= Landbúnaðarnefnd = Dagskrá Samþykkt var samhljóða í upphafi fundar að taka mál númer 2206176 á dagskrá með afbrigðum. === 1.Fjárhagsáætlun 2023 - málefni landbúnaðarnefndar === 2210099 Lögð fram fjárhagsáætlun vegna landbúnaðarmála í málaflokki 13, atvinnumál. Gert er ráð fyrir mikilli aukningu á framlögum til viðhalds girðinga. Aðrir liðir breytast eftir forsendum rammaáætlunar. Gert er ráð fyrir að fjárframlög til landbúnaðarmála verði 27.105 þús.kr. á árinu 2023. Einnig var farið yfir áætluð framlög vegna minka- og refaeyðingar á árinu 2023. Málaflokkurinn tilheyrir umhverfis- og samgöngunefnd en landbúnaðarnefndin hefur haft umsjón með verkefninu. Áætlun vegna minka- og refaeyðingar hljóðar upp á 8.285 þús.kr. Landbúnaðarnefnd samþykkir framlagða fjárhagsáætlun 2023 og vísar henni til síðari umræðu í byggðarráði og sveitarstjórn. Landbúnaðarnefnd samþykkir framlagða fjárhagsáætlun 2023 og vísar henni til síðari umræðu í byggðarráði og sveitarstjórn. === 2.Samþykkt um búfjárhald === 2210256 Lögð fram drög að breytingum á samþykkt um búfjárhald í þéttbýli í Skagafirði. Drögin rædd og samþykkt að taka þau fyrir á næsta fundi landbúnaðarnefndar. === 3.Athugasemd um verðskrá landleigu === 2211133 Lagður fram tölvupóstur dagsettur 10. nóvember 2022 frá Kára Gunnarssyni umhverfis- og landbúnaðarfulltrúa sveitarfélagsins varðandi óánægju leigutaka beitar- og ræktunarlanda í og við Hofsós með gjaldskrá leigunnar. Landbúnaðarnefnd vísar til þess að landleiga er ákveðin af byggðarráði sveitarfélagsins á hverju ári og staðfest af sveitarstjórn. Nefndin telur að gjaldskráin sé hófleg miðað við það verð sem er á almennum markaði í héraðinu. Landbúnaðarnefnd vísar til þess að landleiga er ákveðin af byggðarráði sveitarfélagsins á hverju ári og staðfest af sveitarstjórn. Nefndin telur að gjaldskráin sé hófleg miðað við það verð sem er á almennum markaði í héraðinu. === 4.Breyting á leigusamningi Hrauns === 2211135 Erling Sigurðsson fyrir hönd Sóltúns ehf. leigutaka Hrauns í Unadal óskar eftir breytingu á leigusamningi frá 17. janúar 2017, varðandi hámark fjölda hrossa sem hafa má á jörðinni. Landbúnaðarnefnd setur sig ekki upp á móti því að gerð verði breyting á ofangreindum samningi varðandi hámark hrossa og vísar erindinu til byggðarráðs til afgreiðslu. Landbúnaðarnefnd setur sig ekki upp á móti því að gerð verði breyting á ofangreindum samningi varðandi hámark hrossa og vísar erindinu til byggðarráðs til afgreiðslu. === 5.Kjör fulltrúa í fjallskilanefnd Hrollleifsdals === 2206176 Kjör fjallskilanefndar Hrolleifsdals, þrír aðalmenn og einn varamaður. Svohljóðandi tillaga lögð fram: Gestur Stefánsson, Arnarstöðum, fjallskilastjóri. Óskar Hjaltason, Glæsibæ og Sigurlaug Eymundsdóttir, Tjörnum, sem aðalmenn. Til vara: Kristján B. Jónsson, Róðhóli. Aðrar tillögur komu ekki fram og skoðast þau því réttkjörin. Svohljóðandi tillaga lögð fram: Gestur Stefánsson, Arnarstöðum, fjallskilastjóri. Óskar Hjaltason, Glæsibæ og Sigurlaug Eymundsdóttir, Tjörnum, sem aðalmenn. Til vara: Kristján B. Jónsson, Róðhóli. Aðrar tillögur komu ekki fram og skoðast þau því réttkjörin. === 6.Afréttargirðingar í Skarðs- og Staðarhreppi === 2208196 Kári Gunnarsson umhverfis- og landbúnaðarfulltrúi sveitarfélagsins kynnti þær framkvæmdir við afréttargirðingar í Skarðs- og Staðarhreppi sem sveitarfélagið þarf að taka þátt í á árinu 2023. === 7.Skil á refa- og minkaskýrslum === 2209334 Kári Gunnarsson umhverfis- og landbúnaðarfulltrúi sveitarfélagsins kynnti samantekt á unnum ref og minkum tímabilið september 2021-ágúst 2022. Samtals voru veiddir 331 refir og 203 minkar og námu greiðslur samtals 7.769.033 kr. === 8.Árhólarétt viðgerðir === 2107081 Lagðar fram til kynningar upplýsingar um kostnað við endurgerð Árhólaréttar. Kostnaðurinn nam 17,6 milljónum króna. === 9.Heiðarlandsvegur lagfæringar === 2210168 Kári Gunnarsson umhverfis- og landbúnaðarfulltrúi sveitarfélagsins kynnti erindi sem hann hafði sent til Vegagerðarinnar varðandi þörf á skurði og ræsi vegna vegarins að Heiðarlandi í Akrahreppi og malarnámum Vegagerðarinnar. Vegurinn fór í sundur í vatnavöxtunum í sumar og hefur skemmst reglulega áður við svipuð skilyrði. === 10.Kortagerð afréttarlanda === 2203162 Kári Gunnarsson umhverfis- og landbúnaðarfulltrúi kynnti hugmynd sína um að sækja um styrki til þess að láta gera nákvæmt örnefnakort af Hofsafrétt, líkt og gert var yfir Eyvindarstaðaheiði. === 11.Fjallskilasjóður Skefilsstaðahrepps -ársreikningur 2021 === 2210261 Lagður fram til kynningar ársreikningur Fjallskilasjóðs Skefilsstaðahrepps fyrir árið 2021. === 12.Fjallskilasjóður Austur-Fljóta, ársreikningur 2021 === 2211143 Lagður fram til kynningar ársreikningur Fjallskilasjóðs Austur-Fljóta fyrir árið 2021. Fundi slitið - kl. 11:04.