2301009 Tekið fyrir 5. mál úr fundargerð 369. fundar bæjarráðs sem haldinn var 18. janúar 2023: Fyrirspurn um byggingarmál - Heiðarholt 5 (Linde Gas ehf.) Afgreiðsla bæjarráðs: Tekið fyrir erindi Linde gas sem var til umfjöllunar á 46. fundi skipulagsnefndar þann 17. janúar 2023. Þórhallur Garðarsson sendir inn umsóknir fyrir Linde Gas ehf. Sótt er um að bæta við 4 nýjum tönkum á lóðina, sunnan megin við núverandi tanka. Einnig er sótt um stækkun byggingarreits um 150 fermetra. Fyrirhugað er að reisa gámaskrifstofur með tengigang við núverandi þjónustuhús mhl. 05. Að auki óskar Linde gas eftir afnotum af lóðinni Heiðarholti 3, fyrirhugað er að nýta lóðina sem geymslusvæði fyrir lárétta tanka. Sett yrði girðing á lóðina. Afgreiðsla skipulagsnefndar: Í ljósi þess að fallið hafi verið frá uppbyggingu skv. viljayfirlýsingu við sveitarfélagið telur nefndin réttast að málið fái umfjöllun í bæjarráði/bæjarstjórn áður en niðurstaða nefndarinnar liggi fyrir. Afgreiðsla bæjarráðs: Bæjarráð felur bæjarstjóra að vinna málið áfram. Til máls tóku: GAA, BS Forseti lagði fram eftirfarandi tillögu að afgreiðslu og bókun bæjarstjórnar: Samkvæmt gildandi deiliskipulagi fyrir iðnaðarsvæðið við Vogabraut er svæðið ætlað til iðnaðarstarfsemi og skilgreindar lóðir innan svæðisins ætlaðar til upbyggingar iðnaðarhúsnæðis. Ekki hefur staðið til að úthluta lóðum á svæðinu til geymslu lausafjármuna eins og umsækjandi ráðgerir. Bæjarstjórn synjar því beiðni Linde Gas ehf. um að fá lóðinni Heiðarholt 3 úthlutað í þeim tilgangi. Vísar bæjarstjórn erindinu að öðru leyti aftur til skipulagsnefndar og felur henni að óska eftir frekari upplýsingum frá umsækjanda um fyrirhugaða stækkun verksmiðjunnar og möguleg áhrif hennar m.a. á ásýnd svæðisins, hljóðvist og umferð þungaflutninga. Þá óskar bæjarstjórn eftir því að fyrirtækið geri grein fyrir því hvernig það sjái fyrir sér að starfsemi Linde Gas ehf muni þróast til framtíðar í Vogum og hvort fyrirliggjandi umsókn um stækkun breyti einhverju um þá ákvörðun fyrirtækisins að falla frá fyrri áformum sem lýst er í viljayfirlýsingu þeirri sem fyrirtækið lagði fram og undirritaði samhliða umsókn þess um úthlutun lóðarinnar að Heiðarholti 5 árið 2016. Í þeirri viljayfirlýsingu kom fram að myndu fyrirætlanir fyrirtæksins um uppbyggingu súrefnis- og köfnunarefnisverksmiðju í Vogum ganga eftir þá stæði til að flytja aðra starfsemi fyrirtækisins á aðliggjandi lóðir þannig að starfsemi þess færi að mestu eða öllu leyti fram þar með tilheyrandi fjölda starfa og beins og óbeins ávinnings fyrir bæjarsjóð og samfélagið í Vogum. Samþykkt samhljóða með 7 atkvæðum.