Reykjavíkurborg
Aðgengis- og samráðsnefnd í málefnum fatlaðs fólks - Fundur nr. 53
**Aðgengis- og samráðsnefnd í málefnum fatlaðs fólks**
Ár 2023, fimmtudaginn 2. febrúar var 53. fundur aðgengis- og samráðsnefndar í málefnum fatlaðs fólks. Fundurinn var haldinn í Ráðhúsi Reykjavíkur og hófst kl. 10.08. Fundinn sátu: Unnur Þöll Benediktsdóttir, Þorkell Sigurlaugsson, Lilja Sveinsdóttir, Hanna Björk Kristinsdóttir og Björgvin Björgvinsson. Eftirtaldir fulltrúar aðgengis- og samráðsnefndar í málefnum fatlaðs fólks tóku sæti á fundinum með fjarfundarbúnaði með vísan í 1. málsl. 1. mgr. 54. gr. sveitarstjórnarlaga nr. 138/2011, sbr. 4. málsl. 1. mgr. 13. gr. samþykktar um stjórn Reykjavíkurborgar og fundarsköp borgarstjórnar varðandi fjarfundaheimild: Ingólfur Már Magnússon, Anna Kristín Jensdóttir og Rannveig Ernudóttir. Eftirtaldir starfsmenn sátu fundinn: Bragi Bergsson og Katrín Harpa Ásgeirsdóttir.
Tómas Ingi Adolfsson ritaði fundargerð.
**Þetta gerðist:**
Lagt fram að nýju erindi aðgengis- og samráðsnefndar varðandi takmarkað aðgengi að Waldorfskólanum Sólstöfum, sbr. 4. lið fundargerðar aðgengis- og samráðsnefndar frá 23. janúar 2023. Jafnframt er lögð fram umsögn umhverfis- og skipulagssviðs, dags. 16. desember 2022. MSS22110112
Samþykkt að fela starfsmanni umhverfis- og skipulagssviðs að vinna málið áfram.
Fylgigögn
Fram fer umræða um opnunartíma innisundlauga í Reykjavík. MSS22120007
Samþykkt að fela starfsfólki mannréttinda- og lýðræðisskrifstofu að vinna skjal um opnunartíma innilauga í samráði við aðgengis- og samráðsnefnd sem verði aðgengilegt á ytri vef borgarinnar.
Lögð fram drög, ódags., að tillögu aðgengis- og samráðsnefndar vegna breytinga á fyrirkomulagi varðandi akstursþjónustu fatlaðs fólks. MSS22120083
Samþykkt að fela formanni aðgengis- og samráðsnefndar að klára drög að tillögu í samráði við fulltrúa nefndar fyrir næsta fund.
Lagt fram erindi frá varafulltrúa Öryrkjabandalags Íslands, Önnu Kristínu Jensdóttur, varðandi hugmyndir um bætta aðstöðu fyrir fatlað fólk í Fjölskyldu- og húsdýragarðinum. MSS23010271
Samþykkt að bíða eftir niðurstöðum aðgengishóps Öryrkjabandalags Íslands.
Fylgigögn
**Fundi slitið 11.39**
Unnur Þöll Benediktsdóttir Þorkell Sigurlaugsson
Rannveig Ernudóttir Ingólfur Már Magnússon
Lilja Sveinsdóttir Anna Kristín Jensdóttir
Björgvin Björgvinsson Hanna Björk Kristinsdóttir
**PDF útgáfa fundargerðar Fundargerð aðgengis- og samráðsnefndar frá 2. febrúar 2023**