**1. 2210006 - Stafræn húsnæðisáætlun** |Samþykkt samhljóða.| [Húsnæðisáætlun 2023 Dalabyggð.pdf]( displaydocument.aspx? itemid=bhGIeuSymkiA0QNQGKdXHg&meetingid=kEK9cCo5w0mKkcBqJo9uA1) **2. 2212005 - Stofnun Safnaklasa Vesturlands** |Samþykkt samhljóða.| **3. 2301029 - Menningarmálaverkefnasjóður 2023** |Til máls tók: Einar| Samþykkt samhljóða. **4. 2205016 - Kosning í stjórnir og samstarfsnefndir skv. B-hluta 48. gr. samþykkta Dalabyggðar** |Samkv. samþykktum sveitarfélagsins með síðari breytingum, segir í 17. tölulið B- liðar 48. gr. að tilnefna eigi aðal- og varafulltrúa í Breiðafjarðarnefnd.| Aðalfulltrúi verður: Valdís Einarsdóttir. Varafulltrúi verður: Eyjólfur Ingvi Bjarnason. Samþykkt samhljóða. Samkv. samþykktum sveitarfélagsins, segir í 13. tölulið B- liðar 48. gr. að tilnefna eigi fulltrúa í Samráðsvettvang Vesturlands skv. ákvörðun stjórnar Samtaka sveitarfélaga á Vesturlandi (SSV). Þessum lið var frestað á 221. fundi sveitarstjórnar þann 16.06.2022. Það er stjórn SSV sem tilnefnir í samráðsvettvang og sveitarstjórn heimilar stjórn SSV að tilnefna í samráðsvettvang. Samþykkt samhljóða. **5. 2211009 - Ungmennaráð 2022-2023** |Sveitarstjórn Dalabyggðar staðfestir að Matthías Hálfdán Ostenfeld Hjaltason og Kristín Ólína Guðbjartsdóttir koma ný inn í Ungmennaráð.| Ungmennaráð 2022-2023 skipa því: Katrín Einarsdóttir, Jóhanna Vigdís Pálmadóttir, Matthías Hálfdán Ostenfeld Hjaltason og Kristín Ólína Guðbjartsdóttir. Sveitarstjórn þakkar fyrir áhuga ungmenna í Dalabyggð á starfi Ungmennaráðs og hvetur ráðið til góðra verka. Samþykkt samhljóða. **6. 2211020 - Gjaldskrár - uppfærsla fyrir 2023** |Til máls tók: Björn Bjarki| Samþykkt samhljóða. [Gjaldskrá vegna þj. skrifstofu.pdf]( displaydocument.aspx? itemid=9gylOfzQAEGsuPFSoM3PhA&meetingid=kEK9cCo5w0mKkcBqJo9uA1) **7. 2002053 - Endurskoðun Aðalskipulags Dalabyggðar** |Lagt til að málinu verði frestað til fundar sveitarstjórnar í mars.| Samþykkt samhljóða. **8. 2211021 - Verklagsreglur um starfsemi leikskóla Auðarskóla - uppfærsla fyrir 2023** |Til máls tók: Björn Bjarki| Samþykkt samhljóða. [Verklagsreglur um innritun og vistun í leikskóla Auðarskóla.pdf]( displaydocument.aspx? itemid=ssPmqN3IyE69_yl040yqSA&meetingid=kEK9cCo5w0mKkcBqJo9uA1) **9. 2301063 - Reglur um skólasókn í Auðarskóla** |Til máls tók: Björn Bjarki| Samþykkt samhljóða. [SkólasóknarreglurDalabyggðar_uppfærsla_2023.pdf]( displaydocument.aspx? itemid=mIXND5KDyUyZ9l3UxTrlBA&meetingid=kEK9cCo5w0mKkcBqJo9uA1) **10. 2301064 - Reglur um skólavist fósturbarna í Auðarskóla** |Til máls tók: Björn Bjarki| Samþykkt samhljóða. [Reglur um skólavist fósturbarna í leik- og grunnskóla í Dalabyggð.pdf]( displaydocument.aspx? itemid=v_Ry6svDUu4VMTqYp2Q7Q&meetingid=kEK9cCo5w0mKkcBqJo9uA1) |Málið hét upphaflega "Umsókn um framkvæmdaleyfi vegna efnisvinnslu í landi Erpsstaða" en hefur hér verið leiðrétt í samræmi við ábendingu.