= Fræðslunefnd = Dagskrá === 1.Reglur og samþykktir málaflokkur 04, fræðslumál === 2209340 Lagður fram listi yfir lög og reglugerðir sem snerta málasvið 04 og ýmis sjónarmið þar að lútandi reifuð. Gert er ráð fyrir að allar reglur sveitarfélagsins verði endurskoðaðar á næstu vikum og að fræðslunefnd afgreiði reglur þessar frá sér til byggðarráðs á næsta fundi sínum, að svo miklu leyti sem hægt er. === 2.Öryggismyndavélar === 2209351 Fram hefur komið sú hugmynd að setja upp eftirlitsmyndavélar við Árskóla og íþróttahúsið á Sauðárkróki. Fræðslunefnd ræddi málið og ýmis sjónarmið sem hafa þarf í huga varðandi ákvörðun um að setja upp eftirlitsmyndavélar þar sem börn eru í leik og starfi. Bent er á mikilvægi þess að skoða málið rækilega m.t.t. persónuverndarsjónarmiða Sviðsstjóra og starfsmönnum sviðsins falið að skila minnisblaði um málið fyrir næsta fund nefndarinnar. === 3.Skólamatur === 2209345 Skólamatur í Ársölum og Árskóla hefur nokkuð verið til umræðu í samfélaginu, sbr. minnisblað sem fylgir í gögnum. Starfsmenn hafa fundað með samningshöfum um málið og hvatt til þess að matarmálum verði komið í lag í samræmi við lýsingu í útboðsgögnum og gildandi samning. Starfsmenn munu fylgja málinu eftir í samræmi við ákvæði samningsins. Áheyrnafulltrúar stofnana véku af fundi eftir þennan dagskrárlið. === 4.Trúnaðarbók fræðslunefndar 9 === 2209031 Eitt mál tekið fyrir og afgreitt. Fundi slitið - kl. 17:30.