= Fjölskylduráð = Dagskrá === 1.Trúnaðarmál === 202210118 Fyrir fjölskylduráði Norðurþings liggur umsókn um undanþágu frá reglum félagsþjónustu Norðurþings um sérstakan húsnæðisstuðning. Fært í trúnaðarmálabók. === 2.Marta Florczyk óskar eftir samstarfi við Norðurþing vegna listaverkefnis === 202210072 Marta Florczyk, listamaður Norðurþings 2022, óskar eftir samstarfi og stuðningi Norðurþings vegna listaverkefnis. Annars vegar óskar hún eftir því að fá fjárstuðning til að halda listasmiðjur á þremur tungumálum fyrir vinnuskólann, Miðjuna, Frístund, skammtímadvöl o.fl. Hins vegar óskar hún eftir því að fá að nota Kvíabekk undir þetta verkefni. Fjölskylduráð þakkar Mörtu fyrir erindið. Ráðið synjar beiðni um frekari fjárstuðning þar sem hún hefur þegar fengið úthlutaðan styrk sem listamaður Norðurþings 2022. Ráðið tekur jákvætt í hugmyndir Mörtu um samvinnu við stofnanir Norðurþings. Ráðið óskar eftir frekari útfærslu á beiðni um notkun á Kvíabekk og felur íþrótta- og tómstundafulltrúa að fylgja málinu eftir. Ráðið óskar eftir frekari útfærslu á beiðni um notkun á Kvíabekk og felur íþrótta- og tómstundafulltrúa að fylgja málinu eftir. === 3.Húsnæði fyrir frístund barna === 202111135 Fjölskylduráð hefur til umfjöllunar umsögn Íþróttafélagsins Völsungs um mögulega byggingu húsnæðis undir frístund við íþróttahöllina á Húsavík. Minnihluti tekur undir áhyggjur íþróttafélagsins Völsungs. Fulltrúar V,S og M lista leggja til eftirfarandi tillögu að gerð verði heildstæð stefna í íþrótta og tómstundamálum sveitarfélagsins. Að fengnir verði úttektaraðilar á þörfum á húsakostum frístundar sem notuð eru til þessa starfs og möguleikar til frekari uppbyggingar. Ingibjörg, Ingibjörg Hanna og Rebekka. Tillagan er felld með atkvæðum Birnu, Bylgju og Hönnu Jónu gegn atkvæðum Ingibjargar og Rebekku. Völsungi er þökkuð góð og ítarleg umsögn. Við hönnun húsnæðis fyrir frístundarstarf og félagsmiðstöð verður tekið tillit til athugasemda íþróttafélagsins Völsungs, enda eru mikil samlegðaráhrif íþrótta- æskulýðs- og tómstundarstarfs barna við íþróttafélagið. Í hönnunarferlinu verður haft samráð við alla hagsmunaaðila. Birna Ásgeirsdóttir Bylgja Steingrímsdóttir Hanna Jóna Stefánsdóttir Ingibjörg, Ingibjörg Hanna og Rebekka. Tillagan er felld með atkvæðum Birnu, Bylgju og Hönnu Jónu gegn atkvæðum Ingibjargar og Rebekku. Völsungi er þökkuð góð og ítarleg umsögn. Við hönnun húsnæðis fyrir frístundarstarf og félagsmiðstöð verður tekið tillit til athugasemda íþróttafélagsins Völsungs, enda eru mikil samlegðaráhrif íþrótta- æskulýðs- og tómstundarstarfs barna við íþróttafélagið. Í hönnunarferlinu verður haft samráð við alla hagsmunaaðila. Birna Ásgeirsdóttir Bylgja Steingrímsdóttir Hanna Jóna Stefánsdóttir Fundi slitið - kl. 10:20. Kjartan Páll Þórarinsson íþrótta- og tómstundafulltrúi sat fundinn undir lið 2-3. Sigrún Björg Aðalgeirsdóttir fjölmenningarfulltrúi sat fundinn undir lið 2. Ingibjörg Hanna Sigurðardóttir sat fundinn í fjarfundi.