= Skipulags- og framkvæmdaráð = Dagskrá === 1.EMAR byggingavörur ehf.óska eftir lóð að Drafnargötu 1, Kópaskeri === 202303026 EMAR byggingavörur ehf.óska eftir úthlutun lóðar að Drafnargötu 1 á Kópaskeri til uppbyggingar parhúss. Skipulags- og framkvæmdaráð leggur til við sveitarstjórn að lóðinni að Drafnargötu 1 verði úthlutað til fyrirtækisins EMAR byggingavörur ehf. === 2.Breyting á deiliskipulagi Norðurhafnarsvæðis === 202205037 Fyrir liggur að taka afstöðu til þeirra umsagna sem bárust við kynningu breytingar deiliskipulags Norðurhafnarsvæðis á Húsavík. Umsagnirnar voru áður til umfjöllunar á fundi ráðsins 24. janúar s.l. Stjórn Hafnarsjóðs hefur óskað þess að skipulags- og framkvæmdaráð geri tillögu að afgreiðslu umsagnanna. Vegna framþróunar verkefna á vegum Íslandsþara hefur félagið góðfúslega óskað eftir því að ákvörðun á vegum sveitarfélagsins um sameiningu lóða H2 á Norðurhafnarsvæði Húsavíkur verði frestað á meðan næstu skref verða ákveðin, enda er mikilvægt að öll ákvarðanataka og opinber ferli séu vel ígrunduð. Það er sameiginlegt mat sveitarfélagsins og Íslandsþara að vert sé að fresta ákvörðunartöku um ótilgreindan tíma en báðir aðilar eru meðvitaðir um að áfram sé vilji til samvinnu. Rannsóknir og frekari hönnunarvinna á vegum Íslandsþara halda áfram þar sem horft er til langrar framtíðar. Samkvæmt skipulagsreglugerð nr. 90/2013 gr. 5.7.1. skal senda Skipulagsstofnun deiliskipulag sem samþykkt hefur verið af sveitarstjórn og samantekt um málsmeðferð ásamt athugasemdum og umsögnum um þær innan átta vikna frá því að frestur til athugasemda rann út. Frestur til að skila inn athugasemd var til 19. janúar sl. Í ljósi ofangreinds samþykkir meirihluti skipulags- og framkvæmdaráðs að leggja til við stjórn Hafnasjóðs að falla frá fyrirliggjandi tillögu að breytingum á deiliskipulagi Norðurhafnarsvæðis. Birkir Freyr Stefánsson situr hjá. Það er sameiginlegt mat sveitarfélagsins og Íslandsþara að vert sé að fresta ákvörðunartöku um ótilgreindan tíma en báðir aðilar eru meðvitaðir um að áfram sé vilji til samvinnu. Rannsóknir og frekari hönnunarvinna á vegum Íslandsþara halda áfram þar sem horft er til langrar framtíðar. Samkvæmt skipulagsreglugerð nr. 90/2013 gr. 5.7.1. skal senda Skipulagsstofnun deiliskipulag sem samþykkt hefur verið af sveitarstjórn og samantekt um málsmeðferð ásamt athugasemdum og umsögnum um þær innan átta vikna frá því að frestur til athugasemda rann út. Frestur til að skila inn athugasemd var til 19. janúar sl. Í ljósi ofangreinds samþykkir meirihluti skipulags- og framkvæmdaráðs að leggja til við stjórn Hafnasjóðs að falla frá fyrirliggjandi tillögu að breytingum á deiliskipulagi Norðurhafnarsvæðis. Birkir Freyr Stefánsson situr hjá. === 3.Deiliskipulag Fiskeldið Haukamýri === 202202058 Með bréfi dags. 24. febrúar óskar Skipulagsstofnun eftir lagfæringum á deiliskipulagsuppdrætti fyrir fiskeldi í Haukamýri. Skipulagsfulltrúi kynnti tillögu að leiðréttingunum þar sem komið er til móts við sjónarmið stofnunarinnar. Skipulags- og framkvæmdaráð leggur til við sveitarstjórn að skipulagið verði samþykkt með þeim lagfæringum sem gerðar hafa verið. === 4.Deiliskipulag Akursels === 202205073 Lilja Filippusdóttir skipulagsráðgjafi hefur lagt fram frumhugmynd að deiliskipulagi fyrir hluta jarðarinnar Akursel í Öxarfirði og jafnframt lagt fram hugmynd að breytingu aðalskipulags í tengslum við deiliskipulagstillöguna. Skipulags- og framkvæmdaráð fellst á það upplegg sem liggur fyrir, þ.e. að unnið verði að breytingu aðalskipulags vegna fiskeldismannvirkja í landi Akursels og deiliskipulags sama svæðis. Í kynntri skipulagslýsingu var horft til þess að stærri hluti jarðarinnar yrði deiliskipulagður. Ráðið minnir á umsögn Skipulagsstofnunar, dags. 10. nóvember s.l. vegna kynntrar lýsingar þar sem ábending kemur fram um að vinna skipulagsgögn og umhverfismat vegna sjótöku samhliða. === 5.Breyting á deiliskipulagi fyrir fiskeldisstöðina Röndina á Kópaskeri === 202208025 Skipulagsstofnun kynnti með bréfi dags. 2. mars s.l. að stofnunin telji að breyta þurfi aðalskipulagi áður en gildistaka deiliskipulags vegna fiskeldis á Röndinni á Kópaskeri er auglýst. Skipulags- og framkvæmdaráð felur skipulags- og byggingarfulltrúa að láta vinna tillögu að breytingu aðalskipulags til að koma til móts við sjónarmið Skipulagsstofnunar. === 6.