**1639. fundur bæjarráðs Grindavíkur haldinn í bæjarstjórnarsal, þriðjudaginn 21. mars 2023 og hófst hann kl. 15:00.** **Fundinn sátu:** Hjálmar Hallgrímsson, formaður, Helga Dís Jakobsdóttir, varaformaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi. **Einnig sátu fundinn:** Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri. **Fundargerð ritaði:** Jón Þórisson, sviðsstjóri fjármála- og stjórnsýslusviðs. Formaður óskar eftir að taka inn mál með afbrigðum sem þriðja mál: 2111026: Húsnæðismál Fisktækniskóla Íslands Samþykkt samhljóða. **Dagskrá:** 1. Endurskoðun á skipuriti Grindavíkurbæjar - 2206049 Sviðsstjóri félagsþjónustu- og fræðslusviðs, sviðsstjóri skipulags- og umhverfissviðs, sviðsstjóri frístunda- og menningarsviðs og hafnarstjóri sátu fundinn undir þessum dagskrárlið. Farið yfir tillögur að nýju skipuriti. **2. Húsnæðisaðstæður skólaþjónustu, félagsþjónustu og barnaverndar - 2204050** Sviðsstjóri félagsþjónustu- og fræðslusviðs sat fundinn undir þessum dagskrárlið. Bæjarráð felur bæjarstjóra að gera viljayfirlýsingu um gerð leigusamnings út yfirstandandi kjörtímabil í þágu félagsþjónustu- og fræðslusviðs á Hafnargötu 8, þ.e. Hælsvíkurhúsinu. **3. Húsnæðismál Fisktækniskóla Íslands - 2111026** Sviðsstjóri félagsþjónustu- og fræðslusviðs sat fundinn undir þessum dagskrárlið. Tillaga Bæjarráð felur bæjarstjóra að gera viljayfirlýsingu um gerð leigusamnings til 10 ára með heimild til framleigu til Fisktækniskóla Íslands. Að liðnum 5 árum tekur Fisktækniskóli Íslands við skyldum leigutaka samkvæmt samningi á Hafnargötu 8, þ.e. Hælsvíkurhúsinu. Með þessari viðleitni Grindavíkurbæjar er skorað á ríkisvaldið að tryggja skólanum húsnæðisframlag á fjárlögum til framtíðar í samræmi við aðra einkareknaframhaldsskóla. Tillagan er samþykkt með 2 atkvæðum meirihluta, Hallfríður greiðir atkvæði á móti. **4. Beiðni um viðauka - Búnaður í leikskóla - 2303042** Sviðsstjóri félagsþjónustu- og fræðslusviðs sat fundinn undir þessum dagskrárlið. Lögð fram beiðni um viðauka að fjárhæð 600.000 kr. til kaupa á þurrkara í Laut. Lagt er til að viðaukinn verði fjármagnaður með lækkun á handbæru fé. Bæjarráð leggur til við bæjarstjórn að samþykkja viðaukabeiðnina. **5. Málefni fatlaðs fólks - Beiðni um viðauka - 2303041** Sviðsstjóri félagsþjónustu- og fræðslusviðs sat fundinn undir þessum dagskrárlið. Lögð fram beiðni um viðauka að fjárhæð 4.649.000 kr. til að mæta kostnaði við þjónustu í málaflokki fatlaðs fólks. Lagt er til að viðaukinn verði fjármagnaður með hækkun á framlagi jöfnunarsjóðs vegna málefna fatlaðra. Bæjarráð leggur til við bæjarstjórn að samþykkja viðaukabeiðnina. **6. Beiðni um fjárstuðning vegna eineltismála - 2303037** Promis ehf. óskar eftir stuðningi að fjárhæð 250.000 kr. vegna kaupa á hettupeysum sem gefa á öllum 12 ára börnum á Suðurnesjum. Bæjarráð getur ekki orðið við erindinu. **7. Hafnargata 12a (Kvikan) - beiðni um viðauka - 2303052** Sviðsstjóri skipulags- og umhverfissviðs sat fundinn undir þessum dagskrárlið. Lögð fram beiðni um viðauka vegna framkvæmda við útiglugga og hurðir í Kvikunni. Á fjárfestingaráætlun fyrir árið 2023 er samþykkt að setja 15 milljónir króna í verkefnið. Umsjónarmanni fasteigna reiknast til að kostnaðurinn verði rúmar 21 milljón króna og því er óskað eftir 6.300.000 kr. viðauka sem fjármagnaður verði með lækkun á handbæru fé. Bæjarráð leggur til við bæjarstjórn að samþykkja viðaukabeiðnina. **8. Uppbygging lóða við Víðihlíð - 2303050** Lagt fram bréf frá Synergía ehf./Render ehf., dags 13. mars 2023, varðandi uppbyggingu á lóðum merktum nr. 2, 3, 5 og 6 á deiliskipulagi fyrir Víðihlíð. Bæjarráð lýsir ánægju sinni með hugmyndina í bréfinu og felur bæjarstjóra að vinna málið áfram. **9. 50 ára kaupstaðarafmæli Grindavíkurbæjar - 2301116** Sviðsstjóri frístunda- og menningarsviðs sat fundinn undir þessum dagskrárlið. Bæjarráð tilnefnir eftirfarandi í afmælisnefndina: Aðalmenn: Aðalgeir Johansen Ásrún Helga Kristinsdóttir Emilía Ósk Jóhannesdóttir Kristín E. Pálsdóttir Lára Lind Jakobsdóttir Varamenn: Tómas Breki Bjarnason Valdís Inga Kristinsdóttir **10. Erindi frá stjórn Sambands sveitarfélaga á Suðurnesjum - 2303034** Lögð fram drög að ársreikningi Sambands sveitarfélaga á Suðurnesjum fyrir árið 2022. Enn fremur er lögð fram bókun stjórnar SSS vegna skuldar HES við S.S.S. sem stjórnin leggur til að greidd verði upp á tveimur árum. Hlutur Grindavíkurbæjar er 6.163.443 kr. Bæjarráð staðfestir að Grindavíkurbær mun greiða sinn hlut. Fleira ekki gert. Fundi slitið kl. 18:00 == AÐRAR FUNDARGERÐIR == Skipulagsnefnd / 22. mars 2023 Frístunda- og menningarnefnd / 9. mars 2023 Bæjarstjórn / 1. mars 2023 Fræðslunefnd / 27. febrúar 2023 Bæjarráð / 23. febrúar 2023 Skipulagsnefnd / 21. febrúar 2023 Afgreiðslunefnd byggingamála / 16. febrúar 2023 Bæjarráð / 15. febrúar 2023 Skipulagsnefnd / 10. febrúar 2023 Bæjarráð / 8. febrúar 2023 Frístunda- og menningarnefnd / 2. febrúar 2023 Bæjarstjórn / 1. febrúar 2023 Skipulagsnefnd / 31. janúar 2023 Afgreiðslunefnd byggingamála / 19. janúar 2023 Bæjarráð / 18. janúar 2023 Frístunda- og menningarnefnd / 12. janúar 2023 Fræðslunefnd / 11. janúar 2023 Bæjarráð / 11. janúar 2023 Bæjarstjórn / 11. janúar 2023 Skipulagsnefnd / 10. janúar 2023 Bæjarstjórn / 28. desember 2022 Öldungaráð / 21. desember 2022 Bæjarráð / 21. desember 2022 Skipulagsnefnd / 20. desember 2022 Fræðslunefnd / 19. desember 2022 Afgreiðslunefnd byggingamála / 16. desember 2022 Bæjarstjórn / 14. desember 2022