| **11. 2211041 - Umsókn um framkvæmdaleyfi vegna efnisvinnslu í landi Þórólfsstaða** |Samþykkt samhljóða.| **12. 2301055 - Skjalastefna Dalabyggðar** |Samþykkt samhljóða.| [Skjalastefna Dalabyggðar 20230125.pdf]( displaydocument.aspx? itemid=RFPZN5rNo0C1vfxqkUhnLA&meetingid=kEK9cCo5w0mKkcBqJo9uA1) **13. 2212011F - Byggðarráð Dalabyggðar - 303** |Til máls tók: Eyjólfur um dagskrárlið 4. | Oddviti leggur fram tillögu: Sveitarstjórn samþykkir að framlengja samninga við núverandi verktaka fyrir skólaárið 2023-2024. Jafnframt verði haldið áfram að undirbúa útboð skólaaksturs fyrir skólaárið sem hefst haustið 2024. Samþykkt samhljóða. Fundargerð borin upp til afgreiðslu. Samþykkt samhljóða. **13.1. 2208004 - Vegamál** Rætt um framkvæmdir, fyrirhuguð útboð, hraðahindranir og mælingar í þéttbýli, snjómokstur, brýr, styrkvegi, upplýsingar á vefsíðu Vegagerðarinnar, girðingar, merkingar lögbýla og skilti. Klofningsvegur (8km) og Steinadalsvegur/Ólafsdalsvegur (7,5km) fara í útboð í vor, unnið er að hönnun. Einbreiðum brúm fækkar, brúm á Dunká og Skraumu skipt út í framkvæmdum sem standa yfir núna. Umsóknum um fjármagn til styrkvega er að fjölga. Rekstrarhalli er á snjómokstri, sendar hafa verið tillögur að breytingum á snjómokstri á starfssvæðinu. Vegagerðin heldur við ákveðnum girðingum meðfram vegum, landeiganda ber skylda til að halda við sínum girðingum meðfram vegsvæði og getur þá sótt um styrk til Vegagerðarinnar. Girðingar sem fá styrk eru teknar út. Átaksverkefni hafa verið tekin í þessum málaflokki. Samkvæmt lögum er það á ábyrgð sveitarfélaga að sjá til þess að girðingum sé viðhaldið. Vegur nr. 60 hefur forgang þá í fjármuni á starfssvæðinu. Er kemur að merkingum lögbýla er það sveitarfélagsins að kaupa skiltið og rörin en Vegagerðin setur það upp. Byggðarráð þakkar Pálma og Sæmundi fyrir komuna og samtalið. **13.2. 2211020 - Gjaldskrár ** Rætt um mögulegar útfærslur á afslætti af gatnagerðargjöldum. Lagt til að vísa málinu til umhverfis- og skipulagsnefndar. Samþykkt samhljóða. **13.3. 2212006 - Umsókn um lóð Iðjubraut 4** Umsókn samþykkt. **13.4. 2301027 - Skólaakstur 2023-2026** Lagt til að undirbúningur að útboði verði hafinn, í samstarfi við Ríkiskaup. Samþykkt samhljóða. **13.5. 2301028 - Grassláttur og hirðing 2023** Lagt til að farið verði í verðkönnun fyrir grasslátt á vegum Dalabyggðar. Samþykkt samhljóða. **13.6. 2212009 - Afskriftarbeiðni** Samþykkt samhljóða. Lagt til að veitt verði heimild til að hækka niðurfærslu vegna skatttekna um 1.900.000 kr.- Samþykkt samhljóða. **13.7. 2301021 - Nýsköpunarsetur Dalabyggðar 2023** Lagt til að gjaldskrá haldist óbreytt. Samþykkt samhljóða. **13.8. 2301024 - Umsókn um námsvist utan lögheimilissveitarfélags** **13.9. 1502021 - Reglur um snjómokstur og hálkuvarnir** **13.10. 1702012 - Starfsmannamál 2023** Lagt til að framlagt skipurit taki gildi. Samþykkt samhljóða. **13.11. 