvinnumálaráðs frá 96. fundi skipulags- og umhverfisráðs. Samþykkt samhljóða að fresta málinu til næsta fundar ráðsins, hafna- og atvinnumálaráð tekur undir með bókun skipulags- og umhverfisráðs frá 96. fundi ráðsins þar sem óskað var eftir að haldinn yrði fundur með fulltrúa sunnanverðra vestfjarða í svæðisráðinu. === 4. Endurskoðun samgönguáætlunar === Hafna- og atvinnumálaráð fór yfir tillögur og forgangsröðun verkefna vegna samgönguáætlunar 2022-2029. == Mál til kynningar == == Fundargerðir til kynningar == === 7. Fundargerð nr 443 - Hafnasambands Íslands === Lögð fram til kynningar fundargerð frá 443. fundi stjórnar Hafnarsambands Íslands. **Fleira ekki gert. Fundi slitið kl. 17:40**