Magnús Magnússon formaður setti fund. **Afgreiðslur:** - ** ** **Fjárhagsáætlun 2023 ásamt 3ja ára áætlun fyrir árin 2024-2026. **Farið yfir stöðu vinnu við gerð fjárhagsáætlunar ársins 2023 ásamt 3ja ára áætlun. - ** ** **Viðauki við fjárhagsáætlun ársins 2022 nr. 5. **Framkvæmdaráð leggur fram eftirfarandi tillögu að viðauka nr. 5 við fjárhagsáætlun ársins 2022 að upphæð kr. 45.493.000: **0010 – Jöfnunarsjóður sveitarfélaga** Hærri framlög ársins 2022 kr. -12.000.000 **0218 – Húsaleigubætur** Greiðsla húsaleigubóta kr. 750.000 **0244 – Dagvist aldraðra ** Laun og launatengd gjöld kr. - 1.797.000 Aðkeypt þjónusta kr. 3.950.000 **04211 – Grunnskólinn** Aðrar tekjur kr. -1.500.000 Minniháttar tæki kr. 1.150.000 Skólaakstur kr. 7.000.000 Aðkeypt þjónusta kr. -1.000.000 **0430 – Skólabúðirnar Reykjum** Þátttaka í sameiginlegum kostnaði kr. 3.600.000 **0721 Slökkvilið** Laun og launatengd gjöld kr. 14.300.000 **8110 – Skólabúðirnar að Reykjum ** Húsaleiga kr. -3.500.000 Aðrar tekjur kr. -3.600.000 Viðhald kr. 33.400.000 Önnur aðkeypt þjónusta kr. 2.500.000 **2140 – Skrifstofa ** Laun og launatengd gjöld kr. 12.600.000 **2190 – Ófyrirséð** Ófyrirséð kr. -10.360.000 *Aukinni neikvæðri rekstrarafkomu verður mætt með lækkun handbærs fjár. * ** ** **Greinargerð:** Nýjar áætlanir Jöfnunarsjóðs gera ráð fyrir hærri framlögum en í upphaflegri fjárhagsáætlun. Aukinn kostnaður vegna húsaleigubóta er tilkominn vegna aukins fjölda styrkþega haustið 2022. Breyttu fyrirkomulagi á akstri í dagvistun aldraðra fylgir kostnaðarauki. Skólaakstur verður dýrari en fjárhagsáætlun gerði ráð fyrir, m.a. vegna hækkunar á verðbólgu og leiðréttingu á akstursleiðum. Vegna bilunar á tæki verður að hækka framlag til tækjakaupa grunnskólans, en á móti er hægt að hækka aðrar tekjur sem og lækka aðkeypta þjónustu. Nýir kjarasamningar Landssambands slökkviliðs- og sjúkraflutningamanna leiddu til töluvert meiri hækkunar á launum en ráð var fyrir gert í fjárhagsáætlun ársins 2022. Á árinu var nauðsynlegt að ráðast í umfangsmikið viðhald á Reykjaeignum og kaup á annarri aðkeyptri þjónustu. Nýjum húsaleigusamningi fylgja auknar tekjur. Aukinn launakostnaður skrifstofu er m.a. vegna biðlaunaréttar fráfarandi sveitarstjóra. Samhliða viðauka nr. 5 lækkar liðurinn 2190 – ófyrirséð um kr. 10.360.000. Viðaukinn mun leiða til aukningar á neikvæðri rekstrarafkomu um kr. 45.493.000. Aukið byggðarráð samþykkir tillöguna samhljóða og vísar viðaukanum til afgreiðslu sveitarstjórnar. ** ** Fundargerð upplesin og samþykkt. Fundi slitið kl. 10:40.