= Skipulags- og framkvæmdaráð = Dagskrá === 1.Fjárhagsáætlun sviða Norðurþings 2022 === 202209008 Bergþór Bjarnason fjármálastjóri kom á fundinn undir þessum lið. Lagt fram til kynningar. === 2.Söluheimild Eigna, Félagsleg Íbúð === 202209004 Verkefnastjóri á framkvæmdasviði óskar eftir söluheimild vegna fyrirhugaðrar sölu fasteignar að Lindarholti 6, Raufarhöfn. Fjölskylduráð bókaði eftirfarandi á fundi sínum 13. september 2022: Fjölskylduráð samþykkir sölu á Lindarholti 6, Raufarhöfn. Fjölskylduráð bókaði eftirfarandi á fundi sínum 13. september 2022: Fjölskylduráð samþykkir sölu á Lindarholti 6, Raufarhöfn. Skipulags-og framkvæmdaráð samþykkir að Lindarholt 6, Raufarhöfn verði sett í söluferli og felur framkvæmda- og þjónustufulltrúa að hefja söluferlið. === 3.Sala á eldri bifreiðum og tækjum === 202201021 Fyrir skipulags- og framkvæmdaráði liggur ósk um söluheimild á vinnuvél í eigu Norðurþings. Skipulags- og framkvæmdaráð felur framkvæmda- og þjónustufulltrúa að hefja söluferli á vinnuvélinni. === 4.Afsláttur af gatnagerðagjöldum í Norðurþingi. === 201807070 Framlenging á afslætti af gatnagerðargjöldum af ákveðnum lóðum í Norðurþingi. Skipulags- og framkvæmdaráð leggur til við sveitarstjórn að boðinn verði áframhaldandi 50% afsláttur frá gildandi gjaldskrá af gatnagerðargjöldum eftirtalinna lóða svo fremi að fokheldisstigi bygginga verði náð fyrir árslok 2024. Lóðir sem afsláttur nái til séu: Lyngbrekka 6, 8, 9 og 11. Ennfremur verði boðinn 100% afsláttur af gatnagerðargjöldum fyrir lóðina að Urðargerði 5 svo fremi að fokheldisstigi byggingar verði náð fyrir árslok 2024. Afsláttur af öðrum lóðum fellur niður um komandi áramót til samræmis við fyrri ákvörðun. === 5.Ósk um upplýsingar um stöðu mála varðandi húsnæði frístundaheimilisins Túns === 202209089 Fyrir hönd V-listans óskar Aldey Unnar Traustadóttir eftir upplýsingum um stöðu mála varðandi húsnæði frístundaheimilisins Túns. Farið var yfir stöðu mála varðandi húsnæði frístundaheimilisins Túns. === 6.Húsnæði fyrir frístund barna === 202111135 Soffía, Eysteinn og Kristinn leggja til að skoðað verði að byggja frístunda- og ungmennahús við vesturenda Íþróttahallarinnar á Húsavík sbr. meðfylgjandi teikningu. Slíkt húsnæði myndi hýsa bæði frístundastarfsemi og félagsmiðstöð. Að auki yrðu samlegðaráhrif með þörf íþróttahallar á geymsluplássi sem yrði komið fyrir í kjallara nýbyggingarinnar. Samhliða kostnaðarmati við nýbyggingu frístunda- og ungmennahúss verði núverandi kostnaðarmat við niðurrif og förgun Túns, Miðgarðs 4 haft til hliðsjónar ásamt því að óska eftir verðmati í eignina. Samhliða kostnaðarmati við nýbyggingu frístunda- og ungmennahúss verði núverandi kostnaðarmat við niðurrif og förgun Túns, Miðgarðs 4 haft til hliðsjónar ásamt því að óska eftir verðmati í eignina. Skipulags- og framkvæmdaráð samþykkir tillöguna og vísar henni til umfjöllunar í fjölskylduráði. Aldey, Áki og Ísak óska bókað: Fulltrúar M-, S- og V- lista fagna umræðu um húsnæði undir frístund en á sama tíma erum við hugsi yfir hversu hægt þessu máli hefur fleytt fram. Einnig lýsum við yfir áhyggjum af samráðsleysi við hagsmunaaðila í þessu máli, skóla, frístundar og íþróttafélagsins Völsungs. Staða húsnæðismála fyrir Frístund hefur verið í ólestri allt of lengi og núverandi tillaga býr enn og aftur til húsnæðisvanda á meðan á fyrirhuguðum framkvæmdum stendur. Æskilegt væri að móta heildstæða stefnu í skóla-, frístundar- og íþróttamálum samhliða þessari ákvörðun. Aldey, Áki og Ísak óska bókað: Fulltrúar M-, S- og V- lista fagna umræðu um húsnæði undir frístund en á sama tíma erum við hugsi yfir hversu hægt þessu máli hefur fleytt fram. Einnig lýsum við yfir áhyggjum af samráðsleysi við hagsmunaaðila í þessu máli, skóla, frístundar og íþróttafélagsins Völsungs. Staða húsnæðismála fyrir Frístund hefur verið í ólestri allt of lengi og núverandi tillaga býr enn og aftur til húsnæðisvanda á meðan á fyrirhuguðum framkvæmdum stendur. Æskilegt væri að móta heildstæða stefnu í skóla-, frístundar- og íþróttamálum samhliða þessari ákvörðun. === 7.Búðarvöllur === 202203012 Fyrir Skipulags- og framkvæmdaráði liggja niðurstöður forkönnunar á fornleifarannsóknum á Búðarvöllum frá Fornleifastofnun Íslands Minjavörður hefur óskað eftir fundi með starfsfólki sveitarfélagsins. Lagt fram til kynningar. Lagt fram til kynningar. === 8.