==== 26. janúar 2023 kl. 16:32, ==== 2. hæð Helgafell == Fundinn sátu == - Hrafnhildur Gísladóttir (HG) formaður - Hilmar Tómas Guðmundsson(HTG) varaformaður - Helga Möller (HM) aðalmaður - Franklín Ernir Kristjánsson (FEK) aðalmaður - Jakob Smári Magnússon (JSM) aðalmaður - Guðrún Þórarinsdóttir (GÞ) áheyrnarfulltrúi - Kristján Erling Jónsson (KEJ) áheyrnarfulltrúi - Auður Halldórsdóttir þjónustu- og samskiptadeild == Fundargerð ritaði == Auður Halldórsdóttir Forstöðumaður menningarmála == Dagskrá fundar == === Almenn erindi === == 1. Hlégarður. Rekstur hússins og framtíðarsýn == [202301450](/stjornsysla/baejarstjorn-rad-og-nefndir/mal/202301450#hluu6i95eyvayzwvklbg1) Húsaleigusamningur rekstraraðila Hlégarðs er runninn út. Umræður um málefni Hlégarðs og rekstur hússins til skemmri og lengri tíma. Menningar- og lýðræðisnefnd samþykkir svohljóðandi bókun með öllum greiddum atkvæðum: Nefndin felur forstöðumanni menningarmála að vinna tillögu að fjárhagsáætlun fyrir árið 2023 sem gerir ráð fyrir því að Mosfellsbær taki yfir rekstur Hlégarðs. Í áætluninni komi fram notkun stofnana Mosfellsbæjar á húsinu auk þeirrar félagsstarfsemi sem hefur nýtt húsið í viðburða- og fundahald. Gera þarf ráð fyrir kostnaði vegna starfsmannahalds, fjárfestingu í lágmarksbúnaði ásamt öðrum rekstrarkostnaði og athuga tekjumöguleika hússins. Mikilvægt er að samráð verði haft við Eignarsjóð sem fer með viðhald hússins og að tekið verið tillit til viðhaldsáætlunar ársins. == Gestir == - Arnar Jónsson, forstöðumaður þjónustu- og samskiptadeildar == 2. Lista- og menningarsjóður - uppgjör 2022 == [202301288](/stjornsysla/baejarstjorn-rad-og-nefndir/mal/202301288#hluu6i95eyvayzwvklbg1) Lagt fram uppgjör Lista- og menningarsjóðs fyrir árið 2022. Samþykkt með fimm atkvæðum að frestur til að sækja um úr Lista- og menningarsjóði sé til 1. mars nk. Starfsáætlun ásamt tillögu nefndarinnar um úthlutun úr sjóði lögð fram á fundi menningar- og nýsköpunarnefndar 7. mars nk. == 3. Menning í mars == [202301452](/stjornsysla/baejarstjorn-rad-og-nefndir/mal/202301452#hluu6i95eyvayzwvklbg1) Fram fer umræða um nýtt menningarverkefni undir nafninu "Menning í mars". Samþykkt með fimm atkvæðum að fela forstöðumanni bókasafns og menningarmála að kanna hvort hægt sé að hrinda í framkvæmd verkefninu Menning í mars á þessu ári í samræmi við umræður á fundi. == 4. Fundadagskrá 2023 == [202211082](/stjornsysla/baejarstjorn-rad-og-nefndir/mal/202211082#hluu6i95eyvayzwvklbg1) Lagt fram yfirlit yfir fyrirhugaða fundi nefndarinnar árið 2023. Fundadagatal lagt fram. Samþykkt með fimm atkvæðum með áorðnum breytingum. == 5. Endurskoðun menningarstefnu Mosfellsbæjar == [201809317](/stjornsysla/baejarstjorn-rad-og-nefndir/mal/201809317#hluu6i95eyvayzwvklbg1) Forstöðumaður menningarmála fer yfir stöðu þeirra verkefna sem tekin eru fyrir í gildandi Menningarstefnu. Forstöðumaður menningarmála kynnir.