**1. 2208004 - Vegamál** |Tillaga að bókun borin upp til afgreiðslu:| Umræða um mikilvæga stofn- og tengivegi á landsbyggðinni hefur verið útundan í almennri umræðu um vegamál um langa hríð. Í því ljósi fagnar sveitarstjórn Dalabyggðar frumkvæði því sem fram hefur komið um svokallaða „samfélagsvegi“. Þó almennt sé lítill áhugi á því að sett verði á veggjöld þá er ljóst að til þess að einhverjir möguleikar opnist í þá veru að flýta framkvæmdum við Skógarstrandaveg þá þarf að hugsa í nýjum lausnum og þora að nefna aðra valkosti en þá aðferðarfræði sem til þessa hefur verið ástunduð við fjármögnun vega. Sama á við um fáfarnari malarvegi eins og víða eru í Dalabyggð. Í þeim efnum þarf einnig að þora að nefna nýja valkosti, ekki bara varðandi fjármögnun. Í því tilliti vill sveitarstjórn Dalabyggðar hvetja vegayfirvöld til að huga að því að leggja bundið slitlag þó vegir séu ekki á allan hátt uppbyggðir og vegbreidd sé ekki eins og best gerist. Slit á bílum, dekkjum og annar kostnaður sem heimafólk sem býr við holótta og vonda vegi ber hefur ekki verið metinn til fjár. Eins má nefna akstur skólabarna sem eiga um langan veg að fara eða allt að rúmlega 85 km á dag við oft mjög slæmar aðstæður. Sveitarstjórn Dalabyggðar vill stuðla að auknum lífsgæðum heimamanna og allra þeirra sem um okkar fallega hérað aka. Bundið slitlag er einn þáttur innviða sem skiptir máli í þeim efnum. Samþykkt samhljóða. **2. 2210010 - Útfærsla tómstundastyrks haustið 2022** |Til máls tók: Ingibjörg.| Samþykkt samhljóða. [engin_takmork_fristundastyrkur_DROG-uppfaerd..pdf]( displaydocument.aspx? itemid=YGK9CbJu6kiyyIRl02RVyg&meetingid=UeuNH6QmKUOQwgVLohk56g1) **3. 2209018 - Umsagnarbeiðni um tækifærisleyfi vegna dansleiks í Dalabúð 22. október 2022** |Sveitarstjórn gerir ekki athugasemd við tækifærisleyfið.| Samþykkt samhljóða. [Ums.b.tækif.l.-Dansleikur Sauðfj.bænda,Dalabúð 22.10.2022 2022042240..pdf]( displaydocument.aspx? itemid=OUAWOEXbVkGLX4YjklEQ2w&meetingid=UeuNH6QmKUOQwgVLohk56g1) **4. 2209005F - Byggðarráð Dalabyggðar - 297** |Samþykkt samhljóða.| **4.1. 2110028 - Umsókn um stofnframlag vegna almennra leiguíbúða.** Lagt var fram erindi frá stjórn Bakkahvamms hses. varðandi tímabundið lán frá Dalabyggð að upphæð kr. 40.000.000,- vegna framkvæmda á lóðinni Bakkahvammur 15 þar sem verið að að reisa almennar íbúðir fyrir tekju- og eignalága. Lánið verður endurgreitt í síðasta lagi þann 1. desember n.k. þegar framkvæmdalán til Bakkahvamms hses. gengur í gegn. Samþykkt var samhljóða að veita lánið. **5. 2208012F - Byggðarráð Dalabyggðar - 298** |Samþykkt samhljóða.| **5.1. 2208006 - Fjárhagsáætlun 2023** Farið yfir fyrstu drög að áætlun. Búið að taka tillit til flestra launahækkana í útreikningi. Farið yfir fjármagn til framkvæmda á næstu árum. Ábendingar komnar frá flestum deildarstjórum/starfsmönnum vegna áætlunarinnar. Lagt til að sveitarstjórn hittist á vinnufundi kl. 17:00 mánudaginn 26. september, til að fara yfir fyrirliggjandi drög að áætlun. Sveitarstjóra falið að boða fundinn. Samþykkt samhljóða. **5.2. 