=== Hreppsnefnd Skorradalshrepps === Fundur nr. 177 ==== Miðvikudaginn 18. janúar 2023 kl.17:00, hélt hreppsnefnd Skorradalshrepps fund á Hvanneyri. Þessir sátu fundinn: Pétur Davíðsson, Jón E. Einarsson, Guðný Elíasdóttir, Óli Rúnar Ástþórsson og Kristín Jónsdóttir. ==== Fundargerð ritaði: Pétur Davíðsson, hreppsnefndarmaður. **Þetta gerðist:** **Almenn mál** **1. Fræðslufundur KPMG – Mál nr. 2210008** Farið yfir ýmiss viðfangsefni tengd sveitarstjórnarmálum. Rætt um m.a. samþykktir sveitarfélaga, fjárhagsáætlanir, ársreikninga og fleiri mál. **Gestir** Haraldur Örn Reynisson – KPMG Bryndís Gunnlaugsdóttir – KPMG (Í gegnum Teams) Halldóra Á Pálsdóttir – KPMG **2. Kosning endurskoðanda sveitarfélagsins til eins árs. – Mál nr. 2206017** Haraldur Reynisson fer yfir endurskoðunarmál. Ákvörðun á endurskoðanda er áfram í vinnslu. **3. Verktakasamningar – Mál nr. 2301003** Guðný Elíasdóttir hreppsnefndarfulltrúi leggur til við hreppsnefnd að öllum samningum verði sagt upp við verktaka sveitarfélagsins og í framhaldi verði farin í vinna við endurskoðun á samningum með hagræðingu sveitarfélagsins að leiðarljósi. Tilagan rædd. Hreppsnefnd samþykkir að segja upp samningum við Fjólu Benediktsdóttir og Grund ehf. Hreppsnefnd samþykkir að hefja endurskoðun á verkefnum sveitarfélagsins og eins starfi Oddvita. PD og JEE víku af fundi. **4. Ljóspunktur ehf. – Mál nr. 2301004** Fyrir hönd Skorradalshrepps óskar Guðný Elíasdóttir hreppsnefndarfulltrúi eftir yfirferð og upplýsingum varðandi eignarhaldsfélagið Ljóspunktur ehf. Óskað er eftir upplýsingum um: 1. Eignarhald Skorradalshrepps í félaginu, upplýsingum um aðra eigendur og heildarfjölda eigenda. 2. Fundargerðir aðalfunda félagsins. 3. Skuldar-/eignarstaða félagsins. 4. Hver sé fulltrúi félagsins fyrir hönd Skorradalshrepps. 5. Reglur félagsins. PD falið að senda hreppsnefndarfulltrúum þessi gögn, ásant kostnaðaráætlun og verkstöðu lagningar ljósleiðara. **5. Birkimói 5 – Mál nr. 1411014** Lagður fram tölvupóstur vegna ástandsskoðunar á Birkimóum 5. Oddvita falið að vinna málið í samræmi við umræður á fundinum. **6. Eigendafundur Faxaflóahafna sf. – Mál nr. 2212007** Lagðir fram undirritaðir Sameignarsamningur og Eigendastefna Faxaflóahafna sf. **7. Húsnæðisáætlun sveitarfélagsins 2023 – Mál nr. 2212006** Lögð fram til samþykktar húsnæðisáætlun sveitarfélagsins 2023. Samþykkt. **Fundargerðir til staðfestingar** **8. Skipulags- og byggingarnefnd – 169 – Mál nr. 2301001F** Lögð fram fundargerð frá í gær 17. janúar. Fundargerðin samþykkt í öllum 3 liðum. 8.1 2211001 – Skálalækjarás 22, breyting deiliskipulags 8.2 2211003 – Hornsá, umsókn um framkvæmdaleyfi til efnistöku 8.3 2103006 – Dagverðarnes, svæði 9, nýtt deiliskipulag **Fundargerðir til kynningar** 9. Andakílsárvirkjun – fundargerð – Mál nr. 2301005 Oddviti fór yfir fund með hagsmunaaðilum Andakílsárvirkjunar, 2. nóvember s.l. **Skipulagsmál** **9. Skálalækjarás 22, breyting deiliskipulags – Mál nr. 2211001** Óveruleg breyting deiliskipulags var grenndarkynnt sbr. 2. mgr. 43. gr. skipulagslaga nr. 123/2010 m.s.br. þann 6. des. 2022 til 6. jan. 2023. Engin athugasemd barst á grenndarkynningartíma. Skipulags- og byggingarnefnd leggur til við hreppsnefnd að samþykkja óverulega breytingu deiliskipulags sbr. 2. mgr. 43. gr. skipulagslaga nr. 123/2010 m.s.br. og skipulagsfulltrúa falið að senda samþykkta tillögu breytingar deiliskipulags til Skipulagsstofnunar og birta auglýsingu um samþykkt hennar í B-deild Stjórnartíðinda. Hreppsnefnd samþykkir óverulega breytingu deiliskipulags sbr. 2. mgr. 43. gr. skipulagslaga nr. 123/2010 m.s.br. og skipulagsfulltrúa falið að senda samþykkta tillögu breytingar deiliskipulags til Skipulagsstofnunar og birta auglýsingu um samþykkt hennar í B-deild Stjórnartíðinda. Fleira ekki gert. Fundi slitið kl. 21:50.