= Menningar-íþrótta og frístundanefnd = Dagskrá Formaður setti fund og leitaði eftir athugasemdum varðandi fundarboð en engar komu fram. === 1.Erindisbréf menningar, íþrótta og frístundanefndar === 2207047 Kynning á erindisbréfi míf nefndar. Formaður fór yfir hlutverk nefndarmanna í menningar, íþrótta og frístundanefnd samkvæmt erindisbréfi menninar, íþrótta og frístundanefndar. === 2.Drög að dagskrá bæjarhátíðarinnar Blómstrandi dagar === 2207048 Menningar og frístundafulltrúi kynnti drög að dagskrá bæjarhátíðarinnar Blómstrandi daga sem verður helgina 11.-14. ágúst 2022. Blómstrandi dagar er fjölskyldu og menningarhátíð. Bæjarbúar taka virkan þátt í hátíðinni og framboð menningarviðburða er mikið og er dagskráin fjölbreytt. Áhersla er lögð á uppákomur frá fimmtudegi til sunnudags þótt hápunktur hátíðarinnar sé á laugardeginum. Áhugaverðar listsýningar og fjölbreyttir tónlistarviðburðir eru í bænum þessa daga. Bæjarbúar leggja hátíðinni lið með því að skreyta sitt hverfi og sinn garð. Mikil stemning hefur líka myndast í kringum bílskúrsmarkaði og gallerí út um allan bæ. Bæjarbúar leggja hátíðinni lið með því að skreyta sitt hverfi og sinn garð. Mikil stemning hefur líka myndast í kringum bílskúrsmarkaði og gallerí út um allan bæ. === 3.Kynning á starfssviði MÍF nefndar === 2207049 Menningar og frístundafulltrúi fór yfir fjölbreytt verkefni míf-sviðs og kynnti heimasíðu bæjarins, hveragerdi.is. Menningar og frístundafulltrúi kynnti þær stofnanir sem heyra undir menningar og frístundasvið bæjarins og þjónustusamninga sem hafa verið gerðir við menningar, íþrótta og frístundafélög í bænum. === 4.Menningarstefna Hveragerðisbæjar === 2207050 Farið yfir núgildandi menningarstefnu bæjarins. Ákveðið að endurskoða menningarstefnu Hveragerðisbæjar. === 5.Íþrótta- og frístundastefna Hveragerðisbæjar === 2207051 Farið yfir núgildandi íþrótta og frístundastefnu bæjarins. Ákveðið að endurskoða íþrótta og frístundastefnu Hveragerðisbæjar. Fundargerð lesin upp og samþykkt samhljóða. Fundi slitið - kl. 17:15. Getum við bætt efni síðunnar?