= Skipulags- og framkvæmdaráð = Dagskrá === 1.Refa- og minkaveiði í Norðurþingi 2022 === 202210111 Á fundinn kom formaður Æðarræktafélags Íslands ásamt hagsmunaaðilum innan Norðurþings til að ræða breytingar á refa- og minkaveiði í Norðurþingi. Skipulags- og framkvæmdaráð þakkar gestum komuna á fundinn. Ráðið felur framkvæmda- og þjónustufulltrúa að svara bréfi Æðarræktarfélags Íslands. === 2.Ósk um yfirborðsfrágang á Búðárvöllum === 202206130 Á fundinn kom Sigurður J. Bergsteinsson frá Minjastofnun Íslands til að fylgja eftir skýrslu sem gerð var um fornminjar á Búðarvöllum. Skipulags- og framkvæmdaráð þakkar Sigurði frá Minjastofnun fyrir komuna. Ráðið felur framkvæmda- og þjónustufulltrúa að vinna málið áfram. === 3.Húsnæði fyrir frístund barna === 202111135 Fyrir Skipulags- og framkvæmdaráði liggur vinnuskjal Fjölskylduráðs um þarfir starfsemi frístundar, félagsmiðstöðvar og íþróttastarfsemi í nýju húsnæði. Skipulags- og framkvæmdaráð felur framkvæmda- og þjónustufulltrúa að vinna málið áfram. === 4.Orkuveita Húsavíkur óskar eftir leyfi fyrir borun hitastigulsholna === 202301087 Orkuveita Húsavíkur óskar eftir leyfi Norðurþings fyrir borun fjögurra eða fimm hitastigulshola í landi Húsavíkur. Meðfylgjandi umsókn er mynd sem sýnir staðsetningu fyrstu fjögurra holanna en staðsetning mögulegrar fimmtu holu gæti ráðist af niðurstöðum úr borunum fyrri hola. Eysteinn vék af fundi undir þessum lið. Skipulags- og framkvæmdaráð heimilar borun þeirra fjögurra hola sem sýndar eru á afstöðumynd. Frekari boranir verði háðar frekari leyfum. Skipulags- og framkvæmdaráð heimilar borun þeirra fjögurra hola sem sýndar eru á afstöðumynd. Frekari boranir verði háðar frekari leyfum. === 5.Umsókn um byggingarleyfi fyrir viðbyggingu austanmegin við Naustagarð 2 === 202301060 Norðursigling hf óskar eftir byggingarleyfi fyrir 52,9 m² verkstæðisbyggingu austan við núverandi hús að Naustagarði 2.Teikning er unnin af Arnhildi Pálmadóttur arkitekt. Ennfremur er óskað eftir samþykki fyrir breytingum deiliskipulags sem felist í breytingum á byggingarrétti austan núverandi byggingar. Skipulags- og framkvæmdaráð hafnar erindinu í ljósi þess að fyrirhuguð viðbygging er ekki innan byggingarreits gildandi deiliskipulags. === 6.Ósk um stofnun lóðar út úr Klifshaga 1 === 202302009 Félagsbúið Sandfellshaga óskar eftir samþykki Norðurþings fyrir stofnun lóðar undir íbúðarhús og útihús jarðarinnar Klifshaga 1. Ný lóð fengi heitið Klifshagi 4. Lóðin er 5,59 ha að flatarmáli. Erindi fylgir hnitsett lóðarmynd sem unnin er af Borgari Páli Bragasyni. Skipulags- og framkvæmdaráð leggur til við sveitarstjórn að stofnun lóðarinnar og heiti hennar verði samþykkt. === 7.Ósk um aukinn frest til teikningaskila vegna Fiskifjöru 4 === 202302008 Flóki ehf óskar eftir framlengdum fresti til að skila teikningum af húsi á Fiskifjöru 4. Skipulags- og framkvæmdaráð telur að lóðarhafi hafi þegar fengið nægan tíma til að leggja fram fullbúnar teikningar af húsi á lóðina og fellst ekki á framlengingu frests til að skila teikningum. Fundi slitið - kl. 16:00. Undir lið 2 kom í fjarfundi Sigurður J. Bergsteinsson frá Minjastofnun Íslands.