**1. 1808078 - Stefnumörkun í fræðslu- og frístundamálum í Fjarðabyggð** |Fræðslunefnd og íþrótta- og tómstundanefnd Fjarðabyggðar ákváðu að funda sameiginlega um fyrirliggjandi drög að áherslum í fræðslu- og frístundamálum Fjarðabyggðar fyrir árin 2023-2025. Drögin eru unnin af starfshópi sem skipaður var til verksins, en í honum sitja þrír fulltrúar fræðslunefndar og þrír fulltrúar íþrótta- og tómstundanefndar ásamt þremur starfsmönnum nefndanna. Að baki draga að áherslum liggur hugmyndavinna sem unnin var af starfsfólki fræðslu- og frístundastofnana í Fjarðabyggð, Fjarðaforeldrum, fulltrúum íþróttafélaga í Fjarðabyggð, fulltrúm eldriborgara og ungmennaráði. Drögin voru lögð fram til kynningar og rædd. Ákveðið að hafa opinn fund 9. janúar á Fáskrúðsfirði þar sem áherslur yrðu kynntar og hægt að gera athugasemdir og halda í kjölfarið sameiginlegan fund hjá nefndunum 11. janúar.| **2. 2211066 - Rekstrarkostnaður grunnskóla sveitarfélaga árið 2021** |Lagt fram til kynningar rekstrarupplýsingar grunnskóla fyrir árið 2021.| **3. 2210162 - Starfsáætlanir og skólanámskrár 2022-2023** |Skólastjóri Grunnskóla Reyðarfjarðar kynnti starfsáætlun og skólanámskrá skólans fyrir skólaárið 2022-2023 og svaraði spurningum nefndarfólks. Fræðslunefnd samþykkir fyrirliggjandi starfsáætlun og skólanámskrá og þakkar skólastjóra fyrir greinargóð svör og upplýsandi kynningu.| **4. 2212085 - Fundaáætlun fræðslunefndar vorið 2023** |Fyrir liggja drög að fundaáætlun fræðslunefndar fyrir fyrstu 6 mánuði ársins 2023. Fræðslunefnd samþykkir fundaáætlunina.|