= Fasteignafélag Hveragerðis ehf = Dagskrá Njörður Sigurðsson formaður stjórnar, setti fund og stjórnaði. Leitaði hann eftir athugasemdum við fundarboð en engar komu fram. === 1.Skýrsla stjórnar fyrir árið 2021 === 2208249 Aðalfundur félagsins haldinn þann 12. september 2022. Nýr formaður kynnti það sem helst var framkvæmt á árinu. Hefðbundið viðhald var á Hamarshöll en árlega þarf að yfirfara allan vélbúnað, endurnýja reimar og annað slíkt svo búnaður sé ávallt í góðu lagi. Á árinu 2021 var lokið við smíði húss utan um blásarabúnað hússins. Flutningurinn á blásarabúnaðinum var gerður í fullu samráði við Duol. Í framhaldinu var óskað eftir að fá aðila frá Duol til að yfirfara húsið fyrir veturinn og í september kom aðili þaðan og tók húsið út. Hann taldi húsið vera óvanalega vel við haldið. Að öðru leyti var rekstur félagsins með hefðbundnu sniði á árinu. Á árinu 2021 var lokið við smíði húss utan um blásarabúnað hússins. Flutningurinn á blásarabúnaðinum var gerður í fullu samráði við Duol. Í framhaldinu var óskað eftir að fá aðila frá Duol til að yfirfara húsið fyrir veturinn og í september kom aðili þaðan og tók húsið út. Hann taldi húsið vera óvanalega vel við haldið. Að öðru leyti var rekstur félagsins með hefðbundnu sniði á árinu. === 2.Ársreikningur félagsins fyrir árið 2021 === 2208250 Ársreikningur ársins 2021 lagður fram. Stjórn samþykkir ársreikninginn og undirritar hann. === 3.Kosningar í stjórn og kosning endurskoðenda === 2208251 Í stjórn voru kosnir eftirfarandi: Njörður Sigurðsson, formaður, Halldór Benjamínsson og Alda Pálsdóttir. Varamenn voru kosnir Dagný Sif Sigurbjörnsdóttir, Jóhanna Ýr Jóhannsdóttir og Friðrik Sigurbjörnsson. Endurskoðandi verði Deloitte ehf. === 4.Ákvörðun um hvernig skuli farið með tap félagsins === 2208252 Stjórn leggur til að tap ársins verði flutt til næsta árs. === 5.Greiðslur til stjórnar === 2208253 Stjórn samþykkir óbreytta þóknun til stjórnarmanna sem er sú sama og greitt er fyrir nefndasetu hjá Hveragerðisbæ. Bæjarstjóri situr án þóknunar í stjórninni. === 6.Samþykktir félagsins til kynningar === 2208254 Samþykktir félagsins lagðar fram til kynningar. Fundargerð upplesin og samþykkt. Fundi slitið - kl. 09:00. Getum við bætt efni síðunnar?