=== Hreppsnefnd Skorradalshrepps === Fundur nr. 166 ==== föstudaginn 20. maí 2022 kl.16:00, hélt hreppsnefnd Skorradalshrepps fund á Hvanneyri. Þessir sátu fundinn: Pétur Davíðsson, Jón E. Einarsson, Árni Hjörleifsson, Sigrún Guttormsdóttir Þormar og Ástríður Guðmundsdóttir. ==== Fundargerð ritaði: Pétur Davíðsson, hreppsnefndarmaður. **Þetta gerðist:** **Almenn mál** **1. Ársreikningur Skorradalshrepps fyrir árið 2021 – Mál nr. 2205003** Lagður fram til fyrri umræðu. Samþykkt að vísa ársreikningi til seinni umræðu. **2. Hreinsun á inntakslóni, framkvæmdaleyfi – Mál nr. 1704004** Erindi barst frá Lögreglustjóranum á Vesturlandi, dags. 12. maí 2022, vegna lögreglumáls nr. 313-2017-13291. Lagt fram. Vísað til skipulags- og byggingarnefndar. **3. Birkimói 2, 4 og 6 – Mál nr. 1706004** Borist hafa tvær lóðaumsóknir í Birkimóa 4 Önnur dagsett 1. apríl og hin dagsett 10. apríl Samþykkt að veita Kolbrá Höskuldsdóttur, dagsetning umsóknar 1. apríl lóðina að Birkimóa 4. **4. Vegna refa og minkaveiða. – Mál nr. 2205004** Bréf frá Birgi Haukssyni. Erindinu vísað til næstu sveitarstjórnar. **5. Erindi frá Sambandi ísl. sveitarfélaga. – Mál nr. 2205005** Tillaga um stofnun húsnæðissjálfseignarstofnunar á landsbyggðinni með öðrum sveitarfélögum. Samþykkt að taka þátt í stofnun félagsins. **6. Aðgangur að örnefnum af sveitarfélaginu. – Mál nr. 1202023** Lagt fram tilboð frá Sigurgeiri Skúlasyni, landfræðingi, er varðar að koma örnefnum yfir á shp.form þannig að hægt verði að afhenda gögnin til Landmælinga Íslands. Skipulags- og byggingarnefnd leggur til við hreppsnefnd að Sigurgeir verði fengin til að ljúka verkefninu til afhendingar Landmælinga Íslands og hreppsins. Samþykkt **7. Framlag til byggingar laugarhús Hreppslaugar. – Mál nr. 2007003** Lagður fram undirritaður lóðarleigusamningur vegna lóðar vegna laugarhús Hreppslaugar. Skorradalshreppur fer með 40% eignarhluta í nýja laugarhúsinu. Lóðarleigusamningur samþykktur. Hreppsnefnd fór síðan í vettfangsferð í lok fundar til að skoða nýtt laugarhús. **8. Fundur stjórnar Faxaflóahafna nr. 219 – Mál nr. 2205006** Lögð fram. **9. Fundargerðir nr. 907 – 909 stjórnar Sambands Íslenskra sveitarfélaga. – Mál nr. 2205007** Lagðar fram Fleira ekki gert. Fundi slitið kl. 18:30.