=== Skorradalshreppur 27. maí 2022 === Hreppsnefnd Skorradalshrepps Fundur nr. 167 ==== föstudaginn 27. maí 2022 kl.16:00, hélt hreppsnefnd Skorradalshrepps fund á ==== Hvanneyri. Þessir sátu fundinn: Pétur Davíðsson, Jón E. Einarsson, Árni Hjörleifsson, Sigrún Guttormsdóttir Þormar og Ástríður Guðmundsdóttir. Fundargerð ritaði: Pétur Davíðsson, hreppsnefndarmaður. **Þetta gerðist:** **Almenn mál** **1. Ársreikningur Skorradalshrepps fyrir árið 2021 – Mál nr. 2205003** Ársreikningurinn lagður fram til seinni umræðu. Fulltrúi KPMG, Konráð Konráðsson kom og fór yfir ársreikning og endurskoðendaskýrslu. Ársreikningurinn samþykktur. Gestir Konráð Konráðsson – KPMG – **2. Erindi frá vinnuhópi um eigandastefnu Faxaflóahafna. – Mál nr. 2204012** Lögð fram samskipti frá Helgu Hlín Hákonardóttir, lögfræðingi vinnuhópsins. Frestað að afgreiða tilllögu að breytingum á eigandasamþykkt. Sveitarstjórn leggur til að Skorradalshreppur eigi aðkomu að skipun eins stjórnarmanns, með Hvalfjarðarsveit og Borgarbyggð. PD falið að svara vinnuhópnum. **Fundargerðir til staðfestingar** **3. Skipulags- og byggingarnefnd – 161 – Mál nr. 2205001F** Lögð fram fundargerð frá 24. maí s.l. Fundargerðin samþykkt í öllum 11 liðum. **3.1 2205015** – Leiðbeiningablað um brunavarnir í frístundabyggðum **3.2 2205013** – Gönguleiðir í Skorradalshreppi **3.3 2205014** – Gönguleið um Stálpastaðaskóg **3.4 2202003F** – Afgreiðslufundir byggingarfulltrúa – 66 **3.5 2205003F** – Afgreiðslufundir byggingarfulltrúa – 67 **3.6 2205001** – Holtavörðuheiðarlína 1, matsáætlun **3.7 1403004** – Úttekt á bátaskýlum við Skorradalsvatn. **3.8 2204006** – Stefnumörkun um bátaskýli og bátaaðstöðu við Skorradalsvatn, breyting aðalskipulags **3.9 2205002** – Refsholt 36, breyting deiliskipulags **3.10 1704004** – Hreinsun á inntakslóni, framkvæmdaleyfi **3.11 2205012** – Skógrækt í Vatnshorni, framkvæmdaleyfi **Skipulagsmál** **4. Stefnumörkun um bátaskýli og bátaaðstöðu við Skorradalsvatn, breyting** **aðalskipulags – Mál nr. 2204006** Lögð fram lýsing breytingar Aðalskipulags Skorradalshrepps 2010-2022 er varðar stefnumörkun um bátaskýli og bátaaðstöðu við Skorradalsvatn á grundvelli úttektar á stöðu bátaskýla við Skorradalsvatn, dags. maí 2022. Skipulags- og byggingarnefnd leggur til við hreppsnefnd að óskað verði umsagnar um lýsinguna hjá Skipulagsstofnun og umsagnaraðilum og kynna hana fyrir almenningi sbr. 1. mgr. 30. gr. skipulagslaga 123/2010. Hreppsnefnd samþykkir að óskað verði umsagnar um lýsinguna hjá Skipulagsstofnun og umsagnaraðilum og kynna hana fyrir almenningi sbr. 1. mgr. 30. gr. skipulagslaga 123/2010. Skipulagsfulltrúa falið að vinna málið áfram. **5. Refsholt 36, breyting deiliskipulags – Mál nr. 2205002** Óskað er eftir breytingu deiliskipulags við Refsholt 36 í landi Hálsa. Breytingin varðar stækkun á byggingarreit, fjölgun húsa innan reitsins, aukið byggingarmagn og hækkun á mænishæð. Óskað er eftir að byggingarreitur verði 10 m frá lóðamörkum, húsum fjölgað um eitt sem verður geymsla, byggingarmagn verði 204,3 fm í stað 165 fm, hámarksstærð gestahúss og/eða geymslu má vera 35 fm í stað 15 fm gestahús og mænishæð 530 cm í stað 480 cm í gildandi deiliskipulagsáætlun. Skipulags- og byggingarnefnd leggur til við hreppsnefnd að heimila óverulega breytingu deiliskipulags sbr. 2. mgr. 43. gr. skipulagslaga nr. 123/2010 og hún grenndarkynnt sbr. 44. gr. sömu laga fyrir lóðarhöfum Refsholts 32, 34, 38, 42, 51, 53 og landeigendum. Hreppsnefnd samþykkir að heimila óverulega breytingu deiliskipulags sbr. 2. mgr. 43. gr. skipulagslaga nr. 123/2010 og hún grenndarkynnt sbr. 44. gr. sömu laga fyrir lóðarhöfum Refsholts 32, 34, 38, 42, 51, 53 og landeigendum. Skipulagsfulltrúa falið að vinna málið áfram. Þetta er lokafundur hreppsnefndar fyrir kjörtímabilið 2018-2022. Oddviti(ÁH) og fráfarandi sveitarstjórnarmenn (SGÞ og ÁG) þakka samstarfið á liðnum árum og óska nýkjörnum sveitarstjórnarmönnum góðs gengis. Fleira ekki gert. Fundi slitið kl. 17:15.