Ósk um breytingu á aðalskipulagi Norðurþings vegna jarðstrengs í landi Brekku === 202303020 Anna Bragadóttir skipulagsráðgjafi, f.h. Landsnets, óskar eftir samþykki fyrir tillögu að breytingu aðalskipulags jarðstrengslagnar við Kópasker. Þess er óskað að sveitarstjórn samþykki breytinguna sem óverulega. Meðfylgjandi erindi er skipulagsuppdráttur með greinargerð auk útfyllts gátlista sem rökstuðning fyrir því að breytingin geti talist óveruleg með vísan til 2. mgr. 36. gr. skipulagslaga. Landsnet telur að landeigendur séu sáttir við fyrirhugaða legu jarðstrengs. Skipulags- og framkvæmdaráð telur að breytingin sé í eðli sínu óveruleg þó um sé að ræða 66 kV rafstreng. Nýr jarðstrengur kæmi til með að vera stuttur og liggja um land þar sem landspjöll yrðu lítil sem engin til lengri tíma. Í hans stað yrði lögð niður loftlína sem hefur allnokkur sjónræn áhrif. Skipulags- og framkvæmdaráð leggur því til við sveitarstjórn að tillaga að breytingu aðalskipulags verði samþykkt sem óveruleg svo fremi að skilað verði inn til sveitarfélagsins skriflegu samþykki landeigenda. === 7.Ósk um umsögn um rekstrarleyfi gistingar vegna Guesthouse Maddy === 202302063 Sýslumaðurinn á Norðurlandi eystra óskar umsagnar Norðurþings vegna rekstrarleyfis til reksturs gististaðar í flokki II í íbúð 010202 að Garðarsbraut 62. Skipulags- og framkvæmdaráð telur að leita þurfi samþykkis meðeigenda í fjöleignahúsinu áður en samþykki fyrir rekstarleyfi er veitt. Að fengnu samþykki meðeigenda gerir ráðið, f.h. Norðurþings, ekki athugasemdir við að rekstrarleyfi verði veitt. === 8.Ósk um gerð lóðarleigusamnings fyrir Háholt Raufarhöfn === 202302066 Ólafur Árni Hafþórsson óskar afstöðu sveitarfélagsins til þess hvort það sé reiðubúið að gefa út nýjan lóðarleigusamning fyrir Háholt á Raufarhöfn. Fyrri lóðarleigusamningur rann út 2015. Skipulags- og framkvæmdaráð frestar afgreiðslu erindisins. === 9.Umsókn um byggingarleyfi fyrir geymsluhúsnæði að Fiskifjöru 4 === 202303018 Flóki ehf óskar byggingarleyfis fyrir geymsluhúsnæði að Fiskifjöru 4. Fyrir fundi liggja teikningar unnar af Birki Kúld byggingarfræðingi. Fyrirhuguð bygging er stálgrindarskemma á einni hæð, 900 m² að grunnfleti. Gert er ráð 14 geymslurýmum í húsinu. Skipulags- og framkvæmdaráð telur fyrirhugaða uppbyggingu ekki í samræmi við þá uppbyggingu sem lá til grundvallar lóðarúthlutunar. Um er að ræða mikilvæga lóð þar sem gera verður kröfur um atvinnuskapandi uppbyggingu og vandaða útlitshönnun. Ráðið fellst ekki á að nýta þessa lóð undir geymsluhúsnæði og samþykkir því ekki framlagðar teikningar. Ráðið felur skipulags- og byggingarfulltrúa að ræða við Flóka ehf. um aðra lóðarkosti fyrir uppbyggingu geymsluhúsnæðis. Ráðið felur skipulags- og byggingarfulltrúa að ræða við Flóka ehf. um aðra lóðarkosti fyrir uppbyggingu geymsluhúsnæðis. === 10.Umsókn um leyfi fyrir endurbótum á aðveitustöð Rariks við Reykjaheiðarveg === 202303019 Rarik óskar eftir leyfi til að byggja þak ofan á aðveitustöð við Reykjaheiðarveg. Jafnframt er ætlunin að klæða húsið að utan. Skipulags- og framkvæmdaráð fellst á þær breytingar hússins sem sýndar eru á teikningum og heimilar byggingarfulltrúa að veita byggingarleyfi til framkvæmdanna. === 11.Tjaldsvæði Norðurþings stöðumat === 202301017 Til kynningar fyrir skipulags- og framkvæmdaráði er staða tjaldsvæða í Norðurþingi Skipulags- og framkvæmdaráð felur framkvæmda- og þjónustufulltrúa að standsetja tjaldsvæði Norðurþings fyrir sumarið. === 12.Verkefni vegna innleiðingar hringrásarhagkerfis === 202111014 Til kynningar fyrir skipulags- og framkvæmdaráði er staða innleiðingar hringrásarhagkerfis á austur svæði Norðurþings. Lagt fram til kynningar. Fundi slitið - kl. 15:15. Áki Hauksson boðaði forföll og í hans stað sat Birkir Freyr Stefánsson fundinn. Katrín Sigurjónsdóttir sveitarstjóri sat fundinn undir liðum 1-9