Magnús Magnússon formaður setti fund. **Afgreiðslur:** **1. Fulltrúi forsvarsmanna skógarplöntuverkefnis á Laugarbakka kemur til fundar við byggðarráð. **Björn Líndal gerði grein fyrir verkefninu. Byggðarráð þakkar Birni greinargóða yfirferð og lýsir yfir ánægju sinni með verkefnið. *Björn Líndal kom til fundar kl. 14:02 og vék af fundi kl. 14:40.* **2. 2302001 Ársskýrsla Brunavarna Húnaþings vestra fyrir árið 2022 og æfingaáætlun fyrir árið 2023. **Lagt fram til kynningar. **3. 2302006 Fundarboð á félagsfund Veiðifélags Víðidalsár. **Fundurinn verður haldinn 12. febrúar nk. Friðrik Már Sigurðsson varaformaður byggðarráðs verður fulltrúi sveitarfélagsins á fundinum og fer með atkvæðisrétt þess. **4. 2302007 Erindi frá meistaraflokksráði Kormáks/Hvatar. **Í erindinu óskar ráðið eftir því að handhafar árskorts meistaraflokksráðsins fái frítt í sund í Íþróttamiðstöð Húnaþings vestra í tengslum við heimaleiki sumarið 2023, gegn framvísun árskorts. Byggðarráð samþykkir beiðnina samhljóða. Einnig óskar ráðið eftir ræktarkorti í Íþróttamiðstöð fyrir leikmenn félagsins á tímabilinu 10. febrúar 2023 til 1. október 2023. Byggðarráð frestar afgreiðslu og felur sveitarstjóra að afla nánari upplýsinga um beiðnina. **5. 2302009 Fundargerð 918. fundar Sambands íslenskra sveitarfélaga sem fram fór 27. janúar 2023. **Lögð fram til kynningar. **6. 2302010 Minnisblað um bekkjakort á Hvammstanga og Laugarbakka** ** **ásamt kortum af bekkjum sem eru nú þegar á báðum stöðum. Einnig eru gerðar tillögur að hvar æskilegt væri að bæta við bekkjum og í hvaða forgangi þegar fjármagn leyfir samkvæmt fjárhagsáætlun. Lagt er til að kortin verði birt á heimasíðu sveitarfélagsins til athugasemda og ábendinga í 14 daga. Byggðarráð þakkar hópnum sem vann að verkefninu fyrir vel unnin störf og samþykkir að kortin verði sett í opið samráð á heimasíðu sveitarfélagsins. **Bætt á dagskrá:** **7. Hátíðarhöld á sumardaginn fyrsta. **Frá árinu 1957 hafa hátíðarhöld á sumardaginn fyrsta skipað stóran sess í menningarlífi sveitarfélagsins. Frá upphafi hefur Ingibjörg Pálsdóttir staðið að framkvæmd hátíðarinnar ásamt fjölskyldu sinni og ýmsum félagasamtökum. Á síðasta ári var 65. árið sem hátíðin var haldin og tilkynnti Ingibjörg þá að það væri í síðasta skiptið sem hún stæði fyrir henni. Þar sem hátíðarhöldin hafa verið mikilvægur þáttur í samfélaginu mun sveitarfélagið leggja sitt af mörkum til að svo megi verða áfram. Samið hefur verið við Félag eldri borgara í Húnaþingi vestra um að taka að sér framkvæmd hátíðarinnar í ár ásamt því að sauma nýja búninga sem koma eiga í stað þeirra sem voru orðnir lúnir eftir 65 ára notkun og eru nú komnir til varðveislu Verslunarminjasafnsins á Hvammstanga. Byggðarráð færir Ingibjörgu Pálsdóttur bestu þakkir fyrir ómetanlegt starf sitt við hátíðarhöld á sumardaginn fyrsta í gegnum áratugina auk þeirra fjölmörgu sem að þeim hafa komið. **8. Uppsögn á starfi.** Jóhannes Kári Bragason hefur sagt upp störfum sem slökkviliðsstjóri Brunavarna Húnaþings vestra. Byggðarráð þakkar Jóhannesi Kára fyrir vel unnin störf og óskar honum alls hins besta í viðtakandi verkefnum. Sveitarstjóra er falið að leggja drög að auglýsingu um starfið og leggja fyrir næsta fund. Fundargerð upplesin og samþykkt. Fundi slitið kl. 15:19.