2209011 - Samningur Vegagerðin og Slökkvilið Dalabyggðar v. hreinsun vettvangs** Málinu frestað til næsta fundar. **13.12. 2212007 - Umboð vegna kjarasamninga** **13.13. 2211018 - Erindi vegna reksturs Vínlandssetur** Sveitarstjóra og verkefnastjóra falið að útbúa minnisblað. Samþykkt samhljóða. **13.14. 2301034 - Búfjárhald** Daníel þakkað fyrir komuna og samtalið. **13.15. 2301019 - Fjósar 2023** Lagt til að bíða með söluferli en fasteignum verði komið í áframhaldandi nýtingu. Samþykkt samhljóða. **13.16. 2301052 - Beiðni um afslátt á leigu vegna þorrablóts í Dalabúð** Lagt til að veita 50% afslátt í samræmi við ákvæði í gjaldskrá. Samþykkt samhljóða. **13.17. 2301053 - Sælingsdalstunga 2023** Sveitarstjóra falið að hefja viðræður við fasteignasala og koma eigninni í söluferli. Samþykkt samhljóða. **13.18. 2204013 - Uppbygging íþróttamannvirkja í Búðardal** Rætt um stöðu mála. **14. 2212001F - Umhverfis- og skipulagsnefnd Dalabyggðar - 134** |Til máls tók: Skúli um dagskrárlið 2.| Samþykkt samhljóða. **14.1. 2301065 - Ljárskógabyggð** Nefndin þakkar erindið og bendir eiganda og hönnuði á að hafa samráð við Breiðafjarðarnefnd, m.t.t. laga um verndun Breiðafjarðar, við Vegagerðina varðandi vegtengingar, Minjastofnun varðandi mögulegar fornminjar og Náttúrufræðistofnun varðandi gróðurfar og dýralíf, áður en lengra er haldið. **14.2. 2112015 - Bakkahvammur, fornminjar** Nefndin leggur til við sveitarstjórn að veita fjármagni í verkefnið. **14.3. 2205021 - Miðbraut 15 Auglýsingaskilti á lóð** Umrætt skilti sem nú er sótt um er allnokkru stærra en núverandi skilti, sem er grundvöllur leyfis sem veitt var í júní 2022 á 127. fundi nefndarinnar. Felur nefndin því sveitarstjóra að kanna hvort umsagnaraðilar, s.s. Vegagerðin, geri athugasemdir við staðsetningu og stærð skiltis, áður en endanleg afgreiðsla fer fram. **14.4. 2211033 - Tilkynning um skógrækt Skógum 137785** Nefndin óskar eftir formlegri umsókn með umsögnum lögbundinna umsagnaraðila. **14.5. 2002053 - Endurskoðun Aðalskipulags Dalabyggðar** Nefndin óskar eftir því að fá svigrúm til að fjalla á næsta fundi um lokadrög Aðalskipulags Dalabyggðar, eftir lagfæringar sem byggðar voru á athugasemdum og ábendingum sem komu fram eftir að athugasemdafresti lauk formlega. **14.6. 1702012 - Starfsmannamál á skipulagssviði** Skipulagsfulltrúi Dala, Reykhóla og Stranda hefur sagt starfi sínu lausu og lét af störfum þann 31. janúar 2023. Er hér með komið á framfæri þökkum fyrir góð störf til Örwu Alfadhli og henni óskað velfarnaðar í framtíðinni. Sveitarstjórar samstarfsverkefnisins um skipulags- og byggingarmál Dala, Reykhóla og Stranda hafa fundað um það starfsumhverfi sem um ræðir og ljóst er að mikilvægt er að endurskoða skipulag m.t.t. þess starfsumhverfis sem um ræðir. Nefndin tekur undir sjónarmið sem fram koma í minnisblaði sveitarstjóra sveitarfélaganna. **15. 