==== 2. mars 2023 kl. 07:30, ==== 2. hæð Helgafell == Fundinn sátu == - Halla Karen Kristjánsdóttir (HKK) formaður - Lovísa Jónsdóttir (LJó) varaformaður - Ásgeir Sveinsson (ÁS) aðalmaður - Anna Sigríður Guðnadóttir (ASG) aðalmaður - Jana Katrín Knútsdóttir (JKK) aðalmaður - Guðmundur Hreinsson (GH) vara áheyrnarfulltrúi - Regína Ásvaldsdóttir (RÁ) bæjarstjóri - Þóra Margrét Hjaltested == Fundargerð ritaði == Þóra Margrét Hjaltested lögmaður Í upphafi fundar var samþykkt með fimm atkvæðum að taka á dagskrá fundarins nýtt mál sem verður nr. 5 á dagskrá fundarins. == Dagskrá fundar == === Almenn erindi === == 1. Leikskóli Helgafellslandi, Nýframkvæmd == [202101461](/stjornsysla/baejarstjorn-rad-og-nefndir/mal/202101461#rhmjn9gxuquzw2csesy7q1) Lagt er til að bæjarráð samþykki að fela umhverfissviði að bjóða út framkvæmdir við uppbyggingu og innréttingu leikskóla í Helgafellslandi. Bæjarráð samþykkir með fimm atkvæðum að heimila umhverfissviði að bjóða út framkvæmdir við uppbyggingu og innréttingu leikskóla í Helgafellslandi í samræmi við fyrirliggjandi tillögu bæjarstjóra. Jafnframt er samþykkt að fela fjármálastjóra að útbúa viðauka við fjárhagsáætlun vegna framkvæmdarinnar. Bókun B, C og S lista: Bæjarfulltrúar B, S og C lista lýsa ánægju með þann árangur sem hefur náðst með starfi starfshóps um uppbyggingu leikskóla. Í framhaldi af niðurstöðu starfshópsins hefur tekist að lækka áætlaðan byggingarkostnað um 15%. Þar að auki var safnað saman mikið af gagnlegum upplýsingum sem munu nýtast við stefnumótun í áframhaldandi uppbyggingu leikskóla í Mosfellsbæ. Þegar uppfærð kostnaðaráætlun lá fyrir í september 2022 tók meirihlutinn ákvörðun um stofnun starfshópsins til að bregðast við þeirri gríðarlegu hækkun sem varð á kostnaðarmati frá vori 2021 til september 2022. Lóðarval og hönnun leikskólans lá fyrir þegar nýr meirihluti tók við í júní 2022 og er ljóst að ef verkefnið hefði ekki verið komið svona langt á þeim tíma þá hefði þessi staðsetning ekki verið valin vegna þess gríðarlega kostnaðar sem fylgir uppbyggingu á þessari lóð. Bókun D lista: Fulltrúar D-lista lýsa yfir ánægju með að loksins hefur verið tekin ákvörðun af meirihlutanum um að bjóða út byggingu leikskóla í Helgafellshverfi en það útboð var á döfinni síðastliðið sumar. Fulltrúar D-lista hafa ítrekað ýtt á að ákvörðun um að bygging leikskóla hefjist sem fyrst því sú töf sem hefur orðið á framkvæmdum er mjög slæm. Opnun leikskólans mun dragast um allt að eitt ár með tilheyrandi vandræðum með dagvistun í Mosfellsbæ auk þess sem kostnaður við bygginguna verður mun hærri vegna þessara tafa sem hafa orðið á málinu. Sú hækkun er tilkomin vegna hækkunar byggingarvístölu, verðbólgu, hækkun byggingakostnaðar, launahækkana, og hærri fjármagnskostnaðar verkefnisins vegna hærri vaxta. Fulltrúar D-lista lögðu til í byrjun kjörtímabils að sú vinna við mögulega lækkun á byggingarkostnaði sem nú er búið að framkvæma yrði gerð strax síðastliðið sumar á sama tíma og verkið hefði verið boðið út og hefði það sparað skattgreiðendum í Mosfellsbæ háar fjárhæðir. == Gestir == - Jóhanna B. Hansen, framkvæmdastjóri umhverfissviðs == 2. Samkomulag um samræmda móttöku flóttafólks == [202208758](/stjornsysla/baejarstjorn-rad-og-nefndir/mal/202208758#rhmjn9gxuquzw2csesy7q1) Lagt er til að gengið verði til samninga við félags- og vinnumarkaðsráðuneyti um samræmda móttöku flóttafólks. Málinu frestað vegna tímaskorts. == Gestir == - Una Dögg Euvdóttir, verkefnastjóri - félagsleg húsnæðismál - Kristbjörg Hjaltadóttir, stjórnandi félagsþjónustu == 3. Vinna við þróun skipulags og uppbyggingu byggðar í Blikastaðalandi == [202004164](/stjornsysla/baejarstjorn-rad-og-nefndir/mal/202004164#rhmjn9gxuquzw2csesy7q1) Kynning á stöðu vinnu við uppbyggingu og skipulag íbúðabyggðar í Blikastaðalandi. Fulltrúar Blikastaðalands ehf. koma á fundinn. Þorgerður Arna Einarsdóttir, framkvæmdastjóri Landeyjar, kynnti þróun skipulags og uppbyggingu byggðar í Blikastaðalandi. == Gestir == - Þorgerður Arna Einarsdóttir, Landey - Aldís Stefánsdóttir, bæjarfulltúi == 4. Næturstrætó á höfuðborgarsvæðinu == [202302556](/stjornsysla/baejarstjorn-rad-og-nefndir/mal/202302556#rhmjn9gxuquzw2csesy7q1) Opið bréf Röskvu til sveitarfélaga um akstur Næturstrætó á höfuðborgarsvæðinu. Málinu frestað vegna tímaskorts. == 5. Tillaga varðandi rekstur tjaldstæðis í Mosfellsbæ == [202303037](/stjornsysla/baejarstjorn-rad-og-nefndir/mal/202303037#rhmjn9gxuquzw2csesy7q1) Tillaga D lista um að auglýst verði eftir áhugasömum aðilum um að taka að sér rekstur tjaldsvæðis í Mosfellsbæ. Málinu frestað vegna tímaskorts.