= Landbúnaðarnefnd = Dagskrá === 1.Samþykkt um búfjárhald === 2210256 Málið áður á 5. fundi landbúnaðarnefndar þann 17. nóvember 2022. Lögð fram drög að breytingum á samþykkt um búfjárhald í þéttbýli í Skagafirði. Málið rætt, áfram í skoðun. === 2.Úthlutun til fjallskilanefnda 2023 === 2211228 Lagðar fram áætlanir fjallskilasjóða fyrir árið 2023. Landbúnaðarnefnd hefur til ráðstöfunar á fjárhagsáætlun 2023 fyrir deild 13210, samtals 8 mkr. til að veita í framlög til fjallskilasjóðanna. Nefndin mun kalla eftir frekari upplýsingum hjá fjallskilanefndum. === 3.Eftirleitir á Staðarafrétt === 2212180 Tekið fyrir erindi frá fjallskilanefnd Staðarhrepps um greiðslu vegna vinnu við eftirleitir í Staðarfjöllum. Nefndin samþykkir að greiða innsendan reikning. === 4.Umsókn um búfjárleyfi === 2212069 Lögð fram umsókn frá Efemíu G. Björnsdóttur, Freyjugötu 3, Sauðárkróki um leyfi til að halda 10 hænur við heimili hennar. Nefndin samþykkir umsókn um búfjárleyfi. === 5.Skálárrétt === 2211352 Lagður fram tölvupóstur dagsettur 30. nóvember 2022 frá Magnúsi Péturssyni landeiganda Skálár til fjallskilastjóra fjallskiladeildar Hrolleifsdals. Varðar erindið hvort rífa eigi réttina eða endurbyggja að hluta. Í núverandi fjallskilareglugerð Skagafjarðar er Skálárrétt skilgreind sem skilarétt. Nefndin óskar eftir viðræðum við landeiganda Skálár og fjallskiladeild Hrollleifsdals. === 6.Sullaveiki í sauðfé === 2212138 Ormahreinsun sveitahunda rædd. Nefndin áréttar mikilvægi ormahreinsunar einu sinni á ári. === 7.Fjallskilasamþykkt Skagafjarðar === 2208249 Málið áður á dagskrá 4. fundar landbúnaðarnefndar þann 17. október 2022. Fjallskilasamþykktin rædd. === 8.Viðgerð Deildardalsréttar hinnar fornu === 2211271 Lagður fram til kynningar tölvupóstur frá Kára Gunnarssyni umhverfis- og landbúnaðarfulltrúa varðandi styrkumsókn til Minjastofnunar fyrir hönd Fjallskilasjóðs Deildardals vegna viðgerðar á grjóthlaðinni rétt við Tungufjallssporðinn. === 9.Styrkvegasjóðsverk 2022, Kolbeinsdalsvegur === 2210263 Lagðar fram til kynningar upplýsingar um kostnað við lagfæringu á afréttarvegi að Kolbeinsdalsafrétt. Styrkur að fjárhæð 1,8 mkr.fékkst úr styrkvegasjóði Vegagerðarinnar til verksins. === 10.Styrkvegasjóðsverk 2022, Unadalsvegur === 2210262 Lagðar fram til kynningar upplýsingar um kostnað við lagfæringu á afréttarvegi að Unadalsafrétt. Styrkur að fjárhæð 800 þkr.fékkst úr styrkvegasjóði Vegagerðarinnar til verksins. === 11.Styrkvegasjóðsverk 2022, Hofsafrétt === 2210265 Lagðar fram til kynningar upplýsingar um kostnað við lagfæringu á afréttarvegi að Keldudal á Hofsafrétt. Styrkur að fjárhæð 2,0 mkr.fékkst úr styrkvegasjóði Vegagerðarinnar til verksins. === 12.Styrkvegasjóðsverk 2022, Molduxaskarðsvegur === 2210266 Lagðar fram til kynningar upplýsingar um kostnað við lagfæringu á afréttarvegi að Molduxaskarði. Styrkur að fjárhæð 400 þkr.fékkst úr styrkvegasjóði Vegagerðarinnar til verksins. Fundi slitið - kl. 11:15.