**1. 2301073 - Skóladagatöl 2023-2024** |Fyrir liggja skóladagatöl leik-, grunn- og tónlistarskóla í Fjarðabyggð fyrir skólaárið 2023 - 2024. Fræðslustjóri gerði grein fyrir vinnu við gerð skóladagatalanna. Farið er eftir verklagsreglum um staðfestingu skóladagatala en þar er kveðið á um sameiginlega skólabyrjun grunnskólanna, sumarlokun leikskólanna og einn sameiginlegan starfsdag skólanna. Þar fyrir utan stilla skólarnir sig saman um nokkra aðra daga, t.d. eru vetrarfrí grunnskólanna eins á vorönn 2024 og í sömu viku að hausti 2023.Þá eru flestir skipulagsdagar leikskóla settir á daga sem ekki eru nemendadagar í grunnskóla eða fjórir til fimm dagar af sex skipulagsdögum samtals. Fræðslunefnd samþykkir fyrirliggjandi skóladagatöl. | **2. 2302067 - Úthlutunarreglur grunnskóla í Fjarðabyggð** |Til umræðu var bréf frá Mennta og barnamálaráðuneytinu um ráðstöfun fjármuna í grunnskóla fyrir alla ásamt kynningarbréfi á fundarröð ráðuneytisins. Fundir á Austurlandi verða haldnir 29. mars og 24. maí. Áframhaldandi umræður um reglur um úthlutun kennslustundafjölda til grunnskóla í Fjarðabyggð. Fulltrúum fræðslunefndar ásamt skólastjórum grunnskóla, fræðslustjóra og sviðsstjóra fjölskyldusviðs er falið að vinna málið áfram og skila hugmyndum fyrir næsta fund nefndarinnar.| **3. 2109174 - Barnvænt sveitarfélag 2021-2022** |Ungmennaráð Fjarðabyggðar gerði grein fyrir helstu niðurstöðum Ungmennaþings sem haldið var í Fjarðabyggð 1. mars 2023. Ungmennaþingið tókst vel og margar góðar hugmyndir komu frá ungmennunum um það hvernig við getum gert gott samfélag ennþá betra. Fræðslunefnd þakkar ungmennaráði fyrir góða kynningu og óskar því velfarnaðar í þeim verkefnum sem það tekur sér fyrir hendur.|