2212003F - Fræðslunefnd Dalabyggðar - 117** |Samþykkt samhljóða.| **15.1. 2301058 - Skóladagatal Auðarskóla 2023 - 2024** **15.2. 2211021 - Verklagsreglur um starfsemi leikskóla Auðarskóla - uppfærsla fyrir 2023** Fræðslunefnd samþykkir tillögu að lítið breyttum verklagsreglum og dvalarsamningi leikskóladeildar Auðarskóla sem þarfnast einnig staðfestingar sveitarstjórnar Dalabyggðar. **15.3. 2210027 - Skólastarf Auðarskóli 2022-2023** Varðandi skólastarfið almennt þá fór skólastjóri yfir það sem er á döfinni í Auðarskóla, bæði í leik og starfi. Skólastjóri fór yfir tölvukost skólans og þær varnir sem tölvubúnaður skólans inniber. Nauðsynlegt er að fara yfir tækjakostinn og útbúa áætlun varðandi annarsvegar endurnýjun sem og hvernig að vörnum á búnaðnum er háttað. Varðandi kostnaðarskiptingu á milli nemenda og skóla/Dalabyggðar þegar nemendahópar fara í skólabúðir þá leggur fræðslunefnd til við sveitarstjórn að kostnaðarskipting verði skipt jafnt á milli nemenda og skóla/Dalabyggðar og verði það hið almenna viðmið hvað þennan þátt varðar. **15.4. 2301027 - Skólaakstur í Dalabyggð** Fræðslunefnd ræddi um stöðu mála og fór yfir þann fjölda nemenda sem koma með hverri leið. Fræðslunefnd leggur til við sveitarstjórn að nýtt verði heimild til að framlengja núgildandi samning um eitt ár en jafnframt að hugað verði að því sem fyrst að fara að undirbúa útboð fyrir skólaárið 2024-2025. Fræðslunefnd sér ekki ástæðu til að gera breytingar á núgildandi reglum um skólaakstur. **15.5. 2301063 - Reglur um skólasókn í Auðarskóla** Fræðslunefnd samþykkir tillögu um reglur um skólasókn með áorðnum breytingum og vísar þeim til staðfestingar í sveitarstjórn. **15.6. 2301064 - Reglur um skólavist fósturbarna í Auðarskóla** Fræðslunefnd samþykkir tillögu um reglur um skólavist fósturbarna í Auðarskóla með áorðnum breytingum og vísar þeim til staðfestingar í sveitarstjórn. **15.7. 2301030 - Skólastefna Dalabyggðar** Formaður fræðslunefndar kynnti þá vinnu sem átt hefur sér stað frá síðasta fundi. Samþykkt að vinna málið áfram á milli funda fræðslunefndar í þeim anda sem verið hefur. **15.8. 2208010 - Tómstundir** Fræðslunefnd lýsir ánægju með að samtalið sé hafið um sumarstarfið og óskar eftir að fá að fylgjast með þróun mála. **15.9. 2010009 - Framhaldsnám í Dalabyggð** Samþykkt að vinna málið áfram og ræða á næsta fundi. **15.10. 2206033 - Jafnréttisáætlun** Fræðslunefnd gerir ekki athugasemd við framlögð drög að jafnréttisáætlun Dalabyggðar. **16. 2301002F - Stjórn Dvalar- og hjúkrunarheimilisins Silfurtúns - 66** |Til máls tók: Þuríður um fundargerðina í heild, Björn Bjarki um dagskrárlið 2.| Samþykkt samhljóða. **16.1. 