Ósk um heimild til að breyta deiliskipulagi fyrir fiskeldisstöðina Röndina á Kópaskeri === 202208025 Fyrir liggur tillaga að breytingu deiliskipulags fiskeldis á Röndinni á Kópaskeri. Eftir breytinguna er horft til þess að hámarkslífmassi fiskeldisstöðvarinnar aukist úr 400 tonnum í 2.700 tonn af laxi. Breyting felst í að nýtingarland vegna vatnstöku til fiskeldisins er skilgreint á uppdrætti. Við það stækkar skipulagssvæði um 1,2 ha. Gert er ráð fyrir 24 borholum til vatnstöku sem ýmist verða innan núverandi byggingarlóðar eða á nýtingarsvæðinu. Ekki er gert ráð fyrir öðrum mannvirkjum á nýtingarsvæðinu en borholunum og niðurgrafinni lögn frá þeim að fiskeldismannvirkjunum. Með stækkun eldisins vex jafnaðarvatnsþörf úr 150 l/sek í 980 l/sek á ársgrunni en vatnstaka yrði mest 2.160 l/sek í takmarkaðan tíma. Samhliða aukinni vatnstöku er gert ráð fyrir vöktun á grunnvatnsstöðu og vatnsstöðu yfirborðsvatns. Viðbragðsáætlun verður virkjuð sannist að vatnstaka hafi neikvæð áhrif á stöðu yfirborðsvatns á svæðinu. Breyttir byggingarskilmálar fela í sér að heimilt yrði að byggja yfir ker í fleiri húsum á óbyggðum byggingarreitum en gildandi skipulag gerir ráð fyrir, þ.e. allt að fjórum húsum á hvorum byggingarreit. Skipulags- og framkvæmdaráð leggur til við sveitarstjórn að skipulagsbreytingin verði kynnt skv. ákvæðum skipulagslaga. === 9.Beiðni um umsögn vegna fiskeldis Rifós hf.að Röndinni á Kópaskeri === 202209044 Matvælastofnun óskar umsagnar Norðurþings um hvort náttúrulegar aðstæður á fyrirhuguðu starfssvæði fiskeldisstöðvar eða fyrirhugaðar eldistegundir, eldisstofnar eða eldisaðferðir gefi tilefni til neikvæðra vistfræði- eða erfðafræðiáhrifa sem leitt getur af leyfisskyldri starfsemi. Skipulags- og framkvæmdaráð telur ekki tilefni til að ætla að starfsemi Rifóss á Röndinni hafi neikvæð vistfræði- eða erfðafræðiáhrif. === 10.Ósk um stækkun lóðar að Garðarsbraut 6 === 202209045 Veitingahúsið Setberg óskar eftir lóðarstækkun til suðurs frá núverandi lóð Garðarsbrautar 6 sem nemur bílastæðum að innkeyrslu frá Garðarsbraut. Skipulags- og framkvæmdaráð telur mikilvægt að umrædd bílastæði verði áfram almenn og fellst því ekki á umbeðna lóðarstækkun. === 11.Umsókn um lóð að Stakkholti 7 === 202209049 Einar Páll Þórisson óskar eftir að fá lóðina að Stakkholti 7 úthlutaða til uppbyggingar einbýlishúss. Skv. grein 3.1.1 í Vinnureglum um lóðaveitingar sem birt er á heimasíðu sveitarfélagsins hafa einstaklingar forgang við úthlutun einbýlishúsalóða. Á þeim grunni leggur skipulags- og framkvæmdaráð til við sveitarstjórn að Einari Páli verði úthlutað lóðinni að Stakkholti 7. === 12.Bolverk ehf.sækir um lóð að Stakkholti 7 === 202209055 Bolverk ehf óskar eftir að fá lóðina að Stakkholti 7 úthlutaða til uppbyggingar einbýlishúss. Skv. grein 3.1.1 í Vinnureglum um lóðaveitingar sem birt er á heimasíðu sveitarfélagsins hafa einstaklingar forgang við úthlutun einbýlishúsalóða. Í ljósi þess hefur skipulags- og framkvæmdaráð gert tillögu um að þessari lóð verði úthlutað til annars umsækjanda. === 13.Skipulagsnámskeið === 202206128 Námskeið um skipulagsvinnu fyrir kjörna fulltrúa verður haldið á sveitarstjórnarskrifstofu Norðurþings fimmtudaginn 29. september. Þar mun Hrafnhildur Brynjólfsdóttir hjá Eflu kynna lagaumhverfi og ferli skipulagsmála. Lagt fram til kynningar. === 14.Beiðni um umsögn vegna jarðstrengs frá Þeistareykjum að Kópaskerslínu 1 === 202208013 Skipulagsstofnun hefur komist að þeirri niðurstöðu að fyrirhuguð framkvæmd Landsnets við lagningu jarðstrengs frá Þeistareykjum að Kópaskerslínu sé ekki líkleg til að hafa í för með sér umtalsverð umhverfisáhrif og skuli því ekki háð mati á umhverfisáhrifum. Stofnunin kynnti þessa niðurstöðu sína með bréfi dags. 21. september s.l. Niðurstaða Skipulagsstofnunnar var lögð fram til kynningar. Fundi slitið - kl. 16:40.