= 315. fundur umhverfisnefndar = 13/9/2022 **315. fundur umhverfisnefndar haldinn í fundarsal bæjarstjórnar Seltjarnarness, þriðjudaginn 13. september, 2022 kl. 08:08** **Nefndarmenn:** Grétar Dór Sigurðsson, formaður, Hannes Tryggvi Hafstein, varaformaður, Guðrún Brynja Vilhjálmsdóttir, aðalmaður Stefán Bergmann, aðalmaður Magnea Gylfadóttir, aðalmaður **Starfsmenn:** Brynjar Þór Jónasson, sviðsstjóri Ingimar Ingimarsson, garðyrkjustjóri **Fundargerð ritaði:** Brynjar Þór Jónasson, sviðsstjóri **Dagskrá:** **1. 2022060127 - Umhverfisviðurkenningar 2022** Lagðar fram tilnefningar til umhverfisviðurkenninga árið 2022. *Farið yfir innsendar tilnefningar og umhverfisviðurkenningar valdar. Val nefndarinnar verður kynnt síðar.* **2. 2022090064 - Samþykkt um hundahald í Garðabæ, Hafnarfirði, Kópavogi, Mosfellsbæ og Seltjarnarnesi** Lögð fram samþykkt um hundahald í Garðabæ, Hafnarfirði, Kópavogi, Mosfellsbæ og Seltjarnarnesi sem samþykkt var í heilbrigðisnefnd 29. ágúst sl. *Umhverfisnefnd samþykkir framlagða samþykkt um hundahald í Garðabæ, Hafnarfirði, Mosfellsbæ og Seltjarnarnesi. Vísað til staðfestingar í bæjarstjórn.* **3. 2022090089 - Samþykkt um kattahald á Seltjarnarnesi, athugasemdir og ábendingar** Lagðar fram athugasemdir og ábendingar Jóns Hjaltasonar, dagsettar 5. september 2022, við samþykkt um kattahald á Seltjarnarnesi. *Umhverfisnefnd felur starfsmanni nefndarinnar að leggja samþykkt um kattahald á Seltjarnarnesi fyrir næsta fund nefndarinnar.* **4. 2022090076 - Blómengi við Suðurströnd** Lagt fram erindi Ingimars Ingimarssonar, garðyrkjustjóra Seltjarnarnesbæjar, varðandi gerð blómengis við Suðurströnd. Gerð blómengja er tilraunaverkefni sem hrundið hefur verið af stað í nokkrum borgum í Evrópu til að reyna að afturkalla áhrif manna á umhverfi sitt. *Umhverfisnefnd tekur jákvætt í erindið og felur garðyrkjustjóra að útfæra plöntuval, afmarka verkefnið betur og leggja tillögu fyrir næsta fund.* **Önnur mál.** **Umræður um þróun gróðurs á vestursvæðinu.** *Starfsmanni umhverfisnefndar falið að taka saman minnisblað og leggja fyrir næsta fund.* **Sjósundsskýli við Kotagranda.** *Starfsmanni umhverfisnefndar falið að boða arkítekt skýlisins á næsta fund nefndarinnar.* **Grjóthrúga við göngustíg við Snoppu.** *Umhverfisnefnd felur starfsmanni nefndarinnar að láta fjarlægja hrúguna sem fyrst.* Næsti fundur ákveðin þriðjudaginn 25. október kl. 08:15 Fundi slitið 09:40