= Umhverfis- og samgöngunefnd = Dagskrá === 1.Gjaldskrá fyrir sorphirðu og sorpeyðingu 2023 === 2210104 Fyrir fundinum liggur ákvörðun um nýja gjaldskrá vegna sorphirðu og sorpeyðingu fyrir tímabilið 1. apríl 2023 til 31. desember 2023. Vert er að taka fram að gjaldskráin byggir á raunverulegum kostnaði vegna málaflokksins og ekki verður innheimt umfram hann. Það skiptir afar miklu máli að allir íbúar leggi sitt af mörkum við að draga úr urðunarkostnaði en allir njóta góðs af því sem vel er gert en líða fyrir hitt. Því meira sem fólk flokkar og því minna sem það hendir, því minna borgar það. Allir hafa því beinan fjárhagslegan hag af flokkun og endurnýtingu og að endurvinnsla úrgangs sé aukin, auk þess sem það skilar miklum umhverfislegum ávinningi. Umhverfis- og samgöngunefnd samþykkir framlagða gjaldskrá og vísar henni til afgreiðslu byggðarráðs. Vert er að taka fram að gjaldskráin byggir á raunverulegum kostnaði vegna málaflokksins og ekki verður innheimt umfram hann. Það skiptir afar miklu máli að allir íbúar leggi sitt af mörkum við að draga úr urðunarkostnaði en allir njóta góðs af því sem vel er gert en líða fyrir hitt. Því meira sem fólk flokkar og því minna sem það hendir, því minna borgar það. Allir hafa því beinan fjárhagslegan hag af flokkun og endurnýtingu og að endurvinnsla úrgangs sé aukin, auk þess sem það skilar miklum umhverfislegum ávinningi. Umhverfis- og samgöngunefnd samþykkir framlagða gjaldskrá og vísar henni til afgreiðslu byggðarráðs. === 2.Samþykkt um meðhöndlun úrgangs === 2208289 Fyrir fundinum liggur yfirferð samþykktar Nr. 1125 um meðhöndlun úrgangs í Skagafirði. Umhverfis- og samgöngunefnd samþykkir framlagðar breytingar og vísar til afgreiðslu byggðarráðs. Umhverfis- og samgöngunefnd samþykkir framlagðar breytingar og vísar til afgreiðslu byggðarráðs. === 3.Athugasemd við fyrirkomulag sorphirðu === 2303025 Helga Þórðardóttir frá Mælifellsá sendir inn fyrirspurn til nefndarinnar þar sem að hún spyr hvort hægt sé að afþakka sorphirðu fyrir einstaklinga eða tiltekin svæði. Umhverfis- og samgöngunefnd þakkar Helgu fyrir erindið. Ákvörðun um fyrirkomulag sorphirðu var tekin í kjölfar skoðanakönnunar meðal íbúa í dreifbýli síðasta sumar þar sem 64 % svarenda kusu með sorphirðu í dreifbýli Skagafjarðar. Þessar forsendur voru hafðar að leiðarljósi við gerð útboðsgagna vegna sorphirðu í Skagafirði 2023 - 2028. Sorphirðing hefur verið í boði í þéttbýli Skagafjarðar síðan 2010 og nú er það skref stigið til fulls að allir íbúar njóti sömu þjónustu. Nefndin óskar eftir góðu samstarfi við íbúana við innleiðingu nýs fyrirkomulags við sorphirðu. Umhverfis- og samgöngunefnd þakkar Helgu fyrir erindið. Ákvörðun um fyrirkomulag sorphirðu var tekin í kjölfar skoðanakönnunar meðal íbúa í dreifbýli síðasta sumar þar sem 64 % svarenda kusu með sorphirðu í dreifbýli Skagafjarðar. Þessar forsendur voru hafðar að leiðarljósi við gerð útboðsgagna vegna sorphirðu í Skagafirði 2023 - 2028. Sorphirðing hefur verið í boði í þéttbýli Skagafjarðar síðan 2010 og nú er það skref stigið til fulls að allir íbúar njóti sömu þjónustu. Nefndin óskar eftir góðu samstarfi við íbúana við innleiðingu nýs fyrirkomulags við sorphirðu. === 4.Loftlagsdagurinn 2023 === 2302074 Loftslagsdagurinn 2023 fer fram 4. maí í Hörpu og beinu streymi. Umhverfisstofnun stendur fyrir Loftslagsdeginum ásamt samstarfsstofnunum. Þar koma saman margir af helstu sérfræðingum þjóðarinnar í loftslagsmálum og útskýra umræðuna á mannamáli! Dagskráin byggist á fjölbreyttum erindum, pallborðsumræðum, áhugaverðum hugvekjum, sýningum og tækifærum til að blanda geði. Áhersla verður lögð á gagnvirka þátttöku áhorfenda. === 5.Hvatning til sveitarfélaga að koma villtum fuglum til aðstoðar === 2302150 Dýraverndarsamband Íslands hvetur sveitarfélög til að koma villtum fuglum til aðstoðar. Þessi vetur hefur reynst villtum fuglum sérlega erfiður, en frosthörkur hafa verið óvenjulega miklar og langvarandi. Fjöldi fugla hefur drepist vegna þess að þeir hafa ekki komist í fæðu og margir þeirra glíma nú við máttleysi sökum hungurs og kulda. Umhverfis- og samgöngunefnd þakkar ábendinguna og hvetur íbúa til að leggja sitt af mörkum. Umhverfis- og samgöngunefnd þakkar ábendinguna og hvetur íbúa til að leggja sitt af mörkum. === 6.Yfirfærsla starfsleyfis - til upplýsinga === 2302237 Yfirfærsla starfsleyfis - FISK Seafood yfir á Hólaskóla. Vísað er til umsóknar rekstraraðilans FISK Seafood ehf, kt. 461289-1269 og Háskólans á Hólum í Hjaltadal, kt. 500169-4359 sem barst Umhverfisstofnun þann 3. febrúar sl., þar sem óskað var eftir því að færa starfsleyfi FISK Seafood ehf. til framleiðslu á bleikju við Hof í Hjaltadal yfir á Háskólann á Hólum í Hjaltadal. Starfsleyfi FISK Seafood ehf. var gefið út 5. nóvember 2020 og gildir til 5. nóvember 2036. Fundi slitið - kl. 12:45.