[s. 433 1000](tel:4331000) [Vefir Akraneskaupstaðar](#) = Skóla- og frístundaráð = Dagskrá === 1.Sumarleyfi leikskólanna 2023 === 2302028 Fjallað um sumaropnun leikskólanna á Akranesi 2023 - erindi frá leikskólastjórum. Áheyrnarfulltrúar leikskólanna sitja fundinn undir þessum lið. Áheyrnarfulltrúar leikskólanna sitja fundinn undir þessum lið. Skóla- og frístundaráð samþykkir að sumarleyfi leikskólanna sumarið 2023 verði fjórar vikur og að lokað verði frá 10. júlí til og með 4. ágúst. Áheyrnarfulltrúar leikskólanna víkja af fundi. === 2.Íþrótta- og tómstundamál === 2302030 Guðmunda Ólafsdóttir framkvæmdastjóri ÍA og Daníel Sigurðsson Glad forstöðumaður íþróttamannvirkja sitja fundinn undir þessum lið. Skóla- og frístundaráð þakkar Guðmundu og Daníel fyrir gagnlegar umræður um íþróttamál og áhugaverðar upplýsingar um fjölda iðkenda hjá Íþróttablandalagi Akraness. Guðmunda og Daníel víkja af fundi. === 3.Skóladagatal grunnskólanna 2023-2024 === 2302029 Skóladagatal grunnskólanna fyrir skólaárið 2023 - 2024 lagt fram til staðfestingar. Áheyrnarfulltrúar grunnskólanna sitja fundinn undir þessum lið. Áheyrnarfulltrúar grunnskólanna sitja fundinn undir þessum lið. Skóla- og frístundaráð samþykkir fyrirliggjandi tillögu að skóladagatali fyrir skólaárið 2023 - 2024. === 4.Kynfræðsla - bæjarstjórn unga fólksins === 2211125 Ívar Orri Kristjánsson forstöðumaður Þorpsins og áheyrnarfulltrúar grunnskólanna sitja fundinn undir þessum lið. Skóla- og frístundaráð þakkar fyrir málefnalegt erindi og leggur til að tekið verði saman yfirlit yfir þá kynfræðslu sem börn og ungmenni fá í skóla- og frístundastarfi á Akranesi. Verkefnastjóra á skóla- og frístundasviði falið að vinna málið áfram í samstarfi við skólastjórnendur og ungmennaráð. === 5.Sundkennsla og skólamötuneyti - bæjarstjórn unga fólksins === 2211126 Skóla- og frístundaráð þakkar fyrir góðar og málefnalegar ábendingar varðandi fyrirkomulag sundkennslu og skólamötuneyti. Ráðið hvetur ungmennaráð og skólastjórnendur til að eiga frekara samtal um erindið. Skóla- og frístundaráð telur mikilvægt að taka aftur upp umræðu um fyrirkomulag skólamötuneyta hjá Akraneskaupstað. Áheyrnarfulltrúar Brekkubæjarskóla og Ívar Orri Kristjánsson víkja af fundi. === 6.Grundaskóli - húsnæðismál 2022 === 2209003 Alfreð Þór Alfreðsson rekstrarstjóri og Ásbjörn Egilsson verkefnastjóri sitja fundinn undir þessum lið. Skóla- og frístundaráð þakkar Sigurði Arnari Sigurðssyni skólastjóra Grundaskóla fyrir erindið og vísar málinu til frekari úrvinnslu á skipulags- og umhverfissviði. Sviðsstjóra falið að fylgja málinu eftir. Áheyranarfulltrúa Grundaskóla víkja af fundi. Fundi slitið - kl. 10:00.