= Íþrótta- og tómstundanefnd = Dagskrá === 1.Verkefnalisti íþrótta- og tómstundanefndar - 2014030027 === Verkefnalisti íþrótta- og tómstundanefndar lagður fram. Lagt fram til kynningar. === 2.Framtíðarskipulag Torfnes - Starfshópur - 2020090001 === Mál lagt fyrir að beiðni Þráins Á. Arnaldssonar, nefndarmanns í íþrótta- og tómstundanefnd, þar sem óskað er eftir upplýsingum um stöðu vinnunnar við framtíðarskipulag Torfnessvæðisins. Lagt fram erindisbréf starfshópsins ásamt minnisblaði Hafdísar Gunnarsdóttur, sviðsstjóra skóla- og tómstundasviðs. Íþrótta- og tómstundanefnd leggur til við bæjarstjórn að nýr starfhópur um framtíðarskipulag Torfness verði skipaður og klári þá vinnu sem hafin er. === 3.Íþróttahús Torfnesi 2022 - 2022020074 === Mál lagt fram að beiðni Þráins Á. Arnaldssonar, nefndarmanni í íþrótta- og tómstundanefnd, þar sem óskað er eftir að íþróttahúsið á Torfnesi verði nútímavætt. Meðfylgjandi er greinargerð frá umræddum nefndarmanni. Starfsmanni íþrótta- og tómstundanefndar falið að gera tillögu að forgangsröðun verkefna, út frá fjárhagsáætlun íþróttahússins á Torfnesi 2023, og leggja fyrir næsta fund. Sigurður J. Hreinsson og Hafdís Gunnarsdóttir véku af fundi undir þessum lið. === 4.íþróttamaður Ísafjarðarbæjar 2022 - 2022120027 === Val á íþróttamanni Ísafjarðarbæjar 2022, efnilegasta íþróttamanni Ísafjarðarbæjar 2022 ásamt hvatningarverðlaunum. Lagðar fram tilnefningar aðildarfélaga HSV. Nefndin tók einróma ákvörðun um valið og verður sú ákvörðun kynnt í hófi sem haldið verður þann 8. janúar 2023 kl.15:00 í Stjórnsýsluhúsinu á Ísafirði. Fundi slitið - kl. 09:45. Er hægt að bæta efnið á síðunni?