= Bæjarráð = Dagskrá Sandra Sigurðardóttir, formaður, setti fund og stjórnaði. Leitaði hún eftir athugasemdum við fundarboð en engar komu fram. === 1.Bréf frá Innviðaráðuneytinu frá 9. nóvember 2022 === 2211046 Í bréfinu býður Innviðaráðuneytið kjörnum fulltrúum og starfsfólki sveitarfélaga til fræðslufundar um hinsegin málefni. Samtökin ´78 sjá um fræðsluna en markmiðið er auka þekkingu sveitarstjórnarfólks á réttindum og félagslegri stöðu hinsegin fólks. Verkefnið er liður í aðgerðaáætlun í málefnum hinsegin fólks fyrir árin 2022-2025. Lagt fram til kynningar. === 2.Bréf frá Innviðaráðuneytinu frá 7. nóvember 2022 === 2211047 Í bréfinu vekur Innviðaráðuneytið athygli á því í að áform um lagabreytingar um Jöfnunarsjóð sveitarfélaga hafa verið birt til umsagnar í samráðsgátt stjórnvalda. Bæjarráð tekur undir umsögn sambands Íslenskra sveitarfélaga sem komin er í samráðsgáttina. === 3.Bréf frá Sambandi íslenskra sveitarfélaga frá 26. október 2022 === 2211054 Í bréfinu óskar Samband íslenskra sveitarfélaga eftir að sveitarfélagið verði áfram með í sameiginlegri þróun starfrænni umbreytingu árið 2023. Bæjarráð leggur til við bæjarstjórn að Hveragerðisbær verði áfram þátttakandi í stafrænu ráði sveitarfélaga. === 4.Bréf frá Sambandi íslenskra sveitarfélaga frá 7. nóvember 2022 === 2211037 Í bréfinu segir frá Evrópsku nýtnivikunni sem haldin verður 19.- 27. nóvember nk. þar sem markmið vikunnar er að hvetja til aukinnar nýtni og draga úr myndun úrgangs. Lagt fram til kynningar. Bæjarráð hvetur bæjarbúa til að taka þátt í verkefninu. === 5.Bréf frá Umhverfisstofnun frá 1. nóvember 2022 === 2211029 Í bréfinu óskar Umhverfisstofnun eftir að sveitarfélög tilnefni fulltrúa sinn, og annan til vara, sem og fulltrúa náttúruverndar- eða umhverfisnefndar sveitarfélags ef slík nefnd starfar á svæðinu, í vatnasvæðanefnd með tilvísan í 6. gr. reglugerðar nr. 935/2011 um stjórn vatnamála. Lagt er til að formaður Umhverfisnefndar verði fulltrúi Hveragerðisbæjar og varaformaður nefndarinnar til vara til móts við fulltrúa Ölfus. === 6.Bréf frá Stígamótum frá 31. október 2022 === 2211009 Í bréfinu óska Stígamót eftir fjárstuðningi frá Hveragerðisbæ vegna ársins 2023. Bæjarráð samþykkir að styrkja Stígamót um kr. 120.000.- líkt og undanfarin ár. === 7.Bréf frá foreldrafélagi leikskólanna í Hveragerði ódagsett. === 2211040 Í bréfinu óskar foreldrafélag leikskólanna í Hveragerði eftir auka styrk fyrir árið 2023 til að halda sumarhátíð næsta sumar. Bæjarráð samþykkir að styrkur til foreldrafélags leikskólanna árið 2023 verði aukinn úr 400.000.- í 500.000.- === 8.Umsókn um skólavist utan lögheimilissveitarfélags === 2211038 Óskað er eftir að nemandi með lögheimili í Hveragerði fái að stunda nám í skóla utan Hveragerðis skólaárin 2022-2025 Bæjarráð samþykkir umsóknina fyrir skólaárið 2022-2023. === 9.Leikskólinn Óskaland - lóðaframkvæmdir - verkfundargerð frá 4. nóvember 2022 === 2211035 Fundargerðin samþykkt samhljóða. === 10.Verkfundargerð - Hólmabrún frá 8. nóvember 2022 === 2211036 Fundargerðin samþykkt samhljóða. === 11.Fundargerð NOS frá 24. október 2022 === 2211041 Fundargerðin lögð fram til kynningar. === 12.Fundargerð Heilbrigðisnefndar Suðurlands 11. nóvember 2022 === 2211042 Fundargerðin lögð fram til kynningar. === 13.Ársskýrsla Héraðsskjalasafns Árnesinga 2021 og minnisblað um rafræna langtímavarðveislu === 2211053 Ársskýrsla og minnisblað lagt fram til kynningar. Fundargerð upplesin og samþykkt. Fundi slitið - kl. 08:38. Getum við bætt efni síðunnar?