= Umhverfis- og framkvæmdanefnd = Dagskrá === 1.Grenjavinnsla 2022 - refa- og minkaveiði - 2022060002 === Lagt fram minnisblað Smára Karlssonar, verkefnastjóra á umhverfis- og eignasviði, dags. 13. mars 2023, um refa- og minkaveiðar í sveitarfélaginu. Starfsmanni nefndar falið að vinna málið áfram í samræmi við umræður á fundinum og leggja tillögur um tilhögun refa- minkaveiða fram á næsta fundi nefndarinnar með það fyrir augum að stefna að markvissari veiðum í sveitarfélaginu. === 2.Gagnagrunnur um mengaðan jarðveg í sveitarfélaginu - 2023020152 === Lagður fram tölvupóstur dags. 27. febrúar 2023 frá Umhverfisstofnun, þar stofnunin vill koma því á framfæri til sveitafélaganna í landinu að stofnunin hefur komið á fót gagnagrunni um mengaðan jarðveg sbr reglugerð nr. 1400/2020 um mengaðan jarðveg. Þennan gagnagrunn er hægt að nálgast í kortasjá Umhverfisstofnunar og á svæði stofnunarinnar um mengaðan jarðveg. Umhverfisstofnun og heilbrigðiseftirlitin í landinu vinna að því að færa þekkt menguð svæði inn í gagnagrunninn ásamt svæðum þar sem grunur er um mengun. Þessi vinna mun þó taka talsverðan tíma. Umhverfisstofnun vill benda á að í 13. gr. reglugerðar nr. 1400/2020 kemur fram að sveitafélög skulu taka mið af gagnagrunninum við gerð skipulags. Stofnunin vill einnig benda á að opnaður hefur verið ábendingavefur inni á gagnagátt stofnunarinnar þar sem allir geta farið inn og sent inn ábendingu um menguð svæði eða svæði þar sem grunur er um mengun. Lagt fram til kynningar. === 3.Sjókvíaeldi í Ísafjarðardjúpi - Háafell - 2016020056 === Lagður fram tölvupóstur dags. 27. febrúar 2023 frá Gauta Geirssyni hjá Háafelli þar sem er tilkynnt er viðbragðsáætlun vegna rifu á kví fyrirtækisins í Skötufirði sem kom í ljós við reglubundið eftirlit. Fyrirtækinu ber að tilkynna sveitarfélögum skv. viðbragðsáætlun og verkferlum. Lagt fram til kynningar. === 4.Tjaldsvæði Flateyrar - rekstur - 2021050025 === Lagt fram minnisblað Hjörleifs Finnssonar, verkefnisstjóra á Flateyri, dags. 6. febrúar 2023, þar sem lagðar eru fram þrjár sviðsmyndir varðandi áframhaldandi rekstur tjalsvæðisins á Flateyri. Starfsmanni nefndar falið að kostnaðarmeta valmöguleika 1 og 2 í minnisblaði. Gestur: Hjörleifur Finnsson Hjörleifur Finnsson === 5.Hreinsun á Flateyrarodda - 2023030075 === Lagt fram minnisblað Hjörleifs Finnssonar, verkefnisstjóra á Flateyri, dags. 14. mars 2023, þar sem lagðar eru til aðgerðir vegna hreinsunar á Flateyrarodda. Umhverfis- og framkvæmdanefnd fagnar átaki um að hreinsa Flateyraroddann. Starfsmanni nefndar falið að kanna möguleika á aðkomu úrvinnslusjóðs að verkefninu. Gestur: Hjörleifur Finnsson Hjörleifur Finnsson Fundi slitið - kl. 11:30. Er hægt að bæta efnið á síðunni?