2301013 - Rekstur Silfurtúns** Nýting á rýmum á árinu 2022 var mjög góð, rúmlega 99,4% á hjúkrunarrýmum og 97,8% á dvalarrýmum. Verður það að teljast mjög viðunandi m.v. þær framkvæmdir sem unnið var að á árinu. Veikindalaun eru há og skapar skekkju í rekstrinum, vonir standa til að sá þáttur snúist til betri vegar á næstu vikum og mánuðum. Formaður stjórnar og sveitarstjóri fóru yfir stöðu mála varðandi starf hjúkrunarfræðings á heimilinu og var þeim falið að vinna málin áfram á þeim nótum sem rætt var um á fundinum. **16.2. 2209008 - Úttekt embættis landlæknis** Rædd þau drög að skýrslu sem fram eru komin. Ljóst er að viðkomandi skýrsla er vel unnin og í henni er rýnt til gagns. Skýrslan verður gerð opinber á næstu dögum og er stefnt að því að kynna hana starfsfólki Silfurtúns eins fljótt og auðið er. **16.3. 2301032 - Fótaaðgerðarfræðingur** Stjórn tekur jákvætt í erindið og felur formanni stjórnar og sveitarstjóra að ræða við viðkomandi. **17. 2208008F - Atvinnumálanefnd Dalabyggðar - 34** |Til máls tók: Garðar um dagskrárliði 1, 2, 5, 8 og 9.| Samþykkt samhljóða. **17.1. 2112012 - Leiga á Árbliki** Guðrún Esther og Sigurdís fara yfir reksturinn á síðasta ári, eða frá aprílbyrjun 2022. Rekstraraðilar eru bjartsýnar fyrir komandi sumri. Til þess að rekstur geti haldið áfram er þörf á því að fara í endurnýjun á fráveitulögnum á neðri hæð hússins. Einnig þarf að bæta aðgengi að rafmagni á tjaldsvæði. Nefndin þakkar Guðrúnu og Sigurdísi fyrir komuna. **17.2. 2212003 - Mælingar á farsímasamböndum í Dalabyggð** Þorsteinn hefur verið ráðinn til þess að gera úttekt á stöðu fjarskiptamála á Vesturlandi. Þorsteinn kemur inn í umræður um farsímamælingar frá 2022 og fer einnig yfir verkefni sitt hjá SSV. Nefndin þakkar Þorsteini fyrir komuna. **17.3. 2211029 - Eiríksstaðir 2022** Bjarnheiður fer yfir starfsárið 2022 á Eiríksstöðum. Framkvæmdum sem fengu styrk úr Framkvæmdasjóði ferðamannastaða 2022 er lokið. Ganga þarf í að laga suðurhlið á tilgátubæ. Hátíðin Kjet&Klæði var haldin á Eiríksstöðum í maí 2022 og stefnt er að því að halda tilraunfornleifafræðihátíð árið 2023. Nefndin þakkar Bjarnheiði fyrir yfirferðina. **17.4. 2206033 - Jafnréttisáætlun** Í kaflanum þar sem talað er um þjónustuveitingu, þarf að skýra ákvæði varðandi kvaðir félaga betur. Í textanum stendur: "Öll félög sem þiggja styrki frá sveitarafélaginu setji sér aðgerðabundnar jafnréttisáætlanir þar sem fram kemur hvernig þau uppfylla 10. gr. laga nr. 85/2018 og 15. gr. laga gr. 150/2020 gagnvart félagsmönnum." Lagt er til að inn í textann komi "...þiggja samningsbundna styrki frá sveitarfélaginu..." Lagt til að inn komi markmið er varða eldri borgara í Dalabyggð, s.s. að fylgst sé með þeim sem þurfa á heimaþjónustu að halda og hvenær viðkomandi fær þjónustuna, upplýsingar séu kyngreindar og brugðist við ef hallar á eitthvert kyn. Mótvægisaðgerðir og mælanleg markmið verði hluti af áætluninni út frá hverri greiningu. Við ráðningar sé horft til þess að efla fjölbreytni í samsetningu starfsmannahópsins. **17.5. 