= Skipulags- og framkvæmdaráð = Dagskrá === 1.Endurnýjun bifreiðar fyrir Þjónustumiðstöð Norðurþings === 202303055 Fyrir skipulags- og framkvæmdaráði liggur að endurnýja þurfi bifreið hjá Þjónustumiðstöð Norðurþings, Húsavík. Verkefnastjóri fór yfir núverandi stöðu á bifreiðum þjónustumiðstöðvarinnar. Skipulags- og framkvæmdaráð samþykkir kaup á L200 bifreið Þjónustumiðstöðvar, að upphæð 1.600.000,- === 2.Deiliskipulag skólasvæðis á Húsavík === 202208065 Á 144. fundi fjölskylduráðs 14.03.23, var eftirfarandi bókað: Fjölskylduráð gerir ekki athugasemd við tillöguna en leggur áherslu á að horft verði til aukins umferðaröryggis barna við að skutla og sækja í skóla og íþróttahöll. Ráðið vísar umsögninni til skipulags- og framkvæmdaráðs. Skipulags- og framkvæmdaráð felur skipulags- og byggingarfulltrúa að kynna fyrirliggjandi skipulagshugmyndir á opnu húsi við fyrsta tækifæri með vísan til 3. mgr. 40. gr. skipulagslaga. === 3.Breyting á aðalskipulagi Norðurþings vegna vatnstökuhola á Röndinni === 202303051 Fyrir liggur tillaga að breytingu aðalskipulags vegna vatnstökuhola við Röndina á Kópaskeri. Tillaga að breytingu aðalskipulags var unnin að beiðni skipulags- og framkvæmdaráðs á fundi 7. mars s.l. Sveitarstjórn samþykkti á fundi sínum þann 16. mars að auglýsa skipulagstillöguna samhliða breytingu deiliskipulags sama svæðis. Skipulags- og framkvæmdaráð samþykkir tillögu að breytingu aðalskipulags og gerir ekki athugasemdir við þá afgreiðslu sveitarstjórnar að tillagan verði kynnt skv. ákvæðum skipulagslaga samhliða tillögu að breytingu deiliskipulags. === 4.Breyting á deiliskipulagi fyrir fiskeldisstöðina Röndina á Kópaskeri === 202208025 Fyrir liggur lítilsháttar breytt tillaga að breytingu deiliskipulags vegna fiskeldis á Röndinni sem áður var búið að samþykkja. Breyting deiliskipulagstillögunnar felst í tilvísun í tillögu að breytingu aðalskipulags. Á fundi sínum þann 16. mars fól sveitarstjórn skipulagsfulltrúa að kynna deiliskipulagsbreytinguna aftur samhliða tillögu að breytingu aðalskipulags. Skipulags- og framkvæmdaráð samþykkir tillögu að breytingu deiliskipulags og gerir ekki athugasemdir við þá afgreiðslu sveitarstjórnar að tillagan verði kynnt skv. ákvæðum skipulagslaga samhliða tillögu að breytingu aðalskipulags. === 5.Umsókn um lóð að Hraunholti 22-24 === 202303047 Ragnar Hjaltested, f.h. HG 17 ehf., óskar eftir að fá úthlutað lóðinni að Hraunholti 22-24 á Húsavík undir parhús. Með umsókn fylgja upplýsingar um framkvæmdaáform. Skipulags- og framkvæmdaráð leggur til við sveitarstjórn að lóðinni að Hraunholti 22-24 verði úthlutað til HG17 ehf. === 6.Umsókn um lóð að Hraunholti 26-28 === 202303048 Ragnar Hjaltested, f.h. HG 17 ehf., óskar eftir að fá úthlutað lóðinni að Hraunholti 26-28 á Húsavík undir parhús. Með umsókn fylgja upplýsingar um framkvæmdaáform. Skipulags- og framkvæmdaráð leggur til við sveitarstjórn að lóðinni að Hraunholti 26-28 verði úthlutað til HG17 ehf. === 7.Umsókn um byggingarleyfi fyrir fjölbýlishúsi að Stóragarði 20 === 202303075 Naustalækur ehf. óskar byggingarleyfis fyrir fimm hæða fjölbýlishús með 25 íbúðum að Stóragarði 20 á Húsavík. Fyrir liggja teikningar unnar af Andra Ingólfssyni arkitekt. Fyrir liggur umsögn slökkviliðsstjóra frá 9. mars s.l. þar sem fram kemur að áður en byggingarleyfi verði veitt fyrir húsinu skv. framlögðum teikningum þurfi að liggja fyrir að búnaður sem nauðsynlegur er til björgunar af svölum hússins verði tiltækur áður en húsið verður tekið í notkun. Fyrir liggur umsögn lóðarhafa um umsögn slökkviliðsstjóra. Fyrir liggur umsögn slökkviliðsstjóra frá 9. mars s.l. þar sem fram kemur að áður en byggingarleyfi verði veitt fyrir húsinu skv. framlögðum teikningum þurfi að liggja fyrir að búnaður sem nauðsynlegur er til björgunar af svölum hússins verði tiltækur áður en húsið verður tekið í notkun. Fyrir liggur umsögn lóðarhafa um umsögn slökkviliðsstjóra. Skipulags- og framkvæmdaráð frestar málinu og felur sveitarstjóra að eiga samtal við lóðarhafa vegna fyrirliggjandi byggingaráforma. === 8.EMAR byggingavörur ehf.óska eftir lóð að Drafnargötu 4 === 202303081 EMAR byggingavörur ehf. óska eftir lóð að Drafnargötu 4 í stað Drafnargötu 1. Skipulags- og framkvæmdaráð leggur til við sveitarstjórn að lóðinni að Drafnargötu 4, Kópaskeri, verði úthlutað til EMAR byggingavara ehf. í stað Drafnargötu 1. Fundi slitið - kl. 14:20. Katrín Sigurjónsdóttir sveitarstjóri sat fundinn undir lið 7. Kolbrún Heiða Valbergsdóttir sat fundinn í fjarfundi. Áki Hauksson boðaði forföll og í hans stað sat Birkir Freyr Stefánsson fundinn.