= Byggðarráð Norðurþings = Dagskrá === 1.Viðræður við Björgu Capital vegna Aðalbrautar 20-22 á Raufarhöfn === 202112087 Fyrir byggðarráði liggja drög að samningi og svari til Bjargar Capital ehf., vegna sölu á Aðalbraut 20-22 á Raufarhöfn. Byggðarráð felur sveitarstjóra í samráði við lögfræðing sveitarfélagsins í samningagerðinni að senda fyrirliggjandi samningsdrög og afstöðu sveitarfélagsins til Bjargar Capital ehf. === 2.Kostnaðaráætlun nýs hjúkrunarheimilis á Húsavík === 202104106 Fyrir byggðarráði liggur uppfærð og framreiknuð kostnaðaráætlun KÁ-3 vegna nýs hjúkrunarheimilis á Húsavík. Heildarkostaður samkvæmt framlagðri áætlun KÁ-3 er samtals 5.348,3 m.kr og er það því 33% hækkun á heildarkostnaði frá áætlun KÁ-2. Byggðarráð felur sveitarstjóra að taka saman minnisblað og leggja fyrir næsta fund sveitarstjórnar þar sem farið er yfir kostnaðarskiptingu verkefnisins á milli ríkisins og þeirra sveitarfélaga sem eru aðilar að framkvæmdinni. === 3.Skjálftasetrið - Endurnýjun á samkomulagi við Skjálftafélagið á Kópaskeri um Skólahúsið á Kópaskeri === 202101104 Fyrir byggðarráði liggur erindi frá Lovísu Gunnarsdóttur verkefnastjóra, málið var kynnt á íbúafundi á Kóaskeri þann 17. ágúst. Hugmynd um Samfélags- og menningarhús á Kópaskeri verkefnið snýr að því að ráðinn verði verkefnastjóri í vetur sem falið væri að útfæra hugmyndina frekar og laun verkefnastjóra verði kostuð af Norðurþingi. Hugmynd um Samfélags- og menningarhús á Kópaskeri verkefnið snýr að því að ráðinn verði verkefnastjóri í vetur sem falið væri að útfæra hugmyndina frekar og laun verkefnastjóra verði kostuð af Norðurþingi. Byggðarráð felur sveitarstjóra að funda með núverandi verkefnastjóra og fara yfir helstu áhersluatriði verkefnisins og niðurstöður íbúafundar sem haldin var á Kópaskeri í ágúst. === 4.Útilistaverk á Raufarhöfn === 202208058 Fyrir byggðarráði liggur bókun frá 125. fundi í fjölskylduráðifrá 30.08.2022; Fjölskylduráð tekur jákvætt í að þiggja listaverkið Drekann að gjöf en vísar erindinu til umfjöllunar í byggðarráði. Byggðarráð samþykkir að þiggja listaverkið Drekann að gjöf og koma honum upp við höfnina á Raufarhöfn þar sem boðin hefur verið fram staðsetning fyrir listaverkið. === 5.Brothættar byggðir - Öxarfjörður í sókn === 202012070 Laust er starf atvinnu- og samfélagsfulltrúa á Kópaskeri vegna fæðingarorlofs. Starf atvinnu- og samfélagsfulltrúa á Kópaskeri sem var tímabundin ráðning rennur út í lok september. Starfs- og kjaranefnd fjallaði um starfið samþykkti að leggja til við byggðaráð að auglýsa starfið og miðað sé við allt að 50% starfshlutfall. Starf atvinnu- og samfélagsfulltrúa á Kópaskeri sem var tímabundin ráðning rennur út í lok september. Starfs- og kjaranefnd fjallaði um starfið samþykkti að leggja til við byggðaráð að auglýsa starfið og miðað sé við allt að 50% starfshlutfall. Byggðarráð felur sveitarstjóra að auglýsa eftir atvinnu- og samfélagsfulltrúa á Kópaskeri í allt að 50% starf. Starfið er til áframhaldandi eflingar atvinnulífs og samfélags í Öxarfirði og Kelduhverfi. Markmið starfsins felast í því að styrkja tengsl stjórnsýslu Norðurþings við samfélögin í Öxarfirði og Kelduhverfi sem og að ýta undir fleiri atvinnutækifæri innan svæðisins í samstarfi við hagsmunahafa í sveitarfélaginu. Starfið er til áframhaldandi eflingar atvinnulífs og samfélags í Öxarfirði og Kelduhverfi. Markmið starfsins felast í því að styrkja tengsl stjórnsýslu Norðurþings við samfélögin í Öxarfirði og Kelduhverfi sem og að ýta undir fleiri atvinnutækifæri innan svæðisins í samstarfi við hagsmunahafa í sveitarfélaginu. === 6.Rekstur Norðurþings 2022 === 202201062 Fyrir byggðarráði liggur yfirlit yfir útsvarstekjur ársins 2022 og yfirlit yfir rekstur. Lagt fram til kynningar. === 7.Beiðni um styrk vegna forvarnardags ungra ökumanna. === 202209015 Fyrir byggðarráði liggur umsókn um styrk; Beiðni um styrk vegna forvarnardags ungra ökumanna sem haldinn verður þriðjudaginn 20. september n.k á Húsavík. Óskað er eftir styrk til að fá veltibíl á svæðið frá Brautin: Bindindisfélagi ökumanna. Upphæð sem óskað er eftir er 100.000 krónur. Byggðarráð samþykkir styrk að upphæð 100.000 kr vegna forvarnardags ungra ökumanna. === 8.Fundargerðir stjórnar Sambands íslenskra sveitarfélaga 2022 === 202201056 Fyrir byggðarráði liggur fundargerð 912. fundar stjórnar Sambands íslenskra sveitarfélaga, sem haldinn var föstudaginn 26. ágúst sl. Lagt fram til kynningar. Fundi slitið - kl. 09:55.