2210026 - Uppbygging innviða** Atvinnumálanefnd leggur til að haldinn verði opinn kynningarfundur á Iðngörðum í Nýsköpunarsetri Dalabyggðar fyrri hluta febrúar. Verkefnastjóra falið að vinna áfram að málinu. **17.6. 2301021 - Nýsköpunarsetur Dalabyggðar 2023** Nefndin gerir ekki ekki athugasemdir við framlagða gjaldskrá. **17.7. 2301014 - Fréttir frá verkefnastjóra 2023** Nefndin gerir ekki athugasemd við áætlun um kynningarstarf árið 2023. **17.8. 2210006 - Stafræn húsnæðisáætlun** Verkefnastjóra og umsjónarmanni framkvæmda falið að vinna áfram að málinu. **17.9. 2208005 - Upplýsingar um atvinnuleysi 2022** Lagt fram til kynningar. **18. 2208011F - Menningarmálanefnd Dalabyggðar - 29** |Til máls tók: Einar um dagskrárlið 4.| Samþykkt samhljóða. **18.1. 2206033 - Jafnréttisáætlun** Nefndin gerir ekki athugasemdir við drög að Jafnréttisáætlun Dalabyggðar. **18.2. 2212005 - Stofnun Safnaklasa Vesturlands** Nefndin gerir tillögu til sveitarstjórnar Dalabyggðar um að sveitarfélagið verði hluti af Safnaklasa Vesturlands í samræmi við meðfylgjandi gögn. **18.3. 2301029 - Menningarmálaverkefnasjóður 2023** Í sjóðinn bárust 12 umsóknir að upphæð 2.290.000 kr.- til úthlutunar voru 1.000.000 kr.- 7 verkefni hljóta styrk að þessu sinni: Sigurbjörg Kristínardóttir - Kórstarf - 200000kr.- Alexandra Rut Jónsdóttir - Tónleikahald - 200000kr.- Slysavarnadeild Dalasýslu - Skemmtikvöld - 200000kr.- Sælureiturinn Árblik - Jólaball - 40000kr.- Sigrún Hanna Sigurðardóttir - Sýning, hlaðvarp - 200000kr.- Iceland up close ehf - Vinnusmiðja - 100000kr.- Ungmennafélagið Ólafur Pá - Þrautabraut - 60000kr.- Nefndin þakkar fyrir umsóknir og áhuga á sjóðnum. **18.4. 2209004 - Jörvagleði 2023** Nefndin heldur áfram að vinna að dagskrá. Búið er að senda út á félög og fyrirtæki í heimabyggð varðandi mögulega þátttöku. **18.5. 2301014 - Fréttir frá verkefnastjóra 2023** Rætt um uppfærslu söguskilta og merkingu eyðibýla. Skoðað meðfram markaðsmálum og uppfærslu skilta 2023. **20. 2201008 - Fundargerðir Breiðafjarðarnefndar 2022** |Lagt fram til kynningar.| [Fundur-210.pdf]( displaydocument.aspx? itemid=UJA9ZHRp8Ea7xqMD_Awlw1&meetingid=kEK9cCo5w0mKkcBqJo9uA1) **21. 2301005 - Fundargerðir Fjárfestingafélagið Hvammur ehf. 2023** |Lagt fram til kynningar.| [Fjárfestingafélagið Hvammur ehf 30_01_2023.pdf]( displaydocument.aspx? itemid=9xYLCYX500KJ8crgrR4gpg&meetingid=kEK9cCo5w0mKkcBqJo9uA1) **22. 2301056 - Landsþing sambandsins XXXVIII** |Lagt fram til kynningar.| [Boðun XXXVIII. landsþings sambandsins.pdf]( displaydocument.aspx? itemid=4jAOTYkxIkiavLVf0vkhYg&meetingid=kEK9cCo5w0mKkcBqJo9uA1) **23. 2301020 - Skýrsla frá sveitarstjóra 2023-** |Til máls tók: Björn Bjarki.| Lagt fram til kynningar. [Skýrsla sveitarstjóra á fundi 231.pdf]( displaydocument.aspx? itemid=JyyvIyhK0uyimdz5ePYFQ1&meetingid=kEK9cCo5w0mKkcBqJo9uA1)