**1625. fundur bæjarráðs Grindavíkur haldinn í bæjarstjórnarsal, þriðjudaginn 18. október 2022 og hófst hann kl. 15:00.** **Fundinn sátu: **Hjálmar Hallgrímsson, formaður, Helga Dís Jakobsdóttir, varaformaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi. **Einnig sátu fundinn: **Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri. **Fundargerð ritaði:** Jón Þórisson, sviðsstjóri fjármála- og stjórnsýslusviðs. **Dagskrá:** **1. Húsnæðisaðstæður skólaþjónustu, félagsþjónustu og barnaverndar - 2204050** Sviðsstjóri félagsþjónustu- og fræðslusviðs og sviðsstjóri skipulags- og umhverfissviðs sátu fundinn undir þessum dagskrárlið. Lagðar fram teikningar vegna breytinga á aðstöðu félags- og skólaþjónustu. Jafnframt er lögð fram beiðni um viðauka vegna breytinganna. Óskað er eftir heimild til að nota fjárheimild verkefnisins "Víkurbraut 62, breytingar á 3. hæð" í að laga núverandi aðstöðu félags- og skólaþjónustu. Bæjarráð leggur til við bæjarstjórn að samþykkja viðaukabeiðnina. **2. Aðalskipulag Grindavíkur- endurskoðun - 2209041** Sviðsstjóri skipulags- og umhverfissviðs sat fundinn undir þessum dagskrárlið. Í samræmi við 35. gr. skipulagslaga nr. 123/2010 skal sveitarstjórn meta hvort ástæða sé til að endurskoða aðalskipulag sveitarfélagsins innan tólf mánaða frá sveitarstjórnarkosningum. Skipulagsnefnd hefur tekið erindið fyrir og sér ekki ástæðu til að fara í endurskoðun á aðalskipulagi Grindavíkurbæjar. Bæjarráð tekur undir bókun skipulagsnefndar og vísar afgreiðslu til bæjarstjórnar. **3. Ástand gervigrass í Hópinu - 2209112** Sviðsstjóri frístunda- og menningarsviðs sat fundinn undir þessum dagskrárlið. Lögð fram samantekt frá fundi með úttektaraðila vegna ástands gervigrass í Hópinu. Málinu er vísað í vinnu við fjárhagsáætlun 2023-2026. **4. Aðstaða og vélakostur Golfklúbbs Grindavíkur - 2209086** Sviðsstjóri frístunda- og menningarsviðs sat fundinn undir þessum dagskrárlið. Lögð fram styrkbeiðni frá Golfklúbbi Grindavíkur vegna tveggja véla. Áætlaður kostnaður á nýjum vélum (röffsláttuvél og grínsláttuvél) samkvæmt tilboði HÁ Verslunar sem var sent í byrjun ágúst eru 19.152.377 kr. Einnig lögð fram áskorun um að koma að æfingaaðstöðu og vélaaðstöðu fyrir golfklúbbinn inn í fjárhagsáætlun Grindavíkurbæjar. Málinu er vísað í vinnu við fjárhagsáætlun 2023-2026. **5. Undirskriftalisti vegna opnunartíma sundlaugar - 2210017** Sviðsstjóri frístunda- og menningarsviðs sat fundinn undir þessum dagskrárlið. Lagður fram undirskriftalisti með 168 undirskriftum þar sem lagt er til að sundlaugin verði opin til kl. 21:00 um helgar yfir vetrartímann í stað kl. 16:00. Frístunda- og menningarnefnd leggur til að íþróttamannvirkin verði opin til kl. 18:00 um helgar yfir vetrartímann. Bæjarráð vísar málinu í vinnu við fjárhagsáætlun 2023-2026. **6. Tillögur um nýtingu vindorku - 2208107** Lagður fram tölvupóstur frá umhverfis- og auðlindaráðuneytinu til aðilarsveitarfélaga samtaka orkusveitarfélaga, dags. 27. september sl., varðandi mögulegar áherslur aðildarsveitarfélaganna vegna fyrirkomulags vindorkunýtingar. Sveitarfélögum er gefinn kostur á að koma sjónarmiðum sínum á framfæri. **7. Kvennaathvarfið - styrkbeiðni - 2102161** Lögð fram styrkbeiðni Kvennaathvarfsins vegna ársins 2023 að fjárhæð 400.000 kr. Bæjarráð samþykkir 100.000 kr. styrk til Kvennaathvarfsins á árinu 2022 og óskar eftir reikningi vegna þessa. Jafnframt samþykkir bæjarráð að setja 100.000 kr. í styrk í fjárhagsáætlun 2023 til Kvennaathvarfsins. **8. Fjárhagsáætlun Grindavíkurhafnar 2023-2026 - 2209058** Hafnarstjórn samþykkir vísutöluhækkun á þjónustugjaldskrá Grindavíkurhafnar 2023 og vísar henni til staðfestingar hjá bæjarstjórn. Hafnarstjórn samþykkir tillögu hafnastjóra um ráðningu hafnarvarðar/hafnsögumanns. Bæjarráð vísar málinu í vinnu við fjárhagsáætlun 2023-2026. **9. Fjárhagsáætlun 2023-2026 - Grindavíkurbær og stofnanir - 2208066** Frumvarp til fjárhagsáætlunar fyrir Grindavíkurbæ og stofnanir 2023-2026 lagt fram. Bæjarráð samþykkir samhljóða að vísa fjárhagsáætluninni til fyrri umræðu í bæjarstjórn. Fleira ekki gert. Fundi slitið kl. 17:00 Bæjarráð / 19. október 2022 [Fundur 1625](/v/26039) Hafnarstjórn / 13. október 2022 [Fundur 485](/v/26034) Bæjarráð / 12. október 2022 [Fundur 1624](/v/26029) Bæjarráð / 11. október 2022 [Fundur 1623](/v/26028) Skipulagsnefnd / 11. október 2022 [Fundur 107](/v/26026) Skipulagsnefnd / 6. október 2022 [Fundur 106](/v/26022) Frístunda- og menningarnefnd / 5. október 2022 [Fundur 119](/v/26021) Bæjarstjórn / 3. október 2022 [Fundur 531](/v/26007) Fræðslunefnd / 3. október 2022 [Fundur 123](/v/26006) Bæjarráð / 3. október 2022 [Fundur 1622](/v/26005) Bæjarráð / 14. september 2022 [Fundur 1621](/v/25980) Hafnarstjórn / 13. september 2022 [Fundur 484](/v/25975) Fræðslunefnd / 13. september 2022 [Fundur 122](/v/25974) Frístunda- og menningarnefnd / 8. september 2022 [Fundur 118](/v/25963) Bæjarráð / 7. september 2022 [Fundur1620](/v/25962) Skipulagsnefnd / 6. september 2022 [Fundur 105](/v/25959) Fræðslunefnd / 5. september 2022 [Fundur 121](/v/25957) Bæjarstjórn / 31. ágúst 2022 [Fundur 530](/v/25951) Frístunda- og menningarnefnd / 29. ágúst 2022 [Fundur 117](/v/25948) Skipulagsnefnd / 29. ágúst 2022 [Fundur 104](/v/25946) Bæjarráð / 24. ágúst 2022 [Fundur 1619](/v/25943) Bæjarráð / 17. ágúst 2022 [Fundur 1618](/v/25935) Bæjarráð / 27. júlí 2022 [Fundur 1617](/v/25915) Skipulagsnefnd / 13. júlí 2022 [Fundur 103](/v/25905) Bæjarráð / 13. júlí 2022 [Fundur 1616](/v/25904)