= Fundartími íþrótta- og tómstundanefndar 2018 = 8. febrúar Stjórnsýsla Hér er að finna fundargerðir æskulýðs- og íþróttaráðs frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum" Íþrótta- og tómstundanefnd **435.(2.) fundur Íþrótta- og tómstundanefndar Seltjarnarness, haldinn miðvikudaginn 31.ágúst kl. 8:15 í Gróttusalnum.** **Mættir voru:** Örn Viðar Skúlason, Guðmundur Helgi Þorsteinsson, Inga Þóra Pálsdóttir, Áslaug Ragnarsdóttir og Ólafur Finnbogason. **Forföll:** Guðmundur Gunnlaugsson **Ritari fundar:** Haukur Geirmundsson. **1. 2022080279 - Fundaraðstaða ÍTS.** Vettvangsskoðun í nýja fundaraðstöðu ÍTS sem mun verða þar sem barnagæsla World Class var áður. **2. 2022080280 - Endurnýjun á gervigrasi.** Tekin var fyrir ósk knattspyrnudeildar um endurnýjun á gervigrasi á Vivaldi velli. Að mati knattspyrnudeildar er völlurinn slysagildra vegna lélegs viðhalds undanfarin ár. Völlurinn fékk nýja FIFa vottun nú í sumar og talinn vera í góðu ásigkomulagi miðað við aldur. *ÍTS mælist til þess að sest verði niður með seljanda, sem sér einnig um viðhald vallarins og farið verði yfir hver raunveruleg staða er og hvað verði gert í framhaldinu.* **3. 20252060125 - Tæki í styrktarsal Gróttu.** Tækjasalurinn hefur verið rekinn af einkaaðila undanfarin ár sem keypti sjáfur tæki inn í salinn að hluta til. Nú er hann að hætta og býður Gróttu tækin til kaups. Búið er að ráða annan aðila til þess að reka salinn að hluta til. *Að mati ÍTS verður áfram sama rekstrarform á salnum og hafnar því að kaupa ný tæki inn í sal sem rekinn er af einkaaðila.* **4. 2022080286 - Styrkbeiðni vegna kaupa á handboltamörkum.** *ÍTS samþykkir kaup á tveimur keppnismörkum en óskar eftir því að félagið fái verð frá öðrum söluaðilum til viðmiðunar. ÍTS leggur til að gert verði ráð fyrir æfingamörkum í næstu fjárhagsáætlun.* Í ljósi liða 2-4 í þessari fundargerð mælist ÍTS til þess að stjórnir Gróttu geri áætlanir lengra fram í tímann með kaup á tækjum eða annars kostnaðar sem óskað er eftir við bæinn fyrir utan gildandi rekstrarsamning. Á þetta hefur verið bent ítrekað. **5. 2022060153 - Styrkbeiðni frá fimleikadeild.** Á síðasta fundi ÍTS samþykkti ÍTS styrkbeiðni fimleikadeildar vegna keppnisferða meistaraflokka deildarinnar. Samþykkt var í fundargerð kr. 240 þúsund en átti að vera kr. 280 þúsund. Því á eftir að greiða fimleikadeildinni kr. 40 þúsund. **6. 2022060151 - Hreyfigarður – útiæfingatæki.** ÍTS hefur áhuga á að kanna áfram með uppsetningu á æfingatækjum og hvar þau verði staðsett. **7. 2022060152 - Gönguskíðabraut á Seltjarnarnesi.** Rætt var um gerð gönguskíðabrauta innan bæjarins. Rætt var við framkvæmdastjóra Golfklúbbsins sem tók vel í að leyfa aðgengi á golfvöllinn. Eins eru önnur áhugaveð svæði til á Seltjarnarnesi. *Ákveðið var að kaupa sleða á kr. 100 þúsund til að gera gönguskíðabraut.* **8. 2022060149 - BeActive heilsuvika. ** Búið er að ræða við Gróttu, golfklúbb og sunddeild KR um að kynna starfsemi félaganna og jafnvel halda opnar æfingar fyrir þá sem vilja. Sundlaugin verður með frítt í sund í einn dag og stefnt er að því að fá Trimmklúbbinn og Janus heilsueflingu til samstarfs einnig. ÍTS mun standa straum af að auglýsa viðburðina. ** 9. 2022080281 - Styrkbeiðni vegna EM í kraftlyftingum.** *Samþykkt að veita Matthildi Óskarsdóttur kr. 30 þúsund í styrk vegna þátttöku hennar á EM í bekkpressu.* Þess skal geta að Matthildur varð evrópumeistari í sínum þyngdarflokki unglinga. **10. 2022080282 - Styrkbeiðni vegna æfinga- og keppnisferðar í golfi.** *Samþykkt að veita Inga Þór Ólafssyni kr. 30 þúsund vegna ferðarinnar.* **11. 2022080283Styrkbeiðni vegna æfinga- og keppnisferðar U-16 til Akureyrar.** *Samþykkt að veita Antonie Óskari Pantano kr. 17.500 vegna ferðarinnar.* Fundi slitið kl.10. Þetta vefsvæði [byggir á Eplica](http://www.eplica.is/)