2202026 - Framkvæmdir 2022** Kristján Ingi fer yfir stöðu á framkvæmdum 2022 og kostnað, m.a. með tilliti til fjárfestinga á næsta ári. **5.3. 2209012 - Laugar í Sælingsdal - samskipti** Rætt um lýsingu í íþróttasal. Lagt til að Dalabyggð sjái um að setja perur í núverandi ljósastæði. Samþykkt samhljóða. **5.4. 2209003 - Umsókn um lóð Lækjarhvammur 22** Umsókn um lóð samþykkt samhljóða. **5.5. 2101043 - Lóðarleigusamningar í Dalabyggð - uppfærðir** Samþykkt samhljóða. **5.6. 2101043 - Lóðarleigusamningar í Dalabyggð - uppfærðir** Samþykkt samhljóða. **5.7. 2101043 - Lóðarleigusamningar í Dalabyggð - uppfærðir** Samþykkt samhljóða. **5.8. 2209010 - Umsókn um námsvist utan lögheimilissveitarfélags** Samþykkt samhljóða. **5.9. 2208013 - Umsögn um rekstrarleyfi til reksturs gististaða í flokki II** Byggðarráð gerir ekki athugasemdir við rekstrarleyfi með þeim fyrirvara að rekstraraðili hafi gert samning vegna sorphirðu. Samþykkt samhljóða. **6. 2209009F - Byggðarráð Dalabyggðar - 299** |Til máls tók: Björn Bjarki um dagskrárlið 2 - mál nr. 2210011 - Fjárhagsáætlun 2022 - Viðauki VII (7).| Viðauki VII borinn upp til afgreiðslu. Samþykkt samhljóða. Til máls tóku: Skúli og Eyjólfur um dagskrárlið 5 - mál nr. 2204013 - Bygginganefnd íþróttamannvirkja í Búðardal. Viljayfirlýsing borin upp til afgreiðslu. Samþykkt samhljóða. Fundargerð borin upp til afgreiðslu. Samþykkt samhljóða. **6.1. 2208006 - Fjárhagsáætlun 2023** Farið yfir stöðuna á fjárhags- og framkvæmdaáætlun fyrir árið 2023. Rætt um mögulegan kostnað við að koma á aðgangsstýringarkerfi í húseignir í eigu Dalabyggðar til viðbótar því sem fram er komið í fyrirliggjandi framkvæmdaáætlun. Samþykkt að halda áfram vinnunni á næsta fundi byggðarráðs þann 27.október n.k. og senda áætlunina í kjölfar þess fundar til fyrri umræðu í sveitarstjórn Dalabyggðar sem haldinn verði þann 10. nóvember n.k. Stefnt skuli að íbúafundi til þess að kynna vinnu við gerð fjárhagsáætlunar þann 17. nóvember og er sveitarstjóra falið að undirbúa þann fund og kynna fyrir íbúum í Dalabyggð. **6.2. 2210011 - Fjárhagsáætlun 2022 - Viðauki VII (7)** Lögð fram tillaga að viðauka nr. VII fyrir yfirstandandi rekstrarár. Helstu breytingar eru eftirfarandi: Stórum hluta framkvæmda við Íþróttamiðstöð í Búðardal verður frestað til ársins 2023 eða sem nemur kr. 217.800.000,- færast út af árinu 2022. Samhliða þeirri ákvörðun er hætt við lántöku upp á kr. 240.000.000,- eða henni frestað til ársins 2023. Aukin fjárfesting til Silfurtúns kr. 4.500.000 og breytt fjárfesting úr því að keypt yrði bifreið í frekari framkvæmdir við húsnæðið kr. 3.500.000,- Með þessu næst að klára baðherbergi og endurbótum á tveimur rýmum heimilismanna. Viðbótarframlag frá Framkvæmdasjóði aldraðra kr. 4.000.000,- Frestað framkvæmdum á Eiríksstöðum kr. 3.500.000 til ársins 2023. Aukin fjárfesting vegna sorphirðu kr. 1.600.000 Samþykkt að ganga til viðræðna um kaup á hlut í fasteign að Miðbraut 11 fyrir allt að kr. 5.000.000,- Á 297 fundi Byggðaráðs var samþykkt heimild til tímabundins láns til Bakkahvamms hses sem endurgreitt verði í des n.k. Hækkun á tekjum til Silfurtúns v.aukins framlags frá SÍ vegna hagvaxtarauka kr. 2.000.000. Lækkun á aðaskipulagsvinnu kr. 2.000.000 og launum slökkviliðs kr. 2.000.000. Aukinn vörukaup hjá skipulagsfulltrúa og slökkvistjóra um kr 100.000 í hvorri deild fyrir sig, v.kaupa á húsbúnaði. Aukinn kostnaður við vatnsveitu vegna aukinna viðhaldsverkefna kr. 1.000.000 **6.3. 2210010 - Útfærsla tómstundastyrks haustið 2022** Lögð fram tillaga að útfærslu á því hvernig viðbótarfjármagn til frístundastarfs barna og ungmenna verði nýtt á árinu 2022. Í ljósi tillögunnar samþykkir byggðarráð Dalabyggðar eftirfarandi: Byggðarráð Dalabyggðar samþykkir að breyta reglum um frístundastyrk hjá sveitarfélaginu á þann veg að hann nái einnig til félagsstarfs, námskeiða, íþrótta og annarra tómstunda sem ekki eru í boði í sveitarfélaginu. Þannig verður m.a. hægt að nýta styrkinn á móti námskeiðum eða kennslu sem fer fram í gegnum netið. Að auki verður styrkurinn hækkaður, tímabundið, fyrir þennan aldurshóp á haustönn 2022 og bætast 10.000 kr.- við styrkinn fyrir hvern einstakling í 1. til 10. bekk. Viðbótarfjármagnið er styrkur frá Stjórnarráði Íslands til að efla virkni og vellíðan barna og ungmenna. Að öðru leyti gilda reglur Dalabyggðar um frístundastyrk fyrir börn og ungmenni, þ.e. viðkomandi þarf að eiga lögheimili í Dalabyggð og til að fá styrkinn greiddan þarf að skila greiðslukvittun á skrifstofu Dalabyggðar fyrir 15. desember nk. Það er von byggðarráðs að þessi samþykkt verði til þess að hvetja börn og ungmenni í Dalabyggð til að iðka íþróttir, sækja sér námskeið og sinna almennum tómstundum og styrkja þannig félagslega færni þessa dýrmæta hóps í samfélaginu. **6.4. 2210009 - Umsókn um lóð Bakkahvammur 13** Framlögð umsókn Sindra Geirs Sigurðssonar um lóðina að Bakkahvammi 13. Byggðarráð samþykkir að úthluta lóðinni til umsækjanda. **6.5. 2204013 - Byggingarnefnd íþróttamannvirkja í Búðardal ** Lögð fram fundargerð 11. fundar byggingarnefndar íþróttamannvirkja í Búðardal og rædd þau gögn sem þar voru kynnt. Byggðarráð samþykkir samhljóða að ganga til samninga við Eykt ehf. um gerð viljayfirlýsingar um frekari rýni á hönnunar- og kostnaðarþáttum verksins og felur sveitarstjóra að undirrita viljayfirlýsinguna f.h. Dalabyggðar. **6.6. 2208014 - Sala á félagsheimilinu Staðarfelli** Framlagt lóðarblað með afmörkun lóðar í kringum Félagsheimilið Staðarfelli vegna sölumeðferðar sem er að fara í gang. Byggðarráð samþykkir lóðamörkin fyrir sitt leyti og heimilar að eignin fari í sölumeðferð. **6.7. 2208004 - Vegamál** Rætt um hugmyndir um samfélagsvegi og uppbyggingu vegakerfisins saman ber hugmyndir sem kynntar voru á opnun fundi í Húnaþingi vestra fyrir stuttu. Hugmyndin hefur verið kynnt fyrir fulltrúum í sveitarstjórn Dalabyggðar og ljóst að áhugi er fyrir því að þreifa frekar á möguleikum sem í þessari útfærslu gætu falist. Byggðarráð Dalabyggðar samþykkti að bjóða byggðarráðum Húnaþings vestra og Stykkishólms/Helgafellssveitar til fundar um samgöngumál og þá brýnu þörf sem fyrir hendi er á vegabótum á þeim svæðum sem um ræðir. **7. 2209012F - Stjórn Dvalar- og hjúkrunarheimilisins Silfurtúns - 64** |Samþykkt samhljóða.| **7.1. 2208006 - Fjárhagsáætlun 2023** Rætt um fjárhagsáætlun komandi árs. Grunnforsendur eru að óbreyttu þær sömu, þ.e. fjöldi hjúkrunar- og dvalarrýma. Stjórn Silfurtúns leggur áherslu á að haldið verði áfram endurnýjun rýma og leggur til að aftur verði sótt um framlag því til stuðnings í Framkvæmdasjóð aldraðra. **7.2. 2201044 - Rekstur Silfurtúns 2022** Farið yfir stöðuna á rekstri fyrstu 8 mánuði ársins 2022. reksturinn er þungur eins og verið hefur en mannahald er komið í jafnvægi. Verið er að undirbúa fræðslu til starfsmanna á komandi vikum. Búið er að klára endurbætur á einu herbergi og í undirbúningi er að fara í annað herbergi. Framkvæmdum við baðherbergi er að ljúka. **7.3. 1910017 - Könnun á samstarfi Silfurtúns og HVE** Sveitarstjóri sagði frá fundi með heilbrigðisráðherra og samtali við forstjóra Heilbrigðisstofnunar Vesturlands. Fundur hefur verið ákveðinn með forstjóra HVE þann 1. nóvember n.k. og varðar ósk stjórnar Silfurtúns og sveitarstjórnar Dalabyggðar um að HVE yfirtaki rekstur Silfurtúns þar sem meginávinningur á sameiningu væri faglegs eðlis. Unnið er gott starf á Silfurtúni og er mikill vilji til þess að rekstrareiningin haldist áfram eins og verið hefur þó rekstraraðili verði HVE líkt og unnið er að undirbúningi á í Stykkishólmi. **7.4. 2011017 - Samningur um eldhúsrekstur.** Samningur við Dalakot varðandi umsjón með matseld á Silfurtúni rennur út um næstu áramót. Sveitarstjóri hefur fundað með eigendum Dalakots með það í huga að framlengja núgildandi samning. Eigendur Dalakots eru tilbúnir til að framlengja núverandi samning fram að sumri 2023 en fram að því verði rætt um fyrirkomulag varðandi umsjón á matseld á Silfurtúni. Sveitarstjóra falið að ganga frá samningi við Dalakot. **7.5. 2209008 - Fyrirhuguð úttekt embættis landlæknis** Fulltrúar frá Embætti landlæknis voru á ferð í Búðardal í lok september s.l. þar sem þeir skoðuðu aðstæður á Silfurtúni og tóku út ákveðna þætti í starfssemi heimilisins. Niðurstöðu úttektar er að vænta á næstu vikum. **7.6. 2204020 - Umsókn um framlag úr Framkvæmdasjóði aldraðra 2022** Framlögð afgreiðsla á umsókn Dalabyggðar til Framkvæmdasjóðs aldraðra. Dalabyggð fékk úthlutað allt að 6.070.800,- og verður þeim fjármunum ráðstað í endurbætur á heimilinu. Stjórn Silfurtúns þakkar framlagið frá Framkvæmdasjóðnum. **8. 2208004F - Atvinnumálanefnd Dalabyggðar - 31** |Til máls tók: Garðar um fundargerðina og dagskrárlið 2 og Eyjólfur um fundargerðina.| Samþykkt samhljóða. **8.1. 2208006 - Fjárhagsáætlun 2023** Skoðað verði í tengslum við fjárhagsáætlunargerð að gera ráð fyrir upplýsingaskiltum innan þéttbýlis varðandi þjónustuframboð eða kostnaði fyrir uppfærslu á núverandi skilti. Skoða verði að uppfæra þjónustuskilti við mynni dala innan sveitarfélagsins. **8.2. 2011018 - Áfangastaðaáætlun 2021-2023** Áfangastaðaáætlun yfirfarin og verkefnastjóra falið að skila gögnum til Áfangastaðastofu Vesturlands. **8.3. 2209016 - Umsögn sveitarfélags vegna umsóknar í Framkvæmdasjóð ferðamannastaða** Lagt til að Dalabyggð gefi jákvæð viðbrögð við beiðni um umsögn/viljayfirlýsingu um uppbyggingu áningarstaða/opna skóga. **8.4. 2208005 - Upplýsingar um atvinnuleysi 2022** Lagt fram til kynningar. **9. 2209006F - Fræðslunefnd Dalabyggðar - 113** |Samþykkt samhljóða.| **9.1. 2208006 - Fjárhagsáætlun 2023** Fræðslunefnd leggur áherslu á að horft verði til þess að starfsfólki Auðarskóla á öllum stigum standi til boða að sækja námskeið til að efla gott starf enn frekar. Rætt um tómstundastyrk þann sem börnum/fjölskyldum í Dalabyggð stendur til boða, styrkurinn er kr.20.000,- á ári og hvernig mætti gera aðgengi að þeim stuðningi einfaldari en nú er. Einnig rætt um þörf fyrir tómstundir fyrir börn í Dalabyggð yfir sumarmánuðina og hvernig mætti standa að því. Rætt um mönnun félagssmiðstöðvar og það að mikilvægt er að tveir starfsmenn séu á vakt hverju sinni, fræðslunefnd felur íþrótta- og tómstundafulltrúa að koma tillögum um tilhögun þess til byggðarráðs til úrvinnslu í tengslum við fjárhagsáætlunargerð. Einnig var rætt um fyrirkomulag á gæslu í tengslum við ferðir sem farið er með börn og unglinga. Fræðslunefnd óskar eftir að horft verði til ofangreindra þátta við gerð fjárhagsáætlunar og áskilur sér að geta komið með fleiri ábendingar til byggðarráðs eftir því sem vinnunni fram vindur. **9.2. 2208009 - Grunnskólamál - haust 2022** Skólastjóri fór yfir stöðu mála og hvernig skólastarfið fer af stað í upphafi skólaársins. Starfsáætlun Auðarskóla er enn í drögum en unnið er að því að ljúka gerð áætlunarinnar. Ýmis vinna er í gangi í innra starfi skólans og sér senn fyrir endann á þeim þannig að í kjölfar þess mun Skólastefna Auðarskóla fyrir skólaárið 2022/2023 líta dagsins ljós. Skólastjóri kynnti hvar vinna stendur við nýja heimasíðu Auðarskóla. Stefnt er að því að formleg opnun síðunnar verði uppúr miðjum október. Skólastjóri kynnti fyrir hvað Skólapúlsinn stendur og hvaða möguleikar standa Auðarskóla/Dalabyggð til boða í því verkfæri sem margir skólar og fræðsluyfirvöld á landinu nýta sér. Fræðslunefnd mælir eindregið með þvi við byggðarráð og sveitarstjórn að Auðarskóli verði aðili að Skólapúlsinum. **9.3. 2205025 - Frístundaakstur** Formaður fræðslunefndar fór yfir stöðu mála, frekari gögn verða kynnt á næsta fundi fræðslunefndar. **9.4. 2208010 - Tómstundir - haust 2022** Íþrótta- og tómstundafulltrúi fór yfir minnisblað, sjá í fylgigögnum, varðandi starfið og hvernig það fer af stað. Varðandi erindisbréf ungmennaráðs þá var íþrótta- og tómstundafulltrúa falið að senda til byggðarráðs/sveitarstjórnar tillögur að breytingum á erindisbréfinu í anda þeirrar umræðu sem varð á fundinum. Rætt um virkni foreldra og foreldraráðs í tengslum við bæði tómstundastarf og samskipti við skóla. Varðandi reglur um félagsmiðstöð þá leggur fræðslunefnd til að bætt verði við 5.gr.reglnanna að skipaðir verði varamenn, jafnmargir aðalmönnum, sem skipaðir eru í félagsmiðstöðvarráð og einnig kveðið á um hvenær skuli kjósa í ráðið. 13. gr.verði yfirfarin og gerð ítarlegri. Einnig farið yfir orðalag í einstaka öðrum þáttum/liðum reglnanna. Íþrótta- og tómstundafulltrúi mun ræða reglurnar við ungmennin, nemendaráð og skólastjórnendur og kalla eftir þeirra sjónarmiðum áður en skjalið verður frágengið og formfest. Fræðslunefnd þakkar íþrótta- og tómstundafulltrúa fyrir góða yfirferð. **9.5. 2209017 - Tónlistarnám í Auðarskóla** Fræðslunefnd styður að viðkomandi fái skólavist í tónlistarskólanum. Jafnframt bendir fræðslunefnd á að endurskoða þurfi verklagsreglur um tónlistarskóla Auðarskóla samanber þær aðstæður sem hér um ræðir. **9.6. 1303013 - Framhaldsskóladeild í Búðardal** Fræðslunefnd er áhugasöm um að kanna möguleika til þess að starfrækja hluta framhaldsnáms í Búðardal. Formanni fræðslunefndar og sveitarstjóra falið að ræða við forráðamenn framhaldsskólanna á Vesturlandi um þá möguleika sem kunna að vera í stöðunni. **10. 2208005F - Menningarmálanefnd Dalabyggðar - 27** |Samþykkt samhljóða.| **10.1. 2202022 - Verkefnisstjórn fyrir Brothætta byggð** Verkefnisáætlun hefur verið samþykkt og búið að opna fyrir umsóknir í Frumkvæðissjóð DalaAuðar. Menningarmál eiga einna helst undir meginmarkmið 2 og 3 í verkefnisáætlun. Farið yfir undirmarkmið og tengingu við starf menningarmálanefndar. Nefndin þakkar Lindu kærlega fyrir komuna og hvetur íbúa til að láta slag standa, eiga samtal við Lindu og skila inn umsókn. **10.2. 2110030 - Bæjarhátíð 2022** Nefndin ítrekar ánægju með framkvæmd og þátttöku á bæjarhátíðinni Heim í Búðardal 2022. **10.3. 2209004 - Jörvagleði 2023** Sumardagurinn fyrsti fellur á 20. apríl 2023. 125 ár frá fæðingu Ásmundar Sveinssonar, myndhöggvara. Halldór Ásgeirsson listamaður hefur haft samband varðandi opna vinnustofu. Stefnt að kvöldvöku/setningu á fimmtudagskvöldinu í Árbliki. Leikklúbbur Laxdæla skoði sýningarhald. Farið verði yfir drög að dagskrá Jörvagleði 2021 sem var lögð til hliðar vegna COVID-19. **10.4. 2208006 - Fjárhagsáætlun 2023** Nefndin leggur til að veitt verði 1.000.000 kr. í fjárhagslykil 9191 í deild 0501 fyrir Menningarmálaverkefnasjóð. Gætt verði að fjármagni til Byggðasafns Dalamanna varðandi uppsetningu eða geymslu muna. Hugað verði að framkvæmd við aðgengi að Héraðsbókasafni Dalasýslu í samræmi við bókanir nefndarinnar. **10.5. 2009004 - Menningarmálaverkefnasjóður** Lagt er til að úthlutunarreglum verði breytt á þann hátt að 6. gr. orðist þannig: Styrkir eru greiddir út í einu lagi inn á þann bankareikning sem kemur fram í umsókn um leið og skýrslu um nýtingu styrkja hefur verið skilað í samræmi við 8. gr. Með því að binda greiðslu styrkja við skýrsluskil verður úrvinnsla auðveldari, þá minnka líkur á því að nota þurfi 9. gr. er varðar endurgreiðslu styrkja. Samþykkt. Úthlutun fyrir árið 2023 verði auglýst 2. desember 2022. Samþykkt. **10.6. 2203007 - Aðgengi að bókasafni** Umræða hefur verið um aðgangsstýringu að Stjórnsýsluhúsi Dalabyggðar. Við þá vinnu vill nefndin að kannað verði með aðgangsstýringu að Héraðsbókasafni Dalasýslu með það að markmiði að auka aðgengi námsmanna og annarra íbúa að safnkosti þess. Þannig geti íbúar komist inn og tekið bækur í útlán utan hefðbundins opnunartíma með snjalllausnum. **11. 2209004F - Félagsmálanefnd Dalabyggðar - 63** |Til máls tók: Eyjólfur um fundargerðina.| Samþykkt samhljóða. **11.1. 2206033 - Jafnréttisáætlun** Nefndin leggur til að gerð verði viðbragðsáætlun um hvernig tekið er á ofbeldi á vinnustað. Samþykkt samhljóða Jafnréttisáætlun vísað til byggðaráðs til umfjöllunar Samþykkt samhljóða **11.2. 2207024 - Uppsögn á samningi um félagsþjónustu** Minnisblað SSV um félagsþjónustu í fámennum sveitarfélögum lagt fram til kynningar. **11.3. 2209014 - Sérstakur húsnæðisstuðningur 15-17 ára** Nefndin leggur til að 2. mgr. 9. gr. reglna um sérstakan stuðning í húsnæðismálum í Dalabyggð verði þannig orðuð. Stuðningurinn er óháður tekjum og eignum foreldra eða forsjáraðila og getur numið allt að 50% af leigufjárhæð. Fjárhæð styrks skal þó aldrei nema hærri upphæð en 30.000 kr. á mánuði. Samþykkt samhljóða. **11.4. 2112001 - Breytt skipulag barnaverndar** Félagsmálastjóri kynnti breytingar á farsældarlögum ásamt breytingum á starfsemi barnaverndar sem taka gildi 1. janúar 2023. **11.5. 2101011 - Trúnaðarbók félagsmálanefndar** Rætt um trúnaðarmál. Niðurstaða nefndarinnar var skráð í trúnaðarbók. **13. 2204013 - Byggingarnefnd íþróttamannvirkja í Búðardal fundargerðir 2022** |Samþykkt samhljóða.| [11. fundur - fundargerð.pdf]( displaydocument.aspx? itemid=GpjqCZVmkCR9jYtQjf_A&meetingid=UeuNH6QmKUOQwgVLohk56g1) **14. 2201006 - Fundargerðir Fjárfestingafélagið Hvammur ehf. 2022** |Til máls tók: Einar| Lagt fram til kynningar. [Fjárfestingafélagið Hvammur ehf 05_09_2022.pdf]( displaydocument.aspx? itemid=rCI_93Q4REq5VOZ5EmN_4Q&meetingid=UeuNH6QmKUOQwgVLohk56g1) **15. 2201008 - Fundargerðir Breiðafjarðarnefndar 2022** |Lagt fram til kynningar.| [Breiðafjarðarnefnd Fundur-205.pdf]( displaydocument.aspx? itemid=RR4BIOfHdkumd6FjqTI9cA1&meetingid=UeuNH6QmKUOQwgVLohk56g1) **16. 2209015 - Sveitarfélög, skipulagsáætlanir og framkvæmdaleyfi til skógræktar** |Lagt fram til kynningar.| [Bréf með ályktun_Skipulag og framkvæmdarleyfi_Sveitarfélögin.pdf]( displaydocument.aspx? itemid=P4qi8_3q0yrG2LO4LIlSg&meetingid=UeuNH6QmKUOQwgVLohk56g1) **17. 2209013 - Áskorun frá Félagi atvinnurekanda, Húseigendafélaginu og Landsambandi eldirborgara** |Lagt fram til kynningar.| [Sameiginleg áskorun Félag atvinnurekanda, Húsfélginu og Landsambandi eldri.pdf]( displaydocument.aspx? itemid=jd4cGdRJfUatNZBHR9np9w1&meetingid=UeuNH6QmKUOQwgVLohk56g1) **18. 2208012 - Rammi að samkomulagi um samræmda móttöku flóttafólks** |Lagt fram til kynningar.| [Rammi að samkomulagi um samræmda móttöku flóttafólks.pdf]( displaydocument.aspx? itemid=AgrjGMXaREW_rRpTKoIw&meetingid=UeuNH6QmKUOQwgVLohk56g1) **19. 1901014 - Skýrsla frá sveitarstjóra.** |Til máls tók: Björn Bjarki.| Lagt fram til kynningar. [Skýrsla sveitarstjóra á fundi 226.pdf]( displaydocument.aspx? itemid=iLJf5e7gkOkimJQW2QXrw1&meetingid=UeuNH6QmKUOQwgVLohk56g1)