[Íbúar](/is/ibuar) [Börn og ungmenni](/is/ibuar/daggaesla-og-skolar) [Dagforeldrar](/is/ibuar/daggaesla-og-skolar/dagforeldrar) [Frístundir](/is/ibuar/daggaesla-og-skolar/fristundir) [Grunnskólar](/is/ibuar/daggaesla-og-skolar/grunnskolar-kopavogs) [Gæsluvellir](/is/ibuar/daggaesla-og-skolar/gaesluvellir) [Leikskólar](/is/ibuar/daggaesla-og-skolar/leikskolar) [Sumarnámskeið í Kópavogi](/is/ibuar/daggaesla-og-skolar/sumarnamskeid-i-kopavogi) [Stuðningur í leik- og grunnskólum](/is/ibuar/daggaesla-og-skolar/serfraedithjonusta-leik-og-grunnskola) [Tónlistarskólar](/is/ibuar/daggaesla-og-skolar/tonlistarskolar) [Vinnuskóli](/is/ibuar/daggaesla-og-skolar/vinnuskoli) [Íþróttir & útivist](/is/ibuar/ithrottir-utivist) [Velferð](/is/ibuar/velferd) [Eldri borgarar](/is/ibuar/velferd/aldradir) [Félagsleg úrræði](/is/ibuar/velferd/felagslegur-studningur) [Fólk með fötlun](/is/ibuar/velferd/fatlad-folk) [Börn og fjölskyldur](/is/ibuar/velferd/born-og-fjolskyldur) [Þjónusta](/is/ibuar/thonusta) [Skipulagsmál](/is/ibuar/skipulagsmal) [Byggingarmál](/is/ibuar/byggingarmal) [Samgöngur](/is/ibuar/samgongur) [Umhverfi](/is/ibuar/umhverfi) [Menning](/is/ibuar/menning) [Íbúaverkefni](/is/ibuar/ibuaverkefni) [Stjórnsýsla](/is/stjornsysla) [Bæjarstjórn](/is/stjornsysla/baejarstjorn) [Nefndir og ráð](/is/stjornsysla/rad-og-nefndir) [Fundargerðir](/is/stjornsysla/fundargerdir) [Stefnur, samþykktir og erindisbréf](/is/stjornsysla/stefnur-samthykktir-og-erindisbref) [Lög og reglugerðir](/is/stjornsysla/log-og-reglugerdir-1) [Útgáfa og tölfræði](/is/stjornsysla/utgafa-og-tolfraedi) [Stjórnkerfið](/is/stjornsysla/stjornkerfid) [Fyrir fjölmiðla](/is/stjornsysla/fyrir-fjolmidla) [Fyrir starfsmenn](/is/stjornsysla/fyrir-starfsmenn) [Mannlíf](/is/mannlif) [þjónustugátt](https://thjonustugatt.kopavogur.is/login.aspx?ReturnUrl=%2f) [Ábendingar](/is/abendingar-form) Fundarhlé hófst kl. 18:11, fundi fram haldið kl. 18:31 Tillaga að álagningu gjalda fyrir 2023: I. Lagt er til að útsvar fyrir árið 2023 verði óbreytt, 14,48% Bæjarstjórn samþykkir tillöguna með 8 atkvæðum og hjásetu Helgu Jónsdóttur, Kolbeins Reginssonar og Bergljótar Kristinsdóttur. II. Lagt er til að fasteignagjöld fyrir árið 2023 verði álögð sem hér segir: a) Fasteignaskattur 1. Íbúðarhúsnæði lækki úr 0,20% í 0,17 % af fasteignamati. Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Indriða I. Stefánssonar, Helgu Jónsdóttur, Kolbeins Reginssonar og Bergljótar Kristinsdóttur. 2. Atvinnuhúsnæði lækki úr 1,44% í 1,42% af fasteignamati. Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Indriða I. Stefánssonar, Helgu Jónsdóttur, Kolbeins Reginssonar og Bergljótar Kristinsdóttur. 3. Opinbert húsnæði óbreytt, 1,320% af fasteignamati (sbr. b-lið 3. mgr. 3. gr. laga nr. 4/1995). Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Indriða I. Stefánssonar, Helgu Jónsdóttur, Kolbeins Reginssonar og Bergljótar Kristinsdóttur. 4. Hesthús lækki úr 0,20 í 0,17% af fasteignamati. Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Indriða I. Stefánssonar, Helgu Jónsdóttur, Kolbeins Reginssonar og Bergljótar Kristinsdóttur. 5. Sumarhús lækki úr 0,20 í 0,17% af fasteignamati. Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Indriða I. Stefánssonar, Helgu Jónsdóttur, Kolbeins Reginssonar og Bergljótar Kristinsdóttur. b) Vatnsskattur og holræsagjald 1. Vatnsskattur verði lækki úr 0,064% í 0,060% af heildarfasteignamati. Aukavatnsgjald skv. mæli verði kr. 50,00 (var 45,66) fyrir hvern m3 vatns. (hækkar um 9,50%) Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Indriða I. Stefánssonar, Helgu Jónsdóttur, Kolbeins Reginssonar og Bergljótar Kristinsdóttur. 2. Fráveitugjald, sbr. reglugerð um fráveitugjald í Kópavogsbæ nr. 729/2001, lækki úr 0,075% af fasteignamati og verði 0,065%, sbr. lög um skráningu og mat fasteigna nr. 94/1976 með síðari breytingum. Sé ekkert mannvirki á lóð greiðist ekki holræsagjald. Ekki skal reikna fráveitugjald af húsi það ár sem bygging þess hefst. Rotþróargjald fyrir íbúðarhúsnæði að Vatnsenda verði kr. 32.280 (var 29.280) og innheimtist með fasteignagjöldum. (hækkar um 9,5%) Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Indriða I. Stefánssonar, Helgu Jónsdóttur, Kolbeins Reginssonar og Bergljótar Kristinsdóttur. c) Lóðarleiga: 1. Fyrir lóðir íbúðar-, sumar- og hesthúsa verði óbreytt 21,43 kr/m². Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Indriða I. Stefánssonar, Helgu Jónsdóttur, Kolbeins Reginssonar og Bergljótar Kristinsdóttur. 2. Lóðir Lækjarbotnum verði óbreytt 21,43 kr/m². Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Indriða I. Stefánssonar, Helgu Jónsdóttur, Kolbeins Reginssonar og Bergljótar Kristinsdóttur. 3. Fyrir lóðir annarra húsa óbreytt 180,00 kr/m². Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Indriða I. Stefánssonar, Helgu Jónsdóttur, Kolbeins Reginssonar og Bergljótar Kristinsdóttur. Gjalddagar fasteignagjalda 2023 verði átta, þann 1. febrúar, 1. mars, 1. apríl, 1. maí, 1. júní, 1. júlí, 1. ágúst og 1. september og greiðist áttundi hluti gjaldsins hverju sinni. Eindagi verði í lok hvers mánaðar. Bæjarstjórn samþykkir tillöguna með 11 atkvæðum Gjaldendur er greiða lægri fasteignagjöld en 40.000 kr. greiði þau í einu lagi á gjalddaga 01.03. 2023. Bæjarstjórn samþykkir tillöguna með 11 atkvæðum Gjaldendur er greiða fasteignagjöld að fullu fyrir lokun þann 17.02. 2023 fá 3% staðgreiðsluafslátt Bæjarstjórn samþykkir tillöguna með 11 atkvæðum d) Elli- og örorkulífeyrisþegar er njóta lækkunar fasteignaskatts skulu fá staðgreiðsluafslátt samkvæmt sömu reglum og aðrir gjaldendur af þeim hluta er þeim ber að greiða. Veittur verður afsláttur af fasteignaskatti til þeirra elli- og örorkulífeyrisþega, sem búa í eigin íbúð. Miðast afslátturinn við eftirfarandi tekjumörk í framtali ársins 2022: 100% lækkun: Einstaklingar með heildarárstekjur allt að 6.213.700 krónur (var 5.862 þ). Hjón með heildarárstekjur allt að 7.939.400 krónur (var 7.490 þ). 75% lækkun: Einstaklingar með heildarárstekjur á bilinu frá 6.213.701 - 6.316.500 krónur (var 5.959 þ). Hjón með heildarárstekjur á bilinu 7.939.401 - 8.353.900 krónur (var 7.881 þ). 50% lækkun: Einstaklingar með heildarárstekjur á bilinu 6.316.501 - 6.420.400 krónur (var 6.057 þ). Hjón með heildarárstekjur á bilinu 8.353.901 - 8.767.300 krónur (var 8.271 þ). 25% lækkun: Einstaklingar með heildarárstekjur á bilinu 6.420.401 - 6.520.000 krónur (var 6.118 þ). Hjón með heildarárstekjur á bilinu 8.767.301 - 9.180.700 krónur (var 8.661 þ). Bæjarstjórn samþykkir tillöguna með 11 atkvæðum e) Veittur verður styrkur til greiðslu fasteignaskatts af fasteignum þar sem fram fer starfsemi sem ekki er rekin í ágóðaskyni, svo sem menningar-, íþrótta-, æskulýðs- og tómstundastarfsemi og mannúðarstörf, sbr. sérstakar reglur bæjarstjórnar þar um. Bæjarstjórn samþykkir tillöguna með 11 atkvæðum III. Bæjarstjórn Kópavogs samþykkir á grundvelli laga nr. 7/1998 um hollustuhætti og mengunarvarnir, að leggja sérstakt sorphirðu- og eyðingargjald á hverja íbúð í Kópavogi á árinu 2023. Gjaldið hækkar og verður kr. 48.400 á íbúð (var 47.400). Ennfremur verði heimilt að leggja á aukatunnugjald. Innheimta skal gjaldið með fasteignagjöldum og eru gjalddagar þeir sömu. Bæjarstjórn samþykkir tillöguna með 8 atkvæðum og hjásetu Theódóru S. Þorsteinsdóttur, Indriða I. Stefánssonar og Bergljótar Kristinsdóttur. Forseti bar undir fundinn fjárhagsáætlun fyrir árið 2023: Bæjarstjórn samþykkir fjárhagsáætlun fyrir árið 2023 með 6 atkvæðum og hjásetu Theódóru S. Þorsteinsdóttur, Indriða I. Stefánssonar, Helgu Jónsdóttur, Kolbeins Reginssonar og Bergljótar Kristinsdóttur. Bókun: "Áætlun ársins 2023 endurspeglar ábyrgan rekstur og rétta forgangsröðun. Álögur lækka og gjöldum er stillt í hóf. Grunnþjónusta við bæjarbúa verður efld og forgangsröðun fjármuna varið í skóla- og velferðamál. Þá mun Kópavogur sem næst stærsta sveitarfélag landsins leggja sitt af mörkum við að ná verðbólgu niður og liðka fyrir gerð kjarasamninga. Almennt munu gjaldskrár ekki fylgja kostnaðarhækkunum eftir að öllu leyti, heldur hækka minna. Nauðsynlegt er að ráðast í hagræðingar en grunnþjónusta verður undanskilin þeim aðgerðum. Umfangsmiklar fjárfestingar eru á vegum bæjarins á næsta ári, framkvæmdir er snúa að skólum, leikskólum, íþróttamannvirkjum svo dæmi séu tekin. Einnig verður fjármunum varið í markvisst viðhald fasteigna og loftgæði verða bætt í stofnunum bæjarins. Að lokum þá vill meirihlutinn þakka starfsfólki bæjarins fyrir góða vinnu við gerð fjárhagsáætlunar. Við stöndum stolt á bakvið áætlun ársins 2023 og hlökkum til að vinna áfram að því efla bæjarfélagið enn frekar." Ásdís Kristjánsdóttir Orri Hlöðversson Sigrún Hulda Jónsdóttir Hjördís Ýr Johnson Andri Steinn Hilmarsson Hannes Steindórsson Bókun: "Bæjarstjórn Kópavogs hefur þó nokkur undanfarin ár unnið að þverpólitískri, sameiginlegri og stefnumarkandi fjárhagsáætlun þar sem aðgerðaráætlanir eru lagðar til grundvallar. Með því sammæli allra kjörinna fulltrúa og starfsmanna, hefur verið tryggður faglegur og skilvirkur rekstur sveitarfélagsins. Slík vinnubrögð gera það að verkum að hægt er að fylgja langtímastefnu sem byggir á skýrum markmiðum þar sem unnt er að mæla árangur. Búið er að móta nýja heildarstefnu fyrir öll svið og stofna nýtt fjármálasvið sem gefur skýrari og öruggari upplýsingar til að taka faglegar ákvarðanir. Á síðasta ári hafði stefnan einnig verið sett á að bæta vinnubrögð við opinber innkaup eftir að Kópavogsbær fékk ekki bara afleita einkunn í útttekt heldur í raun falleinkunn. Nýr meirihluti Sjálfstæðisflokks og Framsóknar er hér að stíga skref aftur á bak í vinnubrögðum við gerð þessarar áætlunar. Það eru mér mikil vonbrigði því sveitarfélagið hefði svo sannarlega þörf á áframhaldandi framþróun. Gamla skammtíma- og óskilvirka loforðapólitíkin ræður nú aftur ríkjum í Kópavogi. Undirrituð vill ekki þátt í þeirri þróun og lýsir yfir vonbrigðum með fjárhagsáætlun sem hér er til afgreiðslu, bæði að formi og innihaldi, og sit því hjá við afgreiðsluna." Theódóra S. Þorsteinsdóttir Bókun: "Píratar í Kópavogi harma afturför í vinnubrögðum við gerð fjárhagsáætlunar Kópavogsbæjar, sem nú í ár er ekki unninn í samvinnu allra flokka, ólíkt því sem verið hefur undanfarin sjö ár. Nýjar aðgerðir í aðgerðaáætlunum næsta árs eru ekki rökstuddar með vísan í mat á árangri áætlana síðasta árs, líkt og lagt var upp með í þverpólitískri sátt með stefnumiðaðri vinnu. Þess í stað var málefnasamningur meirihlutaflokkanna nú lagður til grundvallar, áður en minnihlutaflokkarnir fengu svo mikið sem sæti við borðið. Með þessum hætti útilokuðu fulltrúar meirihluta hina flokkana frá því að hafa raunverulega aðkomu að vinnunni. Fyrir utan það að samvinna þvert á flokka er bæði lýðræðislegri og líklegri til þess að skila betri og sanngjarnarni útkomu sem meiri sátt ríkir um, er það fyrst og fremst sorglegt að sjá fjara undan gagnadrifinni ákvarðanatöku. Þeirri hugsun að taka upplýstar ákvarðanir byggðar á rökum og horfa til lengri tíma en fjögurra ára í senn." Indriði